يعطيكم العافيه نك نك جميعا
ريحني كلامكم والله
بس مشكلتي الي افكر فيها اكثر
ان صار عندهم خبر بالموافقه
وانا خايفه اذا واجهتهم اضعف مره ثانيه
ومشكلتي ابكي بسررعه ><

اول شئ / انا شفت صوره مارتحت له حسيت بخوف منه ونفور
ثاني شئ / شخصيتي بعيده عن شخصيته هو شاب ناضج وانا لسى اشوف نفسي بمراهقتي وطيشي

أختي لا تستشيري فقط وإنما يلزمك أن تستخيري فربك فقط من يعرف الخير في ماذا وتبعا لذلك سوف يتيسر لك مافيه خير وسوف ترين ذلك بنفسك ...

__________________

((لا إلــــــه الا أنت سبحانك إني كنت من الظالمين))

شوفي رأي ابوك وأعمامك الرجال لهم نظر بالرجال

واستخيري كثير

والله يكتب لكما الخيره من أمركما

هذا الأمر يا ابيض يا أسود ..

فأنت بين امرين اما أن الرجل فعلا كفؤ ولا يتعوض بشهادة الثقات ..فاتركي للرجل لمن تعرف قدره وقيمته .. وستتحسرين عليه

وأما انه عكس ما سمعت عنه .. فانجو بجلدك ..فالتراجع الان سهل .. وغدا له تبعاته وآثاره المدمرة ..

طالما انك تعترفين انك طائشة في الوقت الحالي .. فيجب عليكي حتما ان تؤجلي موضوع الزواج ككل .. سواء من هذا المتقدم او من غيره .. حتي تستقر نفسيتك و شخصيتك .. و موضوع تاجيل الزواج امر اساسي لمن هن في مثل حالتك .. موفقة ان شاء الله ..

اختي هذا بيكون شريك حياتك طول عمرك فأتمنى انك تاخذين برايك وماعليك من كلام احد..
واهلك بيزعلوون يوم يومين ثلاثه وبعدها كل شي طبيعي

تعليق بسيط جداً " طلبت له صور يعني هو مقبول بس ماادري ايش فيني
مو مرتاحه له واحيانا العكس "

ليش هو مايقرب لك ؟ او حتى مو ساكن بنفس مديتنك ؟

وممكن اعرف ايش جنسيته ؟ <<< يمكن تقولو مالها دخل او ماله داعي سوالي بس غاية في نفسي وياريت تخبرني

بالنسبة للزواج من عدمه فانصحك استخيري وماخاب من استخار

دمتم بخير

__________________

اختي فالله
هل تعتقدين ان والدك واخوانك راح يرموك على رجل ليس كفوا" لك ؟؟؟؟
فكري جيدا وشوفي الفرق :

* ابوك واخوانك يعرفونك ويعرفون اخلاقك ويعرفون هذا الرجل واخلاقه ولم يوافقوا الا لأنهم واثقين
بعد توفيق الله انكم لايقين لبعض.

* انتي تعرفين نفسك ولاكن لاتعرفين خطيبك.

تعوذي من الشيطان ومسألة ارتاح له وما ارتاح له وحبيته وماحبيته من وجهة نظري والله مالها اي داعي
انتي تقولي ماارتحت له من صورته وشخصيته وخلاص ماابيه ؟ طيب هل الزواج كله شخصيه وشكل حلو فقط؟؟ يااختي مسألة صورته انا شخصيا اعرف لي شخص مشهور والله لو دخل مواقع او اسواق نسائيه 90% من النساء راح ينبهروا من وسامته وشخصيته لاكن عاشرته وجلست معه
الله يستر عليه والله ماعنده اي تقدير لأحد لا اخ ولا صديق ولا زوجه ولا اولاد وحياته مع اهله واولاده والله ان موته اريح لهم.

اذا الرجل بعد الزواج حبك ابشري بسعدك واحمدي ربك انه رزقك بزوج يحبك
والحب الحقيقي والأرتياح بعد الزواج وليس قبله ويابشر يامسلمين افهموا انتوا يااهل المجتمعات المحافظه كيف تحبون قبل الزواج والله انها اوهام من الشيطان انا عندي صديق يحب خطيبته وخطيبته تحبه وقبل الخطبه كانوا يموتون في بعض ومرتاحين لبعض ..خطب هذا الصديق وتزوج وبعد ثلاثة اشهر طلق سبحان الله وين راح هذا الأرتياح وين راح هذا الحب الي تتكلمون عنه
نصيحه اسمعي كلام ابوك واخوانك فهم ابخص منك
الله يوفقك لما فيه خير

انتي سوي حاجه وحده وهي

الإستخااااااااااااااااااره بشكل يومي وخليها على الله بمعنى توكلي على الله

وربك هو الذي يتولى امرك لاتشيلين هم


الله يوفقك لكل خير

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين