ما هو أفضل فارق عمر بين الاطفال؟ - منتدى عالم الأسرة والمجتمع

06-12-2010, 10:05 PM

#24

Love Of Life

كبار شخصيات المنتدى

تاريخ التسجيل: Jun 2007

المشاركات: 1,344

موضوع حلو و النقاش فيه يخلي الواحد يحتار اكثر

الغريب و المضحك حبتين
ان الرابط للموضوع القديم و هذا الموضوع الفرق بينهم سنه بالظبط هههه << فاضيه

المشكله ان رأي الغربه مره و رأي نورا الأثنين مقنعين تماما

رأي الغربه مره حلو انك تجيبيهم ورا بعض بفارق max سنتين
تجيبي 3 او حتى 4 بينهم سنتين و تربيهم سوا و تتعبي و تنهلكي و يمكن تنجني كمان
بس بعدين ترتاحييييييي مره وحده و تفضي لنفسك و دراستك و شغلك و طموحاتك

يعني مثلا نقول 4 اطفال
اعمارهم 2.4.6.8
اللي 8 و 6 بيكونوا غالبا بنفس المدرسه و يعني نفس النشاطات
و اللي 4 و 2 بيكونوا بنفس الحضانه و نفس الشقاوه و اللعب
و معناته تقعدي 8 سنوات بالبيت تربي الين ما اصغر واحد يبدأ الحضانه

و رأي نورا انك ترتاحي اقل شي 3 سنوات بينهم كمان حلو و فكرة الراحه مغريه
يعني ترتاحي فتره و تعطي كل واحد حقه لمدة 3 سنوات
و بعدين ارجعي عيدي المسلسل من سهر و رضاعه و التعب المعروف
يعني تكوني 0n/off كل 3 سنوات

نقول كمان 4 اطفال مثلا
اعمارهم 3.6.9.12
اللي بعمر 12 داخل بمراهقه و عارفين المراهقه و عنادها
و اللي بعمر 3 بيكون يا دوبوا بدأ يعتمد على حاله بس مو مستغني عنك
و اللي بعمر 9 و 6 بيكونوا كويسين بس ضايعين بين المراهقه و الطفوله
يعني تقعدي 12 سنه بالبيت و تربيتهم لين ما اصغر واحد يبدأ الحضانه

و طبعا كل ما عدد الأطفال قل كل ما عدد سنوات سجنك عفوا سنواتك بالبيت تقل

شكلي حيرتك اكثر

بس شخصيا اشوف انك تبعدي مثلا 8 او 12 سنه عن العالم الدراسي و الوضيفي
و ترجعي فجئه تتأقلمي اشوفها مره صعبه

الأحلى انك ترجعي تدرسي او تشتغلي اول ما الصغير يصير عمره سنتين و توديه الحضانه
و ما تحملي قبل ما الصغير يصير 4 يعني سنتين تربيه بالبيت و سنتين بالحضانه و انتي تدرسي او تشتغلي
و يمكن وقتها تحني للأمومه و قعدة البيت و تحملي وكلك شوق للتعب و الحمل و الولاده و السهر ووو

و الله يسهل اللي فيه خير للجميع

__________________

الامومة هي ان تضحي بكل شيئ جميل ليكون في اطفالك الاجمل

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 02:16 AM.

روابط سريعه