السلام عليكم

انا مدمنه نت اغلب وقتي على الانترنت حتى انني اصبحت اهمل واجباتي وااخر الصلاه واتغيب عن الجامعه كثيرا
لا ادري كيف ارتب وقتي انا داخله تخصص صعب واذا استمريت كذا مااتوقع انجح
ومشكلتي اني تعودت اذا زعلت او كنت متضايقه اقفل باب غرفتي واجلس على النت .....
وقبل فتره صارت لي مشكله دخل اخوي الكبير وانا اضع موضوع في منتدى نسائي المهم عصب وقعد يسب ويقول انه راح يقطع النت عنا انا واخواتي اذا شافنا مره ثانيه داخلين منتديات هو لا يمانع انا نقرا لكن يرفض انا نسجل في منتديات سواء نسائيه او مختلطه
ولكننا ندخل من غير علمه وانا مسجله في منتديات مختلطه كثيره وحتى انني اتواصل مع الاعضاء في الرسايل الخاصه بااحترام....
وكمان نلعب بلياردو وهو معارض ذلك ولكن مايدري ...انا ماغلطت
لكن المشكله اختي الصغيره انها تعرفت على واحد عن طريق اللعبه وماتدخل الا اذا هودخل وبديت اشك انها تكلمه على المسن المهم انا كنت ادخل كثير عليهم وهم يلعبون واكتشف انها كانت تعلمه بكل شي حتى لمادخلت قال انتي فلانه ويعرفني ويعرف وين ادرس المهم انا عصبت على اختي قلت لها اللعبي بكيفك لكن ليش تعلمينه بااسمك وبااسمي وتعطينه معلومات عنا قالت انا اثق فيه هذا غير قلتلها لاعاد تلعبي معه وانا طلعت من الغرفه
لكن اكتشفت بعدين انها تلعب معاه وتكلمه على المسن طبعا المسن حقي بس ماادخل عليه كثير
قلتلها ليش سويتي كذا تقولي استهبال حيرتني وانا طنشت الموضوع ولحد اللحين تلعب واحيان انا ادخل عليهم بس كلامهم عادي
المشكله اختي ذي مي راعية حركات والله انصدمت
اطنش الموضوع والا ايش اسوي؟؟؟؟
المشكله اخواني مايدروا انا ندخل منتديات واللعاب ولاابي اقولهم اشككهم فينا والنت هو حياتي لاني لو اقول اخوي الكبير راح يقطعه عنا وهذا شي اكيد
وانا مااستغني عن النت هو كل حياتي
ولعبة البلياردو امووووووووووت فيها هي مجرد لعبه لكن مشكلتي اختي اخاف عليها اخاف تتهور وتحبه

واخوي عصبي مرررررررره اخاااف اتكلم معاه وحتى امي مااقدر اقولها شي
اصلا رافض انه يكون عندي ماسنجر بس مايدري عن شي... ماادري ليش هو كذا معقد ابي الحل معاه

وعليكم السلام ورحمة الله أختي

الحمد لله من كلامك انت عارفه ان النت سيسبب لك خسارة كبيرة لا تعوض وهي دراسة الجامعة

أختي الكريمة ضعي حد لهذا الادمان وضعي وقت محدد للنت ساعتين لا أكثر وقولي ان لم التزم بهذا الوقت سأعاقب نفسي بعد الدخول يوم كامل ، وهذا يضمن لك نجاحة في دراسة وكذلك مواصلتك للمنتديات المفضلة لك


الله يوفقك أختي

مع كلام كناري البحرين
اصلا مايسوا علشان صحتك
اشغلي نفسك قسمي وقتك
لاتخلي حياتك كلها محصورة عليه
وبعدين ممكن تطلعي منو اكلات واطباق وتسويها وكذا تكوني ابتعدتي شوي عنو والتهيتي
ربي يوفقك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

دخول المنتديات مافيها شي .. الثقافة حلوة



لكن إنتي ياأختي واضح انك ماتعرفين مصلحتك وممكن إختك هاذي توديكم بداهية



شلون تشوفيها تلعب بلياردو وتكلم رجال وتسولف معاه وانتي ساكته !!!!



لو اني أعرف أمك كان اتصلت عليها عشان تخليه يقطع النت عنكم حالاً ...


استخدامكم له جداً جداً سيء ..



واضح ان اهلك متساهلين مرررررررة وماعليكم رقابة

__________________
بنفس القدر من الجهد نجعل أنفسنا أقوياء أو ضعفاء

طالما انك شايفه الغلط ليه ساكته

واذا قطع النت سوف يحفظك ويحفظ عرض اختك

فأنتي اقطعيه ولا تنتظري اخوك



فالساكت عن الحق شيطان اخرس


الله المستعان لما الله يعطينا نعمه ونتصرف فيها غلط

__________________

	اللهم انا نسألك الجنة وما قرب اليها من قول وعمل

\

اي والله ... هذي المشكلة فعلاً ..


الانترنت نعمة كبرى من الله


لكن الاستخدام السيء له من قبل السفهاء .... هو اللي يشوه سمعته ..


وكثير من الآباء يحرم بناته من الانترنت بسبب القصص اللي يسمعها .... مع ان بناته محترمات ومتدينات ....

لكن خربوا علينا المراهقات ....


حتى اني مرة دخلت بنات عمي لغرفتي أوريهم اللاب توب والصور والمقاطع اللي فيه ...

ومرررررة عجبهم ...


واليوم الثاني اتصلت امهم على امي تقول : بناتكم خربو بناتنا شلون تعطونهن انترنت هذا كله بلاوي وهذا كله رجالن مايخافون الله وهذا مادري ايش وايش <


ومن بعدها بطلت اوري جهازي لاحد .... ناس تفكيرهم تحت ...

__________________
بنفس القدر من الجهد نجعل أنفسنا أقوياء أو ضعفاء

احيانا كثيره كرهت النت

وتمنيت اني مااعرفه

الحمدالله صحيح اشغل وقتي بالطيب

لكن مرررره مدمنه انا وعلى فكره النت يسببلي ارق

اول مااطنشه وابعد انااااام نوم مريح



البلياردو يادي اللعبه
تصدقي عاد ولد خالي عمره 6سنوات ماشاءالله ويلعبها انا مادخلت مخي مره اصلا ماعرف العبها لاواقع ولا الكتروني

ومره تضيع الوقت ومن كلام بعض الناس لما تلعبي لازم لازم تتعرفي على الشص اللي تلعبي معاه ومره على مره يكتر الكلام وومكن البعض من البنات توصله للحب يعني احذري بقوه
واختك مره تصرفها غلط يعني الحقيها والحقي نفسك قبل مااخوانك يفصلوه

مجرد اقتراح افضل انك تغيرين كود الدخول للمسنجر بتاعك من اجل ان لا تعرفه اختك ولا تتكلم مع الرجال فهي صغيرة عنك ولا تعرف الصح من الغلط وتبقى المسؤولية على عاتقك فانت تعرفيين كل هذه التجاوزات وساكتة ويستطيع ان يعاقبك الله باعز شيئ ان كان اخت او الدراسة او او او .....انت ادرى بمصلحتكما.

__________________

اللهم ارزقني الدرية الصالحةا لمعافاة حسنة الخلقة والخلق .سبحان الله والحمدلله ولا اله الا الله.

لا انا صرت اراقبها بس مشكلتها عنيده ام بالنسبه لاخوي صعب اكلمه واختي تقولي مجرد استهبال وانا قلتلها اللعبي بس لاتكلمين احد والا ماراح اخليك تدخلين اللعبه
وبالنسبه للكمبيوتر مهم احتاجه في دراستي
وشكرا لكم