والله من زمان أشوف الموضوع وكنت مقرره ماأدخله مليت من مواضيع التعدد ومن مصيرها بالنهايه

لكن كثرة الردود خلت عندي فضول أدخل اشوف

ورد بنت الحكمي خلاني ارد

وهو أيش أللي يخلي الرجال يحب التعدد

غير التنافس بين الزوجات كل واحده في سبيل قهر الزوجه الثانيه

وهو ياغافلين لكم الله المسكين يفكر أن التنافس من محبتهم له !!

__________________
أشتقت لكم جداً 💔

صابرة.. ممكن أسألك سؤال؟؟ وتجاوبيني بسرعة وبوظوح؟؟

الزوج المعدد إذا تزوج الثالثة شنو ممكن تفسرين سبب زواجه الثالث؟؟

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

الأخت أحب زوجي حياك الله أنت الحين دخلتي عليه عرض من بين كل الردود أنا جاوبت على هذا السؤال بالجواب إللي عندي للأخوات إللي سألو اهاذا السؤال قبلي وإجابتي كانت في ردي بارك الله فيك بالنسبه لزوج إللي يعدد مو بمسكين لأن مو هما زوجاته جوه لحد بيته وأخطبوه ودفعوا مهره وتزوجوه هو السبب في مايقع من صدام بين زوجاته هو الركيزه التي تستند عليها زوجاته ليش نقول مسكين وهو بيده القوامه والنفقه عليهم وبعدين كيف كل زوجه تقهر الثانيه إذاكان مسكن كل واحده في بيت وش وداهم عند بعض وبعدين كل وحده وشطارتها وأسلوبها في سحبه من تلابيبه لعندها ومشكوره على ردك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي مازلت اضحك على القصة...

حتى انا اموووووووت بزوجي.. ولا اتصور انه في حب يوازي حبي لزوجي..

وشدة حبي له لو تزوج راح تكون أقوى صدمة لي.. وراح ينولد عندي البرود والتبلد تجاهه من شدة الصدمة.. وممكن أبيعه بسهولة ولا راح يعني لي اي شي..
يعني مستحيل اتنافس مع الثانية وأحاول اكسبه
فوق ماهو حارق قلبي اعطيه فلوسي واتنافس مع الثانية عشانه
لا والله مع السلامة ..
أصلا راح يشوف الفرق بين تعاملي معاه قبل لا يتزوج علي وبعد مايتزوج علي وراح ينهبل ليش تغيرت عليه>>>>> عيشتيني جو كئيب ..صدقت الموقف .. الله لا يمتحننا..

لكن لو انه حبه بقلبي عادي ماكان ينولد عندي النقيض بعد الصدمة..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

الله يحييك حبيبتي خليتيني أقول ليتني مارديت كانه ضايقك ردي

أساساً أنا ماقريت الردود فتحت على آخر صفحه وشفت ردك عن المعلمه والمديره وزوجهم على ماأظن وقهرني اسلوب

الزوج مع زوجاته وقهروني زوجاته كمان

ولما قلت مسكين ماكان قصدي متعاطفه معاه كان قصدي يستاهل كل اللي يجيه

وسلامتك

__________________
أشتقت لكم جداً 💔

ما أدري .. أنا ما أشوف انهم كثير يتنافسون .. ما انفي وجودهم لكنهم قلة ..

غالبا يعيش المعدد بمسؤليه عظيمة.. ومتعبة.. وتقسم ظهره

الان اللرجال المتزوجين من وحدة .. قلت وحدة وحطي تحت وحدة عشرين الف خط..

لما تسألينهم عن الزواج - شرايك الزواج حلو ولا العزوبية؟؟

يقولون: الللللله يازين هذيك الايام.. هو حلو الزواج بس العزوبية فيها خف وفيها حرية وفيها شوي أكشن..

يعني يحبون الزواج 49%
ويحنون للعزوبية 51%

فمابالك لو صاروا بالنسبة لهم زوجتين؟!!!!
هم وحدة ولايعة كبدهم وحاسين اننا عبئ على عاتقهم ويحنون للعزوبية أجل لو صاروا زوجتين عز الله هذروا

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

يستاهل اللي يجيه على باله الزواج لعبه

الواحد متزوج واحده ويشتكي ويحن للعزوبيه ويتمنى يرجع لها واذا جابوا طاري الزواج الثاني تلقين ريقه يقوطر

الحمد لله على نعمة العقل وبس

__________________
أشتقت لكم جداً 💔

الله يسعدك يا أحلاهم ويهنيك بزوجك وعساه مايشوف غيرك شوفي حبيبتي بعض الرجال يحب زوجته ويموت فيها ومستحيل يفرط فيها أبد لأنه خلاص بوجود هاذي الزوجه يحس إنه عنده كل أصناف النساء فيصير ماعاد تجذبه أي إمرأه ولاتتحرك مشاعره إلا لتلك الحبيبه
والعشيقه زوجته وأنا أقول الزوجه الذكيه هي من تستطيع جذب زوجها بحبها ومشاعرها الصادقه والمرأة ماتغار على زوجها إلا من شدة حبها له الحب بين الزوجين شئ عظيم جدا وأنا عن نفسي أغار على زوجي وأحبه ولو بغى يعدد ماعندي مانع إذا كان هاذا يسعده وكان ناقصه شئ أنا ماسويته ماعندي مانع لاكن لي شروط عليه وأولها
البيت طبعا بأسمي مسجله مسبقا ثاني شئ أبشرك عنده سياريتين وكلها أقسم بالله مسجلها بإسمي ثالث شئ يسجل لي إستقطاع من البنك بثلاث أرباع راتبه ينزل في حسابي والثلث الباقي يرتب أوضاعه منه ويتزوج بس ينساني كزوجه أولى يعتبرها الأوله والثانيه لأني ماعندي إستعداد أراجع عيادات نفسيه ولاعندي إستعداد أحمل نفسي ظلم بنات الناس معاه لاكن الحمدالله زوجي مو النوع هاذا أبد وأنا مطمئنه من الناحيه هاذي بالذات قد سبق وعرضوا عليه نساء من بنات عمه ورفض رفض باتا يوم تأخرت في حملي وماخلفت قال لي بالحرف الواحد أنا معك وأنت معي مايفارقنا إلا الموت بإذن الله وأنا بصراحه حددت لي مهله عشر سنوات لوماخلفت عيال كنت بخطب له وأزوجه حتى لومارضي بس الحمدالله أمضيت ثمان سنوات وفي التاسعه حملت والحمدالله الشكرلربنا سبحانه وتعالى .
الله يسعدك يا أحلاهم ويسعد كل متزوجه والحب مشاعر نحملها حنا والزوجات الثانيات بس أهم شئ تلقى الشخص إللي يقدرها ويحافظ على هالمشاعر .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يسلمك ياقلبي أنامافهمت عليك أعذريني ولاتضايقت أبد بس حسبتك تدافعين عن المعددين راح فكري لبعيد أنت ماتدرين شوفي الردود السابقه إقرأيها بتشوفين حرب داحس والغبراء
أنا ماحسبتك تقصدين الزوج راعي المعلمه والمديره قلت في نفسي وش بها أختنا في الله داخله عليه رغم إن غيري
سئالو نفس سؤالي ماشافت إلا ردي أنا ههههههههههه قلت خلاص بيييييب علقنا في الزحمه شكل زوجها معدد وبطلع حرتها فيه أنا الله يسعدك دنيا وآخره ويوفقك وين ماكنتي والمعذره وأنا أختك.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الأخت أحب زوجي شوفي رد رقم 119وجهته لك والعذروالسموحه يا لغلا

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله