السلام عليكم من فتره مادخلت المنتدى حبيت بس تقولون ايش الحل مع خواتي انا احب اتواصل مع اهلي وخواتي في التيلفون احنا في نفس المنطقه بس انا بعيده عنهم وما اشوفهم الا بالاسبوع مره في بيت اهلي وصراحه ما امدح نفسي انا حنونه حيل واحبهم واشتاق لهم هم ثلاث متزوجات وانا طبعا متزوجه الكبيره ماتتواصل معانا هذا طبعها وانا اعذرها بس انا دايما اتصل عليها في وقت مناسب يعني مو في وجود زوجها وساعات اطول معاها تاخذنا السوالف بس المفروض اذا مادقيت عليها تدق تسال لان ماحد يدق عليها من خواتي الا انا ولدقيت بعض الاحيان احس انها ماتبي تكلمني او مو مشتهيه تتكلم معاي واختي اللي اصغر مني علاقتي معاها قويه ودايما نتواصل بس تجي فترات احس انها من اتصل عليها تتعذر ماتبي تكلمني انا مرات اعذرها بس طريقتها ماتعجبني على طول من اتصل بس اقول الو تقول بنتي تصيح او انا مشغوله يعني يمكن ما اطول بس بكلمها في شي بسيط وبسكر لاني بعد انا مشغوله وعندي بيت وعيال وزوج ومرات تدق علي وزوجي موجود وتطول بعد واكلمها وزوجي يدخل ينام ولا ادري عنه واختي الثالثه اللي اصغر منها بعد علاقتي معاها عادي نتواصل بس مو كثير تدق قليل وانا ما ادق عليها الا بالصدفه حتى لدقت اعرف انها متصله تبي شي موعشان تسال عني بس احيانا تدق تسال موكثير قليل واكيد كل يوم اتصل على الغاليه الوالده اذا مادقيت هي تدق الله يطول عمرها وعندي اختي مو متزوجه اكلمها بس ابي اقول لكم لاتاخذون فكره ان كل همي التيلفون والسوالف لا انا لصرت فاضيه ادق عليهم وانا الحمدلله مومقصره مع عيالي وزوجي بس احب اتواصل معاهم مو عشان مصلحه بس فكرت الحين واخذت قرار اللي يدق علي بدق عليه واللي مايدق خلاص لاني والله حتى لو يصير فيني شي مايدرون عني ولايتصلون وانا لصار فيهم شي اتصل واسال عنهم واذا سافرو اهلي اتصل عليهم كلهم كني انا الكبيره مثل امهم ويعترفون بهالشي انا صراحه حساسه مره ولا احب ارمي نفسي على احد حتى لو كانو اهلي

أختي ، هم مو ما يحبوك لا سمح الله ؟
بس هذا طبع فيهم و الدليل إنك تدقي على أمك و تسألي عنها أكثر منهم ( هذا استنتاجي )

هم طبعهم كذا و ما يحبوا يتكلموا بالتلفون و لا يسألوا عن أحد ،.:
ريحي حالك و اشغلي وقتك و اهتماامك مع زوجك و أولادك و بيتك ، و إذا واحدة منهم احتاجت لشئ فأكيييييييييييد
إنك ما راح تقصري معهم في شئ

عزيزتي..

خير الأمور الوسط .. والمثل يقول: ابعد حبة تزيد محبة.

أدرك أنكِ قد تقولين إن هذا لا يفترض أن ينطبق مع الأخوات .. ولكن سبحان الله كما قالت روح الطير ربما يكون هذا طبع فقط .. وهناك أناس بالفعل لا يحبون استخدام الهاتف بكثرة .. وآخرون قد لا ستمح لهم ظروفهم بذلك بالفعل بسبب انشغالهم مع الأطفال أو شغل البيت أو أية أمور أخرى.


الخلاصة .. التمسي لأخواتكِ العذر وأمسكي العصا معهن من المنتصف حتى لا تشعري أنكِ تعطين أكثر مما تأخذين.

__________________


اللهم طِيبَ الأثر .. وحُسْنَ الرحيل.

اشكرك اختي روح الطير وريحتيني برايك وصحيح انا ادق على امي اكثر منهم ماشاء الله عليك

شكرا اختي مهره كلامك صحيح

ماشاء الله عليك
بالعكس تواصلك حلو مع اهلك

بس خلي لك وقت معين تتصلي فيهم مثلا كل اسبوع او كل اسبوعين مرة
والاتصال للسؤال عن الحال بس

والكبيرة اتصلي عليها
اما الي اصغر منك اتصلي مرة مرتين وبعدين هم خليهم يتصلوا عليك
قولي لهم سمعوني صوتكم مرة ثانية

لان الصغير يتصل ويدور على الكبير

والله يديم المحبة عليكم

__________________

لا تتصلي كل يوم ولاتقطعيهم بالمرة
خير الامور الوسط عشان لا يملو ولا انتي تملي منهم

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

.. ماشاء الله .. بالعكــس تصرفك صحيــح مئه بالمئه ..

.. جميل جدا أن تتواصلي مع أخواتك .. سواء الكبار أم الصغار ..

.. لكن مثلما تفضلت أختنا العزيزة ( روح الطير ).. يمكن طبع في اخواتك ..أنهم لا يحبون الحديث في الهاتف كثيرا ..

.. وأحيانا ضغوط الحياة , والبيت , والاطفال , والزوج , والمسؤليه .. تجلعنا نمل من الحديث مع الآخرين ..

..

.. لكنك لم تخبرينا عن طبع أخواتك عندما تجتمعن في بيت أهلك !! هل تتحدث مع بعض .. هل تسئلن عن احوال بعضكن ؟

.. ان كان الجواب نعم .. فتأكدي أن اخواتك يفضلن الحديث معك مباشره ,, وليس على الهاتف ..

.. لكن هذا لايمنع من أن تسئلي عنهن بين الحين والآخر .. وتتصلي بهن ..

..

__________________

رأي من رأي الاخوات
الاهم هو ان لا تفكري بقطع تواصلك مع اهلك مطلقا
وعليك بالوسطية والاعتدال واتركي حساسيتك جانباً .. هؤلاء اخواتك واقرب الناس اليك فاخلقي لهم الف عذر وخاصة كمتزوجات ..
لا حرمكم الله من بعضكم البعض

حفظك الله ..

__________________

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه