المشاركة الأصلية كتبت بواسطة احلاهم واتحداكم

ونعمة بالله.. لكن خلينا بعيدين شوي عن المثاليات..

وخليك صريحة مع نفسك.. لا تجاوبيني.. ولا تردين على سؤالي..

جاوبي نفسك انتي وبس

عشان لا ندخل بمتاهات وجدال -



الان انت حاسة بالظلم.. لنفترض انه زوجك انكب عليك انتي..

يعني صار يحبك انتي أكثر من الاولى..

ويكذب على الأولى عشان يجي عندك.. ويصرف عليك ويحط لك وحااااااسة بغلاوتك عنده..

وانت ما تدرين شنو قاعد يصير ببيته الأول


هل راح تقولين له لا حرام ..الله قال العدل.. وتذكرينه وتقولين له؟؟؟؟


ولا راح تحسين بنعشة وانتصار انك أخذتي مكان الأولى وزيادة!!

وتقولين أنا مالي شغل.. ماراح اتدخل.. حياته وهو حر فيها..انا ظربته على ايده وقلت له لا تعدل..

الله اللي يحاسبه مو أنا..


بعدين عارفة شنو اللي يحسسكم بالظلم؟؟

انه دائما الزوجة الثانية تتخيل انها راح تكون أغلى من الأولى.. وتتنزال عن كثير من حقوقها ..
ليش؟؟ لأنه حسبالها انها راح تكبر في عين زوجها..
وهي ما تدري انها هي اللي قاعدة تظلم نفسها بهذي التنازلات..



نهاية كلامي.. الغلط مو على الزوجات سواء الأولى او الثانية.. الغلط على الرجال اللي ماهو كفو للتعدد..فقط

المشاركة الأصلية كتبت بواسطة صابرة بدنيتي

والله ياحبيبتي مارضى لو حسيت انه ظلمها بنبهه
يمكن هو خوف من الله اكثر لا يسحب مني النعمة ..حتى لو سكت على ظلمه لها ربي ماراح يديمها علي
عندي قاعدة انه الي يظلم غيري سهل عليه يظلمني ويبيعني بعد


مسالة الحب والميول مقدر اتدخل فيها اكثر ولكن ببداية الزواج زوجي كان ميال لي اكثر وكنت اقوله روح طلع اهلك وروح لهم ..مدري هل عشان في البداية كان الحب لسه ماترحك ولا كنت استخدم العقلانية اكثر

المشاركة الأصلية كتبت بواسطة roohi6

المشاركة الأصلية كتبت بواسطة صابرة بدنيتي

طيب حبيبتي الي تتنازل مو شرط انها تبي تكبر بعين زوجها اولا بس يمكن تقدر ظروفه وتمشي حالها الي وقت معين

المشاركة الأصلية كتبت بواسطة احلاهم واتحداكم

لا حبيبتي.. ما اقدر الظروف في البداية.. وبعدين ألومه بالنهاية..

حقوقي من حقي أطالب فيها من البداية ..وافق خير ونعمة.. ماوافق مع السلامه..

المشاركة الأصلية كتبت بواسطة صابرة بدنيتي

صادقة حبيبتي
بالنسبة للكلام الي بالاحمر اقصد اني كنت عقلانية وصرت انانية
بس عندما يجي الحب تتغير بعض الامور وهذا لا يعني ان الانسان يصير ظالم
استمعت بالنقاش معك من جد
فانتي رائعة

المشاركة الأصلية كتبت بواسطة احلاهم واتحداكم

عزيزتي .. مين اللي قال انك ظالمة!!!!

انتي ما ظلمتي أحد.. وتأكدي انه زوجته الأولى بعد ما اظلمتك..

هي تحبه من قبلك.. ولما دخلتي عليها تحرك الحب عندها..

مثل ما تحرك الحب عندك الحين..


ليش حكمتي عليها بأنها تحقد عليك!!!!

وحكمتي لنفسك لما جا الحب انه تغير بعض الأمور؟!!

المشاركة الأصلية كتبت بواسطة صابرة بدنيتي

انتي حبيبتي احلاهم للحين ماتبين توافقيني الراي ان الزوجة الثانية قد يكون عليها بعض من القصور او شوية ظلم عندما يحس الرجل بالندم ويصير ميال للاولى اكثر ؟