أختي الكريمة : قمر 1406

أسأل الله أن يسعدكم معاً وحقاً وفرحت كثيراً لإصرارك لمحاولة الصلح معه.

أولاً : هو الآن في خوف من أن إذا سامحك مباشرة أو بسرعة أن لاتأخذين الموضوع بشكل جدي ويصبح كالوعود الماضية ومثل ماحصل كثيراً في السابق، لذلك من المتوقع ما فعل أو ربما تطول فترة غضبة عليك (الزعل) أو حتى من الممكن خروج بعض الكلمات منه ليضايقك لسبب (يرضي غرورة ويرد بعض الإعتبار لنفسه).

ثانياً : هو لايريد الطلاق مباشرة وهو متردد الآن فلذا ردود أفعالك مهمة جداً هذه الفترة لأنه جاد ولكن متردد فبعض التصرفات قد تأكد ما في نفسه.

ثالثاً : سأقول بعض الجمل وبعض الكلمات وأنتي أكثر الناس حكماً عليها وما شدة تأثيرها عليه تستطعين تكوين أفكار شتى منها :-
( أنا مستحية منك كثير ومن كثر ماني مستحية ما أدري وش أقول أخاف أقول آخر مرة وما تصدقني وتصير كلمة زي الكلمات الكثيرة الي راحت بس تأكد من شي أنا أعرف إني أغلط عليك كثير وأخالف كلامك ويصير بينا الي يصير بس تأكد من شي مثل منك متأكد من إني معك الحين ويدي بيدك إني أنا أحترمك كثير وأنت أبو عيالي وإختياري وأنا شاريتك مقابل كل شي وأدري أنا ماني كاملة وأدري عندي بعض العيوب زي كل الناس ومافي أحد كامل أنت تحب فيني طباع وتكره طباع وأنا أحب فيك طباع وأكره طباع لازم تصبر علي وأصبر عليك وكل الأزواج كذا.
بس الجلسة الي بينا هذي المره غير تدري ليه لأن يدي بيدك وأنا ما جيت أقول آسفة بس لا.. جيت أقول أنا أبيك ومابي أخسرك صدقني أبي أتغير وراح أتغير بس وقف معي وساندني بس هذا الي أبيه منك، عشان كذا يدك بيدي أبيك أنت تسعادني وتساندني وتصبر علي وتحتويني أنا أعرف يمكن أغلط عليك بعد كذا وهذا إلي مابيه ومابي يصير كذا بعد اليوم بيننا بس إذا صار تذكر أنا أبي أتغير علشانك أنت، والله يشهد علي ما أسويه عامده أقلل إحترامك.
وأنت إطلب وآمر بلي تبي الحين وبقولك سم وأبشر وأنت وكلامك فوق راسي، وأنا عارفه ماهو الموقف الحلو إني أطلب منك الحين بس عندي طلبين وهذا مني ومن الصغير الي بينا، وعندي هي ركيزة حياتنا من الحين إلى النهاية
الأول لا تبيعني بسهولة أو تقولي بوديك لبيت أهلك لأني قلتلك في البداية جيتك ماهو عشان أقول آسفة بس وتنعاد والمواضيع القديمة وخلاص، بس لأن الأمور ماتنحل كذا وأنا معك نصلح حالنا شوي شوي لين تنتهي لأني أبغى أتغير وأنت مساندني ومحتويني فتأكد المسألة مسألة وقت.
الشي الثاني أضحك ما أحب أشوفك كذا ولا أقدر على زعلك )

رابعاً : من الممكن أن ينتهي الموضوع أو يطول كما قلت ولكن تصرفي بأطيب وأللين حالاتك وتصرفاتك، لأن قلبه لان وسيرضى بعد فترة إن لم ينتهي الموضوع في حينه، أشعرية دائماً بأنك تريدين أن تتغيري لأجلة فقط وتريدين منه أن يساندك بذلك وأنك من الممكن أن تخطئي وأنك لست كاملة فليصبر عليك، لا تغفلي أبداً أن يلاحظ إحترام زائد له وأنك لاتتهاونين بذلك، دائماً أعطيه مساحة في كل شئ والخيار له في كثير من الأمور، دعيه يخبرك بالصفات التي يكرها ولا يمكن أن يتعايش معها وأن يحصرها ويحددها قدر الإمكان لأن الكثير من الصفات والمشاكل عابرة وطبيعية ولكن في وضعكم أصبحت كبيرة جداً لأن النفوس مشحونه، لاتنسي أن تأكدي عليه الخطأ وارد وحصول الخطأ ليس حله الإعتذار أو الأسف من قبلك فقط بل الوقت والصبر لأنك من أراد تغيير طبعك وبعض الصفات بالكامل ذلك لأجله وهو الحل الجذري وليس إعتذار لتسكين الموقف وقت بسيط ليظهر بعد فترة، لا تحاولي قطع الوعود كثيراً عليه حتى لا يشعر أن هذا الموضوع مثل المواضيع السابقة بل بأي طريقة تقدرين عليها دعيه يعلم أن هذا الموقف يختلف كلياً عن ما سبق وأنك من رغبتي أنها ستكون مبنية على تضحيات وعزيمة قوية من الطرفين وأنت بالذات من ستنجحين هذه الحياة.

خامساً : يسر الله أمرك وجمع بينكما على خير.

