السلام عليكم..
استغليت نوم زوجي وقلت أطل على أخواتي..
ملوكة..تغييرالبيت حلو وخير بإذن الله إلك..بتعرفي انه حتى بجددّ النفسية..الله يسعدك دائما وابداً.
اسلام..حبيبتي بإذن واحد أحد بتدخلي ل هنا قريباً وبتبشرينا بحملك يارب ياالله.
فلفولة..الحمدلله عالسلامة ياقمر..وتسلّحي دائماً الايمان وحسن التوكل على الله وبإذنه تعالى بيكرمك قريباً.
مرميس..الله يشرح صدرك وينزل الطمأنينة والسكينة في قلبك ويرزقك الحمل عاجلاً يارب..بس لازم إتحسني نفسيتك لانه بأثر عليك حبيبتي وكل اللي عم بتحسيه من ضيق وكدر من الشيطان..ولا تقولي العمر راح.. لا حبيبتي لسا العمرقدامك وبإذن الله بتشوفي ذريتك وبتفرحي فيهم وبأحفادك بس إنت قولي يارب.

مشرفتنا العسولة كريستالا..الله يجزيك الخير عالوصفات بإذن الله حأعمل الليمون... والزعتر عندي منه بس انا بحس انه مشروب حامي شوي ولا شو رأيك??
بالنسبة للتايلينول انا بآخذ منه وهو آمن..خوفتيني..آدفل مش آمن بس تايلينول كل الحوامل بستخدموه ..مش عارفة..طيب يعني هذا الكلام اكيد يا كريستالا??

نعيمة ياحلوة..يارب ياالله نفرح فيك انت وكل البنات وماتشوفوا الدورة الا بعد الولادة يارب ياالله إنك على كل شئ قدير.
زوجة احمد..الله يسعدك ويعطيك لحتى يرضيك.
ديدو77..ماشاء الله تبارك الرحمن عليك ياقمر..يابختك بأجر برّ الوالدة الله يقويك يارب ويثبتك ياالله ويشفي الوالدة شفاءاً تاماً لايغادر سقماً ويرزقك الذرية الصالحة قريباً يارب..وصدقيني عند ربنا مابضيع شئ ابداً.
عشوقة..الله يسعدك في الدَّارين ويرزقك الذرية الطيبة بالمباركة قريبا يارب.

اما عني ..الحمدلله ابني تحسّن بعض الشي..وموعدي طلع الثلاثاء القادم مش الاثنين.

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}

عمري ما سمعت انه الزعتر حامي
تصدقي خوفتيني عليكي بلاش الزعتر خليكي عالليمون
انا جربت الزعتر والحمدلله ما ضرني بس يمكن لانه حملي اكبر من حملك فبلاش احسن
بالنسبه للتايلينول هذا كلام الدكتوره ليا لما مرضت قبل اسبوعين فالله اعلم
الافضل خليكي عالبنادول الابيض..

__________________