المشاركة الأصلية كتبت بواسطة مقبل 1

هههههه والله موقفك طريف من جد ،،، لكن وشوله تاخذ جدك؟ انت اللي بتشوفها والاهو ؟ عموما الله يوفقكم ويجمع بينكم على خير

بالنسبة لي في النظرة الشرعية ابوها ماقصر كسر الجو وخفف الموقف، طبعا انا كنت مجمع كلام كثير لكنه بقدرة قادر طااااار من دخلت علي، وقعدت اسولف بسوالف غير مترابطة ههههههههههه خصوصا ان السواليف من طرف واحد اللي هو انا لانها كانت مستحية جدا ... ثم خش ابوها في السواليف وقعد يتكلم وانا مانيب لمه وقاعد اسلكله وبين كل جمله وجمله له اقول له صحيح ... صادق ... وانا مادري وش يقول الين جات الطامة يوم قلت له "صادق" ,,, قال وشلون صادق؟ قلت صادق في اللي تقوله ، قال اقولك متى حاط في بالك وقت الزواج؟ هههههههههه