بسم الله الرحمن الرحيم
السلام عليكم ورحمة الله وبركاته
انا متزوجه من 11سنه وعندي ثلاثه اطفال الكبير طالع صف ثاني والصغيره سنه ونص انا الحمدلله ست بيت بشهادة الجميع لا في ترتيب وتنظيف ولا في اكل ولا في الاهتمام بالعائله كلها وخاصه الزوج ولكن كل هذا ولازال زوجي يقول اني مقصره مقصره زوجي عنده زملاء من مستوى اعلى منه شوي ماديا وهوه والله مو قاصر عليه شي ودائما يقول ليش زملائي يسوون سفر احسن من سفري مع علمي ومعرفتي بزوجات زملائه انهم لا يعرفون طريق المطبخ ويقول انه فيه تنافس بينه وبين زملائه من بيته وسفرته احسن (الصراحه اول مره اعرف ان الرجال بينهم تنافس على السفر الي اعرف انهم الحريم ولكن الشكوى لله) المهم انا والله العظيم لا خليت موقع طبخ ولا كتاب طبخ الا جبته حاولت بقدر الاستطاعه اني اعجبه ولكن دون فائده جاب لي ثلاث شغالات لان زملائه عندهم ثلاث شغالات والبيت ما يحتاج الا شغالتين المهم كل ما صار فيه عزيمه لازم من العصبيه والمشاكل منه مو مني انا بس اتلقى واستمع دون دفاع وبعد التعب يقول سفرتي وانتو بالكرامه ----- وكل الي حضر العزيمه يكلمني كيف سويتي ذا وكيف سويتي ذا المهم انا قلت له مافيه داعي شغاله ثالثه لانه دائما يقول ثلاث شغالات ومافيه شي زين واذا وحده من الشغالات قالت ما ابي اشتغل قال المشكله فيه انا مو فيهم المهم انا تعبت معاه جدا ولم اجد حل والله صرفت مالي وجهدي ولكن دون فائده نادرا يقول تعبتكم حتى اذا صار معزوم عند اي احد من زملاءه اقول الله يعين بيجي يقول سووا وحطوا اخر عزيمه حضرها يقول حطوا ساندوتشات شكلها مرتب في الصحن ونوع سلطه واعجبه طريقة التقديم قلت له ترى والله ماني شيف وهذا الي اقدر عليه قال لا لازم يشوف حل قصده يتزوج وحده ثانيه عشان الطبيخ تخيلوا واذا صار فيه عزيمه ودخلت المطبخ من بدري لاني راح اسوي انواع يزعل ليش تدخلين المطبخ من بدري وفي الاخير تطلعين بس خمسه انواع ويقول زملاءه اذا صار عندهم عزيمه ما يسمع صحون وروحه وجيه فجأه يقولون تفضلوا ويحصل شي حلو وانا من بدري وطلعه ونزله ولا فيه شي زين رمضان هذا كل يوم سحور وفطور ومشاكل واقرفني في عيشتي فما الحل اريد حل ولا اقتنع يجيب طباخ لانه راعي عزايم هاذي قصتي وسلامتكم

يرجى مراعاة الذوق العام في طرح الموضوع وانتقاء الكلمات المناسبة لعرض المشكلة

__________________

اللي أقدر اقوله الله يعينك عليه

أضحكتني مقارنته هذه واثارت أعجابي

يعني كيف يبغاك تطبخين وتسوين له ألي يملى عينه بدون ماتدخلين المطبخ بدري
وعشان ترضينه هو بالذات يبغالك دخول المطبخ قبلها بيوم كامل

وبعدين شي طبيعي أذا راح لعزيمه مارح يسمع صحون وروحه وجيه على قولته لأنه يجي وكل شي جاهز

عجبي

__________________
أشتقت لكم جداً 💔

الف شكر على الرد والله يعني احسه عذابي في الدنيا اذا قال فيه عزيمه اتضايق مو من التعب بالعكس الا من الكلام الي ماله داعي

__________________

أختي

بدل ما يجيب لك 3 شغالات ، يرجعهم كلهم و يجيب ( طبااااااااااااخة ) و إنت تشرفي على الديكور تبع الأكل
مو شرط طباخة ، هناك شغالات يطبخوا ،، شغالة تنظف و شغالة تعمل سلطات و حلويات و كذا
عشان يمديك تعملي ديكورات و حركات للأكل

زوجك يهتم للتنسيق شكله و متعب راسه الصرااااااااااااااااااااااااااحة من جد ؟؟؟؟؟
تهمه المظاهر و الأشياء اللي مالها داعي من جد و ينكد عليك و على نفسه
و بكرة مافي و لا واحد منهم بينفعه

الظاهر زوجك أما من النوع اللي مايعجبه أي شي له أو في بيته مهماكان جميل بينما أي شي عند غيره يعجبه حتى لو كان

بسيط أقول يمكن فيه بعض الناس كذا

لأن من كلامك باين أنك متضرره من أفعاله وأكيد مادامك متضرره بتحاولين بكل قدرتك ترضينه لكن هو مو عاجبه شي
*

__________________
أشتقت لكم جداً 💔

السلام عليكم و رحمة الله ,

اختي ظاهر انكم يجب ربما ان تحسنوا اختيار الاصدقاء, لانه لما يكون الصديق عنده كبر و تفاخر و مباهاة...هذا يؤثر على الانسان في علاقته بنفسه و باسرته, حتى كان في شباب تعاملوا بسوء مع والديهم بسبب الرفقة السيئة,

انا من رأيي زوجك و نتي اجلسوا مع بعضكم البعض و تناقشوا و قولي بأنم تفعليه ما تقدرين عليه و ان يكف عن مقارنتك بالآخرين و يشوف فضائلك لا عيوبك. و ما حد فينا كامل,

و نصيحة اجتنبوا الرفقة السيئة و اختاروا اهل التقوى و القناعة و الناس المتواضعين, الناس المتباهين يأثرون على القلب و تكون الجلسة معهم متعبة صراحة خصوصا للي قدراته المادية محدودة,

الانسان يقنه و يرضى برزقه و لا يشوف اللي عند الآخرين, و يلزم اهل الطيبوبة و لو فقراء سبحان الله.

صادقه يا ام يحي وحنين بس من يقدر يكلمه راسه ناشف حتى هوه يقول انا راسي زي الجدار

__________________

أختي اهتمي بترتيب البوفيهات وترتيب الديكوريشن حق السفرة

وكثري كثري الأغراض

كل الإكسسورات الي بالسوق جيبها طيب كم صنف يبغى يعني

علميه قبل قولي بسوي كذا وكذا وشوفي القائمة تعجبه وإلا لا

علشان هو يكون عارف وش قدامه وانتي تكونين عارفه وش تسوين لكن تتعبين نفسك

وبالأخير ما يطلع الي بمزاجه

بس بيني وبينك هو ماقصر

إذا جايب لك 3 شغالات وموفر الأغراض فما عليك إلا تشوفين الأصناف الي يبيها

والله يكون بعونك ويبيض وجهك قدام زوجك دائما

لا حول ولا قوة إلا بالله العلي العظيم...

الله يعينك أختي ويحنن قلبو عليكي...

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين