ومن قالك اني باسكت عن حقي من الحضانه وحق ولدي راح اطلعها من عيونه -انا وابوي متفقين نجمع كل نفقات الولد طبعا راح يكون مبلغ كبير بعد ثلاث سنوات او اربع وبعدين بنساومه يايتنازل عن الولد او يدفع ولان ماديته ضعيفه راح يتنازل على طول لاني ماابغاه ياخذه اذا تزوجت ابغاه قريب مني هاه وش رايك ياحبيبتي -(ان لم تكن ذئب اكلتك الذئاب-

لا اعتقد أن تصورك صحيح

لي صديق مطلق من 5 سنوات ولا يصرف على ولده

ولما طالبوه بالمصاريف للسنين الماضيه ووصلت الى المحاكم قال للشيخ 5 سنوات ما شفت ولدي وهم اللي منعوني أشوفه

واذا على النفقه مستعد امشيها له من اليوم بس أشوف ولدي

قلب السحر على الساحر وبدال ما يحكمون بتسديد المصاريف حكموا انه يبدأ من الشهر الجاي بمصاريف ابنه ويحق له يشوفه يوم كامل بالأأسبوع هو يحدده

فأنتبهي اختي الكريمه والأفضل تكلمين طليقك بخصوص النفقه انه يلتزم فيها او يتنازل عن الحضانه

ان رفض ترفعين قضية عليه لانه مجبر على الانفاق على ولده

اما تجميع النفقه لسدادها دفعه واحده فأول سؤال من الشيخ ليه سكتوا كل هالفترة عن والد الطفل ؟؟

وفجأه تذكرتوا انه لازم ينفق على ابنه ؟

السلام عليكم ورحمة الله

طبعا انتم عارفين إني ما لجأت لأبوه إلا لما صرت ما ني متحملة فراق ولدي والله إني أتخيله واسمع صوته كأني فقدته حبيب قلبي بعيد الشر عنه وانتو شاهدين
لما حسيت نفسي ما عندي قدرة عليه دخلت ابوه آخررررر حل عندي بعد عدة محاولات إني انهي الموضوع بالود وبالتراضي وبأقل الخساير
بالاضافة لأن أبويا ضغطني وصرت محتارة بين الاثنين ولدي ووالدي..
خليته آخر الحلول لأني اعرف انه ماله كلمه عليه ومرة هو حكاني قال: زعلت مرة من ابويا جلست سنة ما اكلمه لدرجة دخل اعمامي يتوسطوا بيننا.. حظي بس
راح اقلكم مضمون مكالمتي مع ابوه وربي شاهد قبل الجميع
كلمت ابوه وانا منهارة قلت له متعبني الجبروت ليه يتجبر علي قال ما يعجبني الباطل..
قلت يحط ولدي عند زوجته وراح الحج قال راح اوقف معاكي للآخر.. أنا مدري هو جايب العناد من فين؟ انا ما حاتركك (خلي بالكم ..قال للاخر.. يعني مشواري طويل)
قلت انا شكيت له ظروف اهلي..قال انتي شكيتي له ؟ قلت ايوه ابغاه يساعدني مش ياخد ولدي
قال ايش قالك: قلت قال لي لما تتحسن ظروفك راح تلاقي حسن بين يدك..وانا ياعمي أحسها تصريفه منه ماني راضية ان وحده غيري تربي ولدي وانا عايشة ما مت
وإذا هو ظروفه صعبة دحين مش ياخده مرة وحده
قال : يا بنتي كان قلتي لي انا اسويلك مصروف شهري ولو تبغي شقة كمان؟ المهم اتوصي في ابوعلي.

حسن على اسم جده وهو الحفيد الوحيد اللي باسمه ابو حسن عنده خمسة ما سمى ولا احد عمات حسن ولا وحده سمت وانا كنت حامل وسميت ولدي كيدا في ابوه لأنه رماني حامل قلت والله مايسميه " هذا اللي فلحت فيه!!" وكلمت ابوه وقلت: لو جاني ولد اسميه على اسمك ياعمي

اختي عارفة اني كلمت ابوه لكنها اتصلت تقول زوجها يقول اهم شي لا تدخل احد وقالت ما قلت له انك كلمتي ابوه .. رجعت خفت..
كلمت عمي بعد العصر قلت له: خلاص لا تكلمه...من خوفي.. بس لا تضربوني!!
زعل مني وقال: مانتي واثقة فيا انا قلت لك راح اوقف معاكي ماصدقتيني..عموما انا اليوم قلت له يكلمني ولما ارجع من السفر نحل باقي الأمور قلت له طيب خلاص
وقفلت جوالي وقلت منه لأبوه يختلص مالي صلاح
قبل العشا سمعت رنة رسالة على جوال امي..
جات امي تقول ابوحسن ارسل على جوالي ليه.؟ قلت لها ابوه كلمه ويبغى يهزيء كالعادة وانا مقفله جوالي يبان عنده لم يتم التسليم فأرسل على جوالك عشان يوصل اللي في قلبه حتى يعرف ينام الليلة قالت طيب شوفي ايش قال قلت اهم شي راح ياخد حسن؟ قالت لا
الحمد لله ان ولدي رجع لي وماهمني اللي كتبه
الحمد لله عدت الريح العاتية وصرفه الله عننا مش مهم الباقي

لكن لما قرأت الرسالة قلت اقلكم مضمونها عشان أشوف معاكم اللي فهمته أنا صح؟
"عشان تعرفي إننا ناس نعرف الأصول ونعز أولادنا ما كان له داعي اللف والدوران اللي انتي متعودة عليه!! يارب
وقولي ابغي ابوك يساعدني وبلاش الافلام الهندي اللي تسويها!! كل من يرى الناس بعين طبعه..
مش تقعدي تقولي انت مانت متحمل مسؤلية التربية ولدك ربيه وسويله واعمله ولما زنقتك واخدت ولدي رجعتي تقولي ابغى الولد لأنها فشلت خطتك!! حشا مو صاحي
انتي كلامك كله لف ودوران وغدر وطعن في الظهر!! الله اكبر.. رمتني بدائها وانسلت..
انا مارضيت اكسر كلام ابويا وقلت له ابشر!! ياعيني ع البر
ابويا قال موعشانها عشان ولدنا!! ابوه كمان يسايسه.. ياولدي موعشانها وخرابيط
احنا مانستخدم اولادنا اسلحة نحارب بهم ونساوم عليهم احنا نعمل باصلنا!!"
ماراح ادافع عن نفسي كثير بس هذه العينة موجودة..
يلبس الحق باطل ويقلب الموازين ولو كنت ابغى من ابوه شي كان طلبت من زمان ومو عيب وشرعا من حق الولد النفقة على الولد أوعلى الوارث
المهم الجد المليونير يحسب انه حل الموضوع وفي رأيي انه وصل ولده لنتيجة هو يبغاها ويقول إني مخططة لها

وعلى قول بيتا قرصة اذن عشان لا تقولي تعال وسوي واعمل..
ما راح اقول له شي
لكن والله ما أسامحه سأحاجُّه عند الله.. كل الم وكل تعب وكل سهر الليالي لوحدي راح احسبن عليه عدد النجوم وماني مسامحه مش لأن قلبي اسود لأ
لأنه ظلم ورجع الموضوع علي ولا يشبع ولا يكتفي من ظلمي وتحميلي اخطاؤه

مش أنا اللي رحت الحج ورميت ولدي عند حرمته ما عنده لا امه ولا ابوه كل هذا تخطيط مين؟ الله حسيب كل واحد ويجازيه
والحمد لله على رجعة ابوعلي *****

راح احجز في احلى صالون اقص شعري واصبغ وادلع عمري
وحسافا على ناس محسوبين ناس وهم كائنات حية ومخلوقات غريبة خسارة على كل محاولة وعلى كل حرف وعلى وقتي اللي ضاع وأعصابي اللي تعبت.
سامحوني على الإطالة ولكم شكر من القلب على تفاعلكم
كنتم خير عون وخير سند حتى لما نختلف فما بالكم وانت تدعون لي كنتم رائعين.. لاعدمتكم

نسيت ما اقول لكم اني شكرت ابوه قال لما ارجع من السفر نشوف باقي الأمور
نفسي يرجع يلاقيني اتخطبت!! واقوله راح اتزوج بالله كلم ولدك يخلي حسن عندي خخخخخ

ضحكتيني بعد ما بكتيني

الله يسعدكِ يا ام حسن ويعوضكِ خير ياااارب

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}

اضحكي يا انتظار الفرج ما تضيق إلا وتفرج وكلنا ننتظر الفرج

يارب فرجك ونصرك القريب..
يارب وسع هذا الضيق..
وابدل خوفنا أمنا .. وحزننا فرحا..

..لن يغلب عسر يسرين..
لاحرمتك يا انتظار أختا وجارة عزيزة..عسى الله أن يجمعنا في دار كرامته ومستقر رحمته

هناك.. حيث لا خوف.. ولا حزن

تذكرت الجنة كثيرا في محنتي من شدة خوفي تذكرت دار السلام.. واهلها الذين لا خوف عليهم ولا هم يحزنون

حتى الكلام لا يأتيهم إلا قيلا..سلاما سلاما

اللهم بلغنا..