ملك حبيبتي انا وزوجي مرت علينا محنة شديدة قبل فتره ونفس الشي تعرضنا لظلم وفيه ناس استقصدو زوجي وحنا بالغربه وتورطنا ورطة كبيرة ومانقدر نرجع لاني ادرس وزوجي نفس وضع زوجك يستخدم مبلغ كان موفره وانتهى وبدأ يدخل بالديون وتعبت نفسياتنا جدا جدا .. انا اعرف ان وضعك انتي وزوجك اصعب بكثير لكن بقولك ايش سوينا..
انا زيك صرت ايام ادعي بالليل وابكي وافكر اقول ليه ربي ما يستجيب دعائي وكل مالها تضيق علينا قعدنا شهور و شهور وحنا ندعي لدرجة اني فكرت قلت يمكن ربي غضبان علينا وقاعد يعاقبنا؟؟! قعدت افكر وش انا سويت شي كبير ممكن يمنع استجابة دعائي شكيت بنفسي وبدا اليأس يدخل في قلبي.. كنا نستغفر كثيير انا وزوجي احيانا الف مرة باليوم وما صار شي لين بدييت ايأأأس..فجأة قالت لي وحده قولي لزوجك يقرا سورة البقرة كل يوم تراها علاج لكل شئ..
انا ما اقتنعت بالبدايه لاني ماحس زوجي فيه عين ولا سحر لكن لما قلت لزوجي تحمس لانه جرب كل شي وخايف ما تضبط اموره وصار يقرا البقره كل يوم.. ما كان عنده اي اعراض عين لا يتثاوب ولا يتعب ولا احلام ولا شي الحمدلله.. استمر شهر وفجأة فرجت من اكثر من اتجاه بشكل غريب وانحلت كل امورنا ولله الحمد ..
ما اقدر اوصف لك الشعور.. لكني اتمناه لك من كل قلبي.. جربو سورة البقرة كل يوم والاستغفار 200 مرة بعد كل صلاة ما تاخذ ولا خمس دقايق والمجموع يكون الف باليوم ..وصح لسان اللي قال ما تضيق الا عند الفرج لانها لما ضاقت جدا جدا فرجت علينا الحمدلله..
__________________
التعديل الأخير تم بواسطة البحلة بالنفس ; 14-12-2010 الساعة 02:03 PM
14-12-2010, 01:59 PM
ضوابط المشاركة
العرض الشجري