السلام عليكم

كيف حالكم يا بنات مفتقداكم والله جدا ونفسى احكى معاكم لحد الصبح يارب يعافينى واقدر ان شاء الله ارغى معاكم زى زمان

رحت امبارح للدكتورة كان عندى مراجعة

قالت لى ان البيبى قلب وضعه وأخذ وضع الولادة والمغص الى عندى ده لأنه راسه محشورة خالص تحت وده سبب التقلصات الى بتحصل لى دايما مع ادنى حركة حتى لو تقلبت فقط فى السرير

وده كمان سبب انى اكرمكم الله كل نصف ساعة بادخل الحمام وباحس بعدها انى مازلت محبوسة ولكم ان تتخيلوا انى اقوم من نومى اكثر من ست مرات بالليل ادخل الحمام والله تعبببببببببببب الله يعين ده غير ان فيه نسبة صديد عالية بالبول

قالت لى بسبب ان الرأى ضاغطة جدا على المثانة وورتنى المثانة حجمها مثل الهلال اول الشهر من شدة ما هى مضغوط عليها
وقالت لى لازم ارتاااااااااح عشان البيبى يرتفع شويه واتجنب الولادة المبكرة لا قدر الله

ولكن الحمد لله مع ذلك فوزن الجنين جيد والماء حوله زاد وطمنتنى ان السكر ظاهريا لسه مش مؤثر عليه يارب ما يؤثر خالص ويعافيه من بلائى ده

انا كل مشكلتى فى المغص والم رجلى الى مش بأقدر دلوقت ادوس عليها خالص ولازم اتسند على حاجة وانا ماشية وطبعا ده مرهق جدا مع طفلة وخدمتها

معلش قرفتكم بكلامى بس يبقى الحمد لله ان الجنين بخير وانا مكنتش احلم بظفره فالحمد لله

دعاوتكم وكلكم فى قلبى وكل ما اتعب اكثر بأتذكركم وادعى لكم واحدة واحدة

__________________