حتى الزياره لها اوقات معينه ايش يرجعهم اخر الليل وش هالضعف والخوف الزايد اللي انتم فيه ترى الدعوه فيها قانون

صحيح الدعوة فيها قانون وحدد موعد للزياره بالساعه لكن من يطبقه
كلمت مره الشرطه وقلت لهم عشان ارفع فيه بلاغ انه مانفذ الحكم كما هو
دوخوني كل واحد يحولني على جهه وبعدين في النهايه بلغوني اذا تبينه ينضبط صحيح فلازم تودين اطفالك للشرطه قسم الشؤون العائليه يستلمهم ابوهم هناك واذا انتهت الزياره يرجعهم بنفس الطريقه
بالله هذ طريقه؟ معقوله ارضاها على اطفالي اعاملهم على انه عهده لازم اثبات استلام وتسليم
قالي المحامي على طريقه ثانيه وهي اني امنعه من اخذ اطفاله لحد ما يروح ويشتكيني في الشرطه اني مانفذت حكم الزياره
عشان ارد واقول مو صحيح انا ما منعته ولا ابي امنعه لكن هو اللي مانفذه مضبوط ولا عندي اي مانع اكتب تعهد بتنفيذ الحكم بشرط هو ايضا يكتب تعهد بالالتزام بالمواعيد المحدده في الحكم
لكن اذا سويت كذا معنا اننا جالسين نعاند بعضنا بعض والضحيه هم اطفالنا