عشان تكون منصف بالتفكير بينهم لازم تفكر وش بيكون وضعك لما يصير عمرك 60 وتكون وقتها شيبت وكبرت وتبي الراحه وهي توها 44 تبي الروحات و الجيات والسفريات وحتى حاجتها الجنسيه ما بتشبعها بسهوله..
صديقتي تزوجت وعمرها 18 سنه وكان زوجها 30 والان عمرها 28 وهو 40 ولو تسمعها كيف تتشكى ترحمها.. تقول زوجي يبغى الهدوء والاستقرار وتكوين اسره وانا احس اني مابعد عشت شبابي ولا احس بالمتعه معاه احس اني من جيل وهو من جيل.. انجبت طفلين و ماتبي تنجب الحين تقول توني صغيرة ابي ارح واجي وهو يبغا ينجب اولاده الان يقول ابي اربيهم قبل اشيب .. مهما كانت روحك مرحة تفكير الشخص الثلاثيني ابعد ما يكون عن تفكير المراهقه والانسجام مارح يكون سهل بينهم بس الناس والاهل ما يحسبون لهالشي ويفكرون انك انت بتنبسط وهي غصب عنها تتأقلم مع زوجها وخلاص..
انت فكر في وضعك والانسب لك انا ما رجحت اي خيار بس حبيت انبهك لنقطه انت ما حطيتها بالحسبان.. لان مجتمعنا للاسف للان يفترض ان البنت تندمج مع زوجها ايا كان وضعه ويفترض ان الصغيره دائما تجدد الحياة ولا يفكر بشعور الزوجة ولا يحطه في الحسبان من الاساس رغم ان بنات هالزمن غير زمان اول والزوجات ماعادو زي زوجات اول..
__________________
28-12-2010, 01:54 PM
ضوابط المشاركة
العرض الشجري