ياسلام وكيف خليتم الحين اني انا غلطان في اني ابغى اتزوج وحده عربيه ؟ كيف يعني الطريقه غلط ؟؟؟ ويوم اقول تعرفت على وحده يمكن البعض يفتكر انه لا سمح الله في مكان مشبوه او بطريقه غلط .... انتم كلكم تعرفون ان العادات والثقافات تختلف عند جيراننا من الدول العربية ... بس يبقى كله في نطاق الادب والدين .. بعدين انا رجل ولله الحمد ما عندي لا لف ولا دوران وخصوصاً في هذي لمسائل المصيرية.. وبعدين يا اخوان عنجد احنا محنا جالسين في حلبة مصارعة مين يلي يغلب النساء ولا الرجال ، أي انسان عاش تجربة مشابهه يمكن يقدمها وانا شاكر له بعدين انا ما قلت شي زوجتي لو بغت الطلاق تقدر تحصل عليه بس والله اهون علي تطلع روحي ولا تطلع من بيتي بس بالنهاية ما اقدر اوقف قدامها اذا اصرت وانا صح في البداية كنت رافض اني اعطيها العيال من حبي لها والله وللعيال قلت يمكن اقدر اسوي عليها شوية ضغط بس بالنهاية انا اشوف ان العيال يقدرون يستغنون عن الاب بس الأم لااااااااا دايم كنت اقول لها وانا والله يعلم اني صادق "بأن يكون يومي قبل يومها ولو العمر يعطى كان اعطيتها من عمري علشان غلاتها وكمان انها تبقى لعيالها" قدر الله وماشاء فعل يا اخوان انا ما سويت شي غلط والله اعطيت زوجتي وقت طويل تدرون كم سنتين وانا امهد لها واعمل لها وكل شي وكمان بنت الناس حرام بعد سنتين اخدعها واتركها حرام .... يا اخوات والله ادري انه شي صعب على زوجتي هل أمر بس صار الي صار " ما تقدر زوجتي تتحمل واجرها على الله وين الي تبغى الجنه وين تطلب الاخره" يا اخوات والله انا مو مقصر معها ويمكن والله ان قلبي يميل لزوجتي ام عيالي بس شسوي خلاص وانا زي ما قلت لكم في البداية اموت ولا ارجع عن كلمتي حراااام والله. يا اخوات انتم يمكن اعرف من الرجال في الحل الي يمكن يقدر يحل هل مشكلة. وشكراً للجميع

لا تترك خطيبتك بيظل قلبك معلق فيها

بس هو صار خطأ انك ما اخذ راي زوجتك ومهدت للامور عدل

باقولك قصه امكن تفيدك بالمستقبل

اعرف رجل متزوج وعنده عيال والحمدلله كانو وقت ما حب وحده عددهم 6 او 7
وحبها وطلب الزواج وزوجته رفضت وامه بس خلاص العقل اللي يفكر القلب بالحاله هذي

جت ليله الزواج ما تم الزواج قدر الله وما شاء فعل صار عرس صار كل ششئ الا الحرمه بالليله بجت وصارخت واعترفت ما ابيك ما ابيك ولا احبك وبطل زواجهم وتم الطلاق <<خلنا من هالقصه
طبعا هي سوت زعزعه بين الاهل الزوجه الاولى ما زالت تحس بحب هالريال لهذيك الحرمه

بس نكمل القصه

بعد سنوات حب وحده ثانيه وعلى طول خطبها وتمت الخطبه علما بان الزوجه الثانيه اكثر ماديه وذات وظيفه وطبقه راقيه اكثر من الزوج واهله

تم الزوج بدون لا يقول لعياله وزوجته واامه

وبدون لحد يحس من اهل البيت

بعد مده جاء وطلب يجمع زوجته وعياله وقال تراني باخطب واتزوج

الزوجه قالت تزوج <<ما تبي تخسره وتكسره مرة ثانيه كافي الاولى
العيال قالوا اي تزوج <<خافوا يروح لغيرها بعد وبعد

بعد سنوات بين انه كان متزوج قبل وقالوا عادي دام قال لنا بعد واستانسو لابوهم الاهم فرحته قدامهم

بسسسس صار عنده مششكله بين العدل

يروح لزوجته الثانيه اكثرر من الاولى طبعا هو عارف عن العدل وكل شئ بس الثانيه اكثرر تجذبه خاصه حبهم عن زواج
ويحترم الثانيه اكثر من الاولى لانها اكثر ثقافه
بيت الثانيه ازين من بيت الاولى لانها بنت من طبقه ارقى منه
عيال الاولى والثانيه هني صارت مششكله بعد

صار يميز عيال الثانيه ع الاولى دلــع لاخر شئ والسبب تقاليدهم والثانيه ابد ما في عندهم من يدلعهم وايد

عيال الاولى صاروا يحسون بفارق ويغارون لدرجه ودهم يذبحون اخوانهم من الثانيه

صاروا يكرهون ابوهم يقولون يميز ويوم يشوفونه كلمن يلف ويهه ويقولون عشان ما نكرهه اكثر احنا نحبه بس يوم نشووفه يميز ما نصبر


ويشوفون الابو يوم يطلبونه عياله من الثانيه عشان امهم تتنفذ بدون اي تردد طلب الغالي رخيص


طبعا بكل شئ صار تمييز بس الزوجه الاولى تقول انا مرتاااحه جذي اعرف وين زوجي اعرف ان تركته في من يروح وراه اذ خان ذبحته غيرتها اكثر مني اكيييد دامها تحبه


بالاخير النزاعات بين الاخوان للحين قايمه
اما الزوجات اظن الثانيه اكسبت كل شئ الاولى خسرت بس هي فرحانه بقلبها شئ ثاني


انتبه تميز بين عيالك يوم تتزوج انتبه ركز ع عيالك

اما زوجتك انصحها كلمها بالعاميه بالرومانسيه رضت كملت وياها حياتكم ذكرها ان بينكم عششره سنوات مو اشهر وله ايام حاول وياها بالطيب والين وابعد عن العصبيه
ما رضت خلها وذكرها انك لو ما تحبها وتقدرها وتحب عيالها قادر تستغني عنها وتجيب غيرها بس الحب والايام والوناسه ويا بعض ما تقدر تعوضهن

هي بتحس بالذنب يوم تحس انها حرمتك عيالك وحرمت عيالها منك

بتحن لك والشوق بيذبحها وبتحس بالغيره انها خلت الساحه فاضيه لغيرها بترجع باذن الله بس انتبه من الغيره بينهم انتبه تميز بينهم

ربي يسعدك ويرجع زوجتك ويتم زواجك ع خير يارب

سؤال بسيط ومختصر وزوجتك ردت عليه بالفعل.

نعم يا أخي هي ما تقدر تتحمل .. هذه طاقتها واستطاعتها وهي أدرى بنفسها .. ولا يستطيع أحد أن يجبرها على أن تضغط على نفسها وتقبل هذا الوضع الذي تريد أن تفرضه عليها.

يا أخي أنت اخترت وقررت أمراً مصيرياً سيكون له تأثيره عليكم جميعاً .. ومن حقها أن يكون لها رأي وموقف في هذا الأمر المصيري .. وعليك احترام ذلك.

__________________


اللهم طِيبَ الأثر .. وحُسْنَ الرحيل.