المشاركة الأصلية كتبت بواسطة المقنع التميمي

وقعت على المنتدى من باب المصادفة، فقد كنت أبحث عن منتديات الحياة الزوجية، وللأسف كل اللي اطلعت عليها يكون الجزء الأهم فيها هي جانب الحياة الجنسية، وبطريقة سيئة.



طبعاً لما وقعت على المنتدى كنت وقتها طالب في آخر السنة الثالثة من الجامعة سنة 1427 تقريبا.. ظللت أتردد على المنتدى لمدة قصيرة من دون تسجيل، ثم سجلت باسم ( ساكن ......) .
بدأت عروق الاستشراف بالظهور يلا عاد همتكم .. وتوقعوا اسمي أول ايش ؟؟ اللي يجاوب أول نحاول نجيب له جائزة وتتكفل الإدارة بها.. شكل الإدارة يبون يوقوفون عضويتي علشان تجرأت عليهم

لي 3 شهور بالمنتدى ولا كنت فزت بالجائزة.. حسااافة..

قصة اسمي الاول ما أتذكرها لكن يظهر إني قدحته من راسي في وقتها..

يسلم راسك وقدحاته..

طبعاً، حاولت أغير اسمي،، لكن فات القطار ،، والإدارة عندهم من الديمقراطية الملكية!! شيء رهيب،،
(( تحملوا يا إداراتنا وعلى قولة الاولين، إذا جاك يسبه فاعرف إنه يحبه ))

الله يجعل كلامك خفيف عليهم

المهم في أول سنة 1430 أو نهاية 1429 سجلت باسمي هذا،، وظليت أشارك، لكن مشاركتي قليلة جداً،، لأني ما أحب أخربط ،، ولأن الإنسان عندما يكتب أو يتكلم فكأنما يعرض عقله أمام الآخرين، فأوثر السكوت كثيراً على المشاركة.

والله عين العقل يامقنع

أما اسمي الحالي فقصدي منه هو الانتساب..

والنعم

لكن أطمأنكم أنني متواجد يومياً على المنتدى يعني ما يمر يوم إلا وأنا داخل فيه، إن ما دخلت مرتين في اليوم..

والصراحة المنتدى فوق الرائع،، نصحت الكثير من أصحابي به..



إن يسر الله فسأطرح موضوع تفاعلي قريب من هذا الموضوع.. لكن مثلكم عارفين الشباب والرجال في هذا المنتدى قلة قليلة، ومستضعفون إلى درجة أن قسم عالم الرجل كان الأغلبية التي تشارك فيه هي من أخواتنا ،مع انعدام من الاخوة، ثم بقدرة قادر صلوا على القسم صلاة الميت،، لم أحضر تلك الصلاة، لكني صليت عليه صلاة الغائب.

مستضعفون؟؟ ياربي لك الحمد ياكلوا الزلط

ومع هذه السنوات التي عشتها في هذا المنتدى، وهذه الخبرات التي اكتسبتها وجربتها ،، إلا أني لا زلت أئن من وطأة العزوبية حتى هذا اليوم،، عيد الأضحى سنة 1431هـ، حتى إن الأهل مجتمعين، لكن أبت علي نفسي إلا أن تخلو بنفسها (الزوجة المنتظرة)..

الله يزوجك.. ويديم جمعة الحبايب.. وتكون تلك المنتظرة.. بنت ولا كل البنات,, تستاهل الرجل الطيب صاحب الإباء.. وكل سنة وانت طيب..

الله يعجل بالفرج..

المشاركة الأصلية كتبت بواسطة الورد المجروح

المشاركة الأصلية كتبت بواسطة اميرلندن

المشاركة الأصلية كتبت بواسطة بنت الحكمي

تسلمين ياأختي الغاليه وأسأل الله عز وجل أن يرجع لك زوجك عاجلا غيرآجل بصراحه موضوعك حلو بس الأحلى من كذا ردودك على الأعضاء المشاركين في الموضوع ردودك نابعه من طيبة قلبك فأسأل الله أن يحقق لك ماتتمناه نفسك

شهادتك يا أم سلطان وسام على صدري..

وإن شاء الله نشوفك في المنتدى مشرفه في المستقبل القريب ونسيت أقول لك إني بروح

ومين يقول..الله يعلي مراتبك بالدنيا والآخرة,,

أدور بمستشفى الأمل هناك يمكن ألقى قسم يعالج إدمان منتدى الأسره والمجتمع لأني بصراحه مدمنه عليه وبالذات قسم المتزوجين

ومين سمعك.. كل من جلس معايا قام يضاربني عليه

هاذا لازقه لزق فيه حتى زوجي صار يتضايق ويغار من هاذا المنتدى دايم والظاهر برجع أصفط على جنب مع مشاكل البنات المتزوجات وشكلي بلحق بمركبهم وأكتب شكوى من غيرة زوجي من المنتدى وأنا زوجي مو حق أنترنت ومنتديات مايعرف حتى يشغل الجهازبس دايم يشوفني مسنتره عيوني بالجوال لأني أدخل كزائره أو بمعرفي وقت ما أبغى أشارك يقول لي ماودك أفصل لك نظارات خافي الله في عيونك

المنتدى روعة ومفيد,, يعني إيش نسوي؟ نفرقع؟

دايما يقول حسبي الله على أخوك إللي ضبط لك إميل وأرسله لك وبصراحه أخوي له الفضل بعد الله بتسجيلي بها المنتدى لأن أختك في الله ماتعرف شئ في الإنجليزي غير حروف بسيطه جدا ومره إشتكيت لخوي وقلت له فيه منتدى
عاجبني ودايم أتصفحه ونفسي اسجل فيه قال لي إبشري وضبط كل شئ وأنا بس سجلت وحطيت المعرف تبعي بس
أقول لك الظاهر بحكي لك قصة حياتي كلها ترى كثرة بربرتي عليك وآخرشئ مشكوره على موضوعك ونبغي إبداع أكثر من كذا والله يحفظك من كل مكروه

المشاركة الأصلية كتبت بواسطة روح الطير

كفشتيني هههه

أنا متفرجة
عاجبتني الردود و كل شوي أدخل و أقرى و شفت اسم نورة بعد تحت

المشاركة الأصلية كتبت بواسطة jasmin raouf

اخت يارب يرجعلى زوجى
اولا ياسمين دى اخت عزيزه على من سوريا يارب يسعدها ويوفقها فى حياتها الجديده
لقد احببت اسم ياسمين وعطر الياسمين بسببها فاقرنتها باسمى
انا لا احب الاسماء المستعاره واعتز باسمى ولااتوارى خلف كنيه ولكن احيانا يكون لكل لقب معنى
كما تدعين يارب يرجعلك زوجك ادعو ان يجمعنى بياسمين مرة اخرى ولا يكون حلم وراح
المنتدى جميل وعرفنى مع ناس افاضل ولكننى لااريد مشاكل مع احد
انا انسان وهذا يكفى

المشاركة الأصلية كتبت بواسطة أبلة جوجو

اهلين غاليتي بس الخطوبة لسه ماصارت رسمي بس تصير اكيد راح تكونين انتي واخواني في المنتدى اول الناس معرفة بس تجي الاجازة راح يزورنا لان الموضوع مو سهل يحتاج وساطات واقناع والشكوى لله ...شاكرة دعواتك ربي يحفظك ولازلتي والله في بالي ولازلت ابعث لك دعواتي تتراً على بريد المحبة في الله واسال الله الاجابة واسأله ان يجمعتي بك وبكل اخواني واخواتي هاهنا اجمعين في الفردوس الأعلى في الجنه ويفرج كل مكروب منا ويقضي لكل منا حاجته اللهم امين ...

المشاركة الأصلية كتبت بواسطة أعمق المشاعر