سهل وصعب

رحت لزوجي زي ماقلتي وحاولت اكلمه باالموضوع وقام قال اطلعي برا انا مو رايق لك ابدا وتركته وجيت مره ثانيه وسكر الباب بوجهي وجيت مره ثالثه وكلمته باالموضوع بس كانت نضراته وتقسيمات وجهه تخليك ماتقدرين تقولين ولاكلمه تسد النفس وتقطع الرزق زوجي اذا عصب اعوذباالله منه وكلمته وقلت له ابشر باالي تبغى تعال اجلس معي انا وولدك علشان خاطرولدك وقلت له اني بتغير اوقف معاي واصبر وقلت له ان الناس كلها تتهاوش وترضى عادي قال انتي هذا طلبك انك تجلسين عندي انتي وولدك واصرف عليكم وبس مافي شي غير كذا تبغين اهلا وسهلا ماتبغين بيت ابوك يستناك قلت خلاص وديني بيت ابوي قال خلاص جهزي اغراضك قلت طيب طلعت من المجلس وانا دموعي على خدي وبعدها لاوداني عند اهلي ولاشي يعني خاف ترى زوجي طول عمره وهو يخاف لمن اقول ودني بيت اهلي كذا مره تحصل مشاكل بيني وبينه والم اغراضي ويجي زوجي يراضيني وهو بنفسه يرجع اغراضي الدولاب وحتى هذاك اليوم يوم قال روحي عند اهلك وترجيته وليتني ماترجيته اهنت نفسي وكرامتي وحتى هو سار يهيني كل شوي يقول بيت ابوك يستناك ويهددني المهم اكتشفت عن طريق المطار ان ذاك اليوم مافي حجز باسمي ولا اسم ولدي يعني السالفه كلها تمثيل يمثل علي انه حجز لي مع انه كانت نبره صوته جاده يوم قال لمي عفشك وحلف اني ماعاد اجلس في ذمته يمكن واتوقع حلف على حاجه ثانيه مو قصده انا كذا هوا بعض الاحيان يحلف على حاجه ثانيه في نيته يعني المهم ان حبيت اوضح لك ان زوجي مايمشي الابالعين الحمرا يعني اذا جيته باالقوه يهدا واذا ترجيته وبكيت يحتقرني زياده المهم
الحين هو هاجرني شهر كامل مع اني والله يوم راجعت اخطائي لقيتها ولا شي عند اخطائه هو يسب اهلي يحقرهم اذا راح عندهم يتذمر ومايصدق على الله متى يروح وانا عند اهله مثل الخدامه باالضبط لا ومع هذا كله مايعجب امه العجب حتى هي تسب اهلي وتسبني وتقول انا غلطانه اني اخذتك لولدي ودايم تقول انتي مو عاجبتني تصرفاتك مع انها ماقد تهاوشنا قدامها وهذا غير الغيره مني في كل شي زوجي لمن يمدح طبخي تقو ل هي انا اعرف اصلح احسن منه يعني في كل شي وتحقرني قدام حمواتي وزوجي من يوم مااخذته وهو احس كل حياتي معاه مجاملات من يوم اخذته وهو يزعل من اي شي زي الاطفال مايتحمل ابدا طفشني حياتي احاول افهمه مايفهم ويتهمني دايم انتي الغلطانه حتى انا صدقت الكذبه صرت انسب كل المشاكل لي انا ويوم راجعت نفسي من اول مااخذته لين الحين طلعت اغلاط كثيره هو السبب فيها وبعدين تصرفاته احسها زي الاطفال يعني بعض الاحيان يبكي ويجي عندي يقول ماما ويقلد الاطفال احس انه مريض نفسي
وانا الصراحه شكيت لامي وقلت انه هاجرني شهر كامل ولايدري عني وامي زعلت قالت انتي زوجته مو اخته ليه مايعطيك كل حقوقك من جد انا محتاجه له في كل شي لمتى الهجر تعبت منه اصلا حرام الي يسويه فيني الله ماقاله حتى فرصه للنقاش مايعطيني اصلا حركاته معاي ترفع الضغط تعبت ان جيته باالين رفض وانا مااقدر اتحمل فراقه ابيه اصلا اذا سافرت عند اهلي مااصدق متى يحجز لي علشان ارجع بيتي واشم ريحته واشبع من حضنه احبه والله اني اموت فيه لاكن مدري لي حياتي كذا معاه انا طيبه واخلاقي عاليه والكل يشهد بكذا الا زوجي احس ان حياتي معاه قلق مشاكل حاولت اتجنبها قد مااقدر والله اني اتحمل اغلاطه كلها حتى هوا يجي ويراضيني وارضى بسرعه وهو مايرضى بسرعه باالموت يرضى تعبت والله اني تعبت معاه مفروض اشيا تافهه يمشيها يوقف لي باالحبه وياخذ حقه من كل مشكله ان كان ضرب او سب او غيره صح اني اغلط بس اعتذر بسرعه بس وين الي يرضى بس هذي المره غير اذا قال بيت اهلك بقول ياالله والله مااترجاه يبغى يتفاهم مع اهلي انا ماعاد اقدر فيه تحملته واجد وكل اغلاطي من سب وطوله لسان هذي من زمان اول سنه زواج وبعدين تبت خلاص منها يعني المشاكل الثانيه على اشيا تافهه غيره سوا مني او منه وترى هو غيووووووور اكثر مني تعبني في الغيره وهي اغلب مشاكلنا بس الحين يذكرني باالمشاكل القديمه واحنا نسيناها وفتحنا صفحه جديده ومع ذالك كل شوي يذكرني فيها خليه يشبع لوحده لمن اروح عند اهلي خليه يتزوج عادي بس اتحداه يلقى وحده مثلي نظافه وجمال وطبخ واناقه وجامعيه وربه بيت ممتازه دايم ابيض وجهه في العزايم وعند اهله وحتى طبخي على قولته ماقد ذاق مثله وملابسي من احسن الماركات والله ليندم اذا طلقني وخصوصا دايم يقول لي افرط في عيوني ولا افرط فيك وكل هذاالكلا م يتبخر لمن تحصل مشكله الله يهديه مايحتوي المشاكل يكبرها دايم الله يهديه ويسخره لي ويجعلني قره عينه عاجل غير اجل امين يارب

__________________
استغفر الله عدد خلقه ورضا نفسه وزنه عرشه ومداد كلماته
حسبي الله لااله الا هو عليه توكلت وهو رب العرش العظيم

الاخت الكريمة ،،

لا اعتقد ان زوجك لا يريدك او لا يحبك ، كل ما قاله كان بسبب الغضب الشديد من افعالك و تكررها المستمر !

انتي حليت نصف المشكلة باعترافك بانك عصبية و شديدة الغيرة و سليطة اللسان ،
النصف الآخر من الحل هو ان تكوني حليمة هادئة متحكمة بغيرتك متوازنة في كلامك ،،،
ايضا انصحك بالاكثار من الاستغفار و ذكر الله حتى يبعد عنك الشياطين و الوساوس ، و اذا ما انتابتكي حالة غضب توضأي و صلي ركعتين ، و كرريها دائما حتى تقضي على العصبية تماما ،،

وفقكما الله و ابعد عنكما الزعل و المشاكل