ساعات الوحدة لازم تمثل قدام زوجها عشان تمشي الحياة ( مقولة خذيتها من أمي)
و معاك حق في القلق على زوجك خاصة ذهابه لهذه الدولة مع صديق سوء

أنا زوجي طالع في رحلة عمل من يوم الأربعاء اللي طاف و بيرجع إن شاء الله يوم الجمعة
أمس بعث لي مسجات كل مسج أحلى من الثاني و أنا كنت جدا فرحانة

العصر كلمني و استئذني إن يسافر العمرة مع ربعه اللي كانوا معاه في الشغل مباشرة – يعني ما راح يرجع الجمعة - فحسيت للأسف إن هذه المسجات كانت من أجل إني ما أقول شي عن سفره

صحيح الواحد ما يشبع من بيت الله بس احنا تونا راجعين من الحج و هو غايب عني مدة و مخططين نروح نسافر الكويت مع أهله في راس السنة الميلادية نغير جو و احنا حاطين ميزانية لهذا الشي بس

قال لي إن هو دبر أموره المالية – ما أعرف الطريقة – و إن هو وده يروح و أنا راضية عليه
قلت له أنا ما أقدر أمنعك من بيت الله روح و الله يحفظك و يتقبل منك.

سألته هل سبب إرساله المسجات إني ما أعترض أو أزعل؟
حسيته انصدم و قال لي حرام عليك تفكرين كذا و إني و الله أحبك و بعثت المسجات لأنها طالعة من قلبي

هو ألحين يكلمني و أنا أحاول أتجاوب معاه

يمكن عزيزتي زوجك نفس الشي ، البعد خلاه يحس فيك أكثر فإنت ما عليه تعالي على نفسك شويه و حاولي تتجاوبين معاه و الله يقذف محبتك في قلبه دايما و يصير يهتم فيك و في عيالك ، و الله يحفظه من الحرام و يرده لك سالم

__________________
الدنيا يمكن تكون حلوة ... بس يا ريتيني أقدر أفهمها !!!