22-12-2010, 04:13 PM
|
المشاركة الأصلية كتبت بواسطة noora
الف مبروك يا عروسة ربي يتمم لك على خير و يجمعك بالغالي ...
بما اني فااضية  راح يكون ردي تفصيلي و طويل .. لو فاضية اقرأيه ولو مو فاضية عادي عدي عليه شوفي ياستي .. يمكن تلاقيني من اكثر الناس اللي فاهمة شعورك الان . بسبب تعلقي الشديييييد باهلي .. امي بالنسبة لي هي الاخت و الصديقة و كل شي بحياتي ... و بحكم اني الكبيرة كنا متحملين مسؤلية اخواتي سوى همومي كلها عندها و همومها و حتى اي مشاكل مع ابي او مع اي حد تجي تحكيها لي ..يوميا كنا نقعد بالليل مع كوب الشاي و هاتك يا كلام و ضحك و سوالف.. ييعني باختصار كاننا توام مو ام و بنتها .. اللهم لك الحمد و ربي يطول بعمرها ... و نفس الشي مع خواتي البنات و الاولاد برضو متعلقين بشكل مو طبيعي لدرجة انهم احيانا كانو يتمنوا انه زواجي يتفركش عشان اضل معاهم ربي يخليهم لي و اذا انتي من الحين بديتي تبكي على فراقهم ... بقولك على شي لكن لا تضحكي .. انا ضليت 4 سنوات مخطوبة و من اول سنة خطوبة كنت ابكي و افكر لبعد 3 سنوات اني بفارقهم و اصحى الصبح و عيوني مووورمة من كثر البكاالكلام هذا كله عشان تعرفي مدى تعلقي فيهم و تعلقهم فيني المهم ياستي و تزوجت و كنت اسافر شهر عند زوجي و شهرين عند اهلي عشان دراستي و فوق هذا بالشهر الي اسافر فيه تعالي شوفي انواع البكاء كاني رايحة و مش راجعة ... مش حابة اسيبهم .. اسافر لزوجي و اقعد معاه شهر و عند موعد رجوعي اقعد برضو ابككككيي و انواع الدراما لاني بسيبه ..لغاية ما جيت استقريت عند زوجي ... الصراحة يا عاشقة و بدون كذب اول فترة اكيد بتملي لحالك كنت امل و طبعا ارجع ابكي و اتذكرهم و الحين اكيد يسوو كدا و يفعلوا كدا و ما اتصل عليهم لاني اذا سمعت صوت امي ابكيي و انا ماودي اخليها تسمعني ابكي عشان ما تتاثر .. و زوجي كان مقدر و يحاول يكون معي اغلب الوقت بس شغله طبعا اهم ... المهم يا ستي .. بتتعبي اول فترة شوي .. لكن بعدها بتتاقلمي .. خلاص بعدها الانسان يتعود .. يمكن خلال شهر تكوني اتعودتي على بيتك و زوجك و نظام تحطيه انتي لحياتك .. الحين اتواصل مع اهلي على طول .. التلفون اي وقت ... الانترنت و الويب كان افتحهم و هم برضو يفتحوه و تحسي كانهم معاك على طول ... فاخلاص اتعودت و تاقلمت و بالعكس صرت لما اروح ما احس بالراحة و اشتاق لبيتي و غرفتي و سريري و صرت حتى انزعج و اصدع من دوشتهم اوقات الفراغ موجودة بس ممكن تستغليها .. يعني بتصحي مع زوجك الصبح تسوي له فطوره و تصلي و ترجعي تنامي للظهر .. نصيحة ناااامي على قد ما تقدري . اشبعي نوم .. بكرة بتحملي و تولدي و تنسي كلمة نوم نامي للظهر .. المهم قبل ما يجي زوجك ب3 ساعات مثلا .. قومي نظفي البيت و بخريه و شوفي مسؤلياتك و اطبخي و اتفنني بالاكل و بعدين جهزي نفسك .. يكون هو اجا .. و طبعا بوجوده بالبيت بيروح الملل ... طبعا ايام بتلاقي نفسك فاضية و مافي اي شغل بيت .. استغلي الوقت بفراءة القران او قراءة مواضيع عالنت و اكيد بتتعرفي على جيرانك و ان شاء الله ربي يوفقك بناس طيبين برضو بيسلوك على لااقل اني بمنطقة عربية يعني بتلاقي من يفهمك و تفهميه .. انا متغربة بدولة لا اعرف لغتهم و دينهم غير وماعندي غير جارة عربية وحدة بس و مشغولة طول الوقت باولادها الله يعينها ... ممكن حتى تتعلمي الاشغال اليدوية .. ممتعة و تضيع الوقت .. و بعدين ياقمر ان شاء الله ربي بيرزقك طفل يملي عليك حياتك و ماتلاقي فرصة لحد .. سامحيني طولت عليك بس زي ماقلت لك فاضية .. و سامحيني على الافكار الملخبطة.. قاعدة اكتب لك بيد و اضارب ابني بيد ربي يسعدك و يوفقك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري