زوجي يريدني انام بالمجلس - منتدى عالم الأسرة والمجتمع

05-10-2010, 07:12 AM

طيب وش تبون

عضو جديد

تاريخ التسجيل: Oct 2010

المشاركات: 24

جزاكم الله كل خير على تفاعلكم ... باحاول ان شاء الله . بس اني خايفه .مع ان الطفل اطباعه زينه ولايبكي بالليل .

بس اخاف يبكي ويعصب زوجي .. انا خايفه انه يبي هالوضع بشكل دائم لانه دايم جلسته مع اخوانه الكبار وهم شياب ينامون بغرف منفصله عن حريمهم . اخاف قالو له وخصوصا ان زوجي بلغ الاربعين ومن يومها متغير شوي .. كل شوي يقول كبرنا كبرنا على اي سالفه . ومرات اقول يمكن يبي يتزوج ويبي يمهد لي ويعودني على البعد عنه . مع انه ماقد جاب طاري الزواج نهائي . لامزح ولا جد . عموما هو ماهو من النوع المزوح .

المهم اليوم الصباح لما جيت اصحيه للدوام لقيته مطفي المكيف ونايم بدونه . وجو الغرفه حااار . مدري كيف متحمل .
انا عادي اقدر انام او اتنيوم بالاصح في هالجو .. بس البيبي كيف ؟؟
ما ادري انومه بغرفة اخوانه ؟ اخاف ما اسمعه اذا بكى . ويطلع شكلي سخيف جالسه الاحق زوجي على حساب ولدي.

05-10-2010, 07:56 AM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

اقتباس:

المشاركة الأصلية كتبت بواسطة طيب وش تبون

نومي ولدك بغرفة اخوانه .. ووصي الكبير فيهم أو اللي شخصيته حبابة منهم وتقدري تعتمدي عليه أكثر واحد انه يعطيه اللهاية اذا سمع صوته أو يناديكي أو استعملي جهاز مراقبة الاطفال وتقدري من خلال هذا الجهاز تسمعي صوته وهو بعيد عنك .

المهم تكوني بغرفتك .... لو ما قدرتي ولا بأي حال فعلى الاقل اقضي اخر ساعة من نهارك بفراش زوجك ... يعني كوني معاه باخر ساعة أو نص ساعة ... مجرد سوالف أو قراءة قرءان أو أي كتاب ..المهم شي تسويه معاه حتى ما ينقطع حبل المودة .. لكن هذا اخر خيار لانه ما يعادل الوضع الطبيعي .حاولي قد ما تقدري انك تكوني بغرفة زوجك وطفلك بغرفة اخوانه .

الشتا على الابواب وربك يهونها

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه