السلآم عليكم ورحمة الله وبركاته


انا بنت عمري 17 وبدخل 18 قريب أكبر وحده بين خواتي
وهذا الي مسبب لي اغلب مشاكلي لي سنتين او اكثر
اعاني من مشكله وهي عدم الثقه بالنفس خصوصا من
الناحية الشكليه وتحديدا الوجه يعني لو احد انتقدني على
جسمي مو مرا اتاثر واخذ بكلامه بس على وجهي اتحطم
وابكي واحيانا افكر انتحر مع انه ماعندي عيب خلقي ولله الحمد
بس فيني شويه حبوب و مو بكل وجهي بس بالجبهه غير كيذا
مافيني شي غريب بس احس الناس من حولي يجاملوني او
يشفقون علي يعني لو وحده قالتلي محلوه اقول بنفسي هي
قالت كيذ1 شفقه علي ماتبيني اشوف نفسي اقل من باقي البنات
ومر عمتي قالتلي انو ولد عمي قالها يشوفني حلوه انا كذبتها وجلست
اضحك هي قامت تحلف ونا اكذبها لأني قلت اهو قالها كيذا علشان يبيها
تشوفني حلوه وماتشفق علي يعني طريقتي بالتفكير تتعبني احاول اغير
بس أحس انو صح لا حللت موقف احسه صح تحليلي واجلس ابكي
مشكلتي الثانيه امي انا احسها متفشله مني كانت تتمنى ان وحده من
خواتي هي الأكبر مو انا علشان ترزها مع انها تشتريلي احسن الملابس
ومن احسن المركات بس لو تشوفون تصرفاتها تحسون مثلي انها متفشله
يعني مثلا لاجينا بنسافر ندخل تطبيقات الحريم حق الجوازات احسها مادري
تحاول تطلع بسرعه وماتطالع فيني يعني احسها ماتبي اي احد يعرف اني بنتها
و دايما تحب تفضحني مرا قتلها امي ابسوي عمليه تجميل بخشمي قالتلي ليه
مافيك شي انا سكت بس اعرف انها تقول كيذا شفقه وتخيلو لمن رحنا البحر
مع خاللاتي راحت وقالتلهم شوفو بنتي تبي تسوي عمليه تجميل قامو ضحكوا
حسيت باهانه ومذله يعني انا هذا شي بيني وبينك وشدخلهم تروحين تقولين لهم
واله اني بغيت ابكي بس ماقدرت لاني يمهم ومابيهم يشوفوني ضعيفه ومرا قتلها
ابي اشقر حواجبي خلتني بس كانت ماتطالع بوجهي كثير حتى اني اقولها حلو
تقولي إيه عآدي وتلف وحسيتها مو عاجبها حتى انها يوم جات تقول للي تشتغل
هاذي بنتي اول مرا تسوي تشقير قالتها ع السريع ودخلت وماجلست جنبي تشوف
شغلها يعني مرا صعبه عليأجلس لحالي أسوي شي أول مرا وامي مو جنبي
احسها متفشله مني ومرا كنا بعرس وفي حريم كلموني وقالو لي وش آسمك
وكيذا يعني الوحده بالعزايم إذا احد سال عنها تحس بالآطراء لمن رحت قلت لامي
بالعرس قالت والله واسكتت جا باليوم الثاني وقلت لأبوي في حريم سالو عني قامت
امي قالت وشدراك ان مقصدهم خير امكن كانو يتكلمون عنك بشي مو بزين انا وقتها
مادري تمنيت اني مافكيت حلقي يعني احين انا مستانسه احد سال عني عجبته
تجين تحطميني ليه تصرفآتهت مرآ تنرفزني قولولي شو آسوي احس ودي اهرب
لاني مليت من تصرفاتها

معليش يا رهف معظم الامهات يعملو الي تقولي عليه او بعضه


نفسي اعرف ليش


في شي بنفسي يخليني اعمل هالاشيا مع بنتي و امسك نفسي باخر لحظه

اتذكر امي كانت تعملها وكنت اتحطم

و لحد الان امي تمارس طبيعتها هذه معي و انا متزوجه و عندي اطفال



اتقبليها مثل ما هي ا على امل في يوم انها تخفف من طريقتها

__________________

مرحبا رهف انا عضو جديده في المنتدى وقرأت موضوعش وحبيت اعطيش رأي في امهات يسون نفس اسلوب امك لاكن تأكدي انا من داخلها تحبك

شوفي يابنتي ((البنات بها العمر يكونون حساسين جدا وكل كلمه تصدر من اي شخص ياخذونها حرفيا ويقلبونها مليون مرة على الرغم انها قد تكون كلمه مزح او من دون قصد او بغير تفكير((يعني لاتظنين ان كلمه تصدر تعني ماتفهمينه انت ///لا!!!

وباذن الله يتكبرين وبتصيرين ام وبتقولين اعظم لبناتك


عموما كونك ادخلتي فكرة انك لست جميله بداخلك اذا كل العبارات بتحولينها لعبارات سلبيه لانك انت بداخلك كارهه نفسك


الحل/
حبي نفسك وثقي بجمالك حتى لو كان متواضعا /لانه لولا اختلاف الاذواق لبارت السلعه//قد ترين شي قبيحا ويراة غيرك جمالا

احسني الظن بمن حولك ولا تدققين بعباراتهم المحطمه انما ردي عليهم وقولي اللي مايعرف للصقر يشويه وش عرفكم بالجمال


وثقي ان مافيه ام تتفشل من بناتها لسبب

شكلي ابدا بالعكس الام تحاول دائما تفخر ببناتها مهما كانوا المهم0(تربيتهم واخلاقهم وبرهم لها))

((اذا كان ولا بد فالام تخجل من قلة ادب بناتها )) وليس لاشكالهم لانها تعلم ان الخلقه من رب العالمين

عموما لابد ان تقتنعين ان البنت كل ماتكبر وتصل لسن النضج تبدا ملامح وجهها بالاتزان وتخف حبوب الشباب
يعني شكلك الحالي مؤقت وبيتغير للافضل كل الحريم كذا
مرحلة انتقاليه للشكل والنفسيه بين الطفوله والبلوغ والنضج
وبامكانك محاولة تطوير شكلك بدون عمليات تجميل

وذلك بتطوير شخصيتك الجذابه وثقتك بنفسك و عمل رجيم واللبس الناعم الحلو وحسن الحوار وجذب الانتباة بالمواضيع المميزة والسنع

بس صعب الوحده تثق بنفسها وامها اللي هي امها مفروض تشجعها
تجلس تحححححطم فيها يعني منين اجيب الثقه ؟؟؟؟
بس شكلي بسوي زي ماقلتي بحاول اتقبلها مثل مااهي
تسلمين حبيبتي على مرورك
يعطيك ربي على قد نياتك

مرحححبتين ..هلآ والله
انا اعرف نها تححبني و تخاف علي بس
احيانا اهي لاصارت بين الناس مادري
تفشلني او تسوي حركات تتحسني
انها متفشله مني مثل ماتشوف بوجهي
او تحاول ماتجلس جنبي او تجلس تقول
للحرين اني ماأذاكر وعلاماتي موب زينه
يعني بدال ماتذكر محاسني تذكر عيوبي
يعني انا مثلا بنت هاديه وماعندي حركات
بنات هاليومين اللي تدخل الشات وتكلم شباب
يعني اهي ماتذكر هالصفات قدام الحريم
بس تقول رهف ماتحافض ع صلاتها واحيانا ماتصلي
وماتقرأ قرآن يعني شي يخليني انا مااحب اعيش
وياها ع العموم يعطيك ربي ألف عآفيآ ع الرد

ههههه

إيه صصصح احيانا انا اسوي شي تذمني حتى عليه بس لاسواه غيري تمدحه
مرا انقهر لا سوت كيذا
لا عادي حبيبتي ب العكس ردك مرى ريحححححني
منورا

اسمع ه الكلام كثر شعر راسسسي انو فترة المراهقه دايمن نكون حساسات بس
انا ياختي اشوف احيانا دلآئل على كلامي يعني تخيلي يوم سويت تشقير لحواجبي
ماتير شكلي واجد لان ع قولت بعض عماتي حواجبي حلوه طبيعتن ف ماتغير شي عاد
كانت بنت عمي مسويه تشقير وصبغه لحواجبها وهي زيي اول مرآ تسوي ف قالت لأمي
ان شكلها تغير واجد بعد ماصبغت قامت امي قالت حتى انا شكلي بصبغ لك بالعيد ممكن
شكلك يتغير =(
انا مادري لمن قالت كيذا حسيت انو اهي تبي شكلي يتغير ولا ليه تقول كيذا !!
يعني مافي جواب منطقي غير هذا بس بعدين ماصبغتلي ولا عاد شقرتلي ممكن
لانها ماتبي توديني المشغل مرا ثانيه وتتفشل مني انا لمن سألتها وقتلها ليه ماتوديني
مرا ثانيه أشقر قالت لي انا سويتلك بس علشان أثبتلك انك ماشنتي بالتشقير ولا تغير
شي بشششكلك !!!!

الاخت الفاضلة رهف الحزينة ::مساء الخير

حبيت ارد على موضوعك المطروح امامنا واقول لك ثقي ان لا توجد ام تكرة ابنتها هذا اولا

ثانيا : حبي لغيرك ما تحبية لنفسك

ثالثا : حاولي ان تأخذي الامور بالسهولة يعني مو كل كلمة تحقين فيها عدي 10 وفكري في 1

رابعا : اشغلي وقتك في قراءة القران ولو 20 دقيقة في اليوم وانا متاكد ان تتغير امورك

خامسا اسعدي امك بكلمات رقيقة لانها تدخل القلب ولم تخرج منة وان شاء الله تكون الامور سهلة

تحياتي لكم