كلمة حق والله
بارك الله في الموحد لله ورفع ذكره في العالمين..

ضحكتيني الله المستعان
وبلاش تطلبي منه خليه على كيفه لا يبلشك بضرة!!
وسالفة صديقتك محيرة من جد..

الأخ الموحد طالب علم شرعي عنده ماجستير قرآن وعلومه وهو عضو في ملتقى أهل الحديث وأنهى سنة منهجية للدكتوراة وهو بصدد البدء بكتابة الرسالة الله يفتح عليه ويزيده من فضله.

صدقت ياطيوووف الأمل الله يستر عليكي

فعلا نلتمس للموحد لله عذر في غيابه
دافع دفاع مستميت وبعدين اختفى عسى المانع خير

والأخ بن شمر انت جبت رد الشيخ ابن جبرين بعد الأخت أحلاهم واتحداكم؟؟!!
بس الشيخ الموحد حفظه الله وطول بعمره رد عليها بما فيه المنفعة..

الله المستعان..

الله يوفقك ام حسن وييسرلك ربي دراستك ماتقدرين تخلينها عن التعدد لأنه صار عندنا خبرة

كل كلمة كتبها شيخنا الموحدلله في ميزان حسناته يارب الله يوفقه وين ماكان

اختي الغاليه اطياف الرياض ليت البعض يقرا التوقيع فعلا" كما قرأتيه الله يوفقك
والله ان القلوب السليمة من نعم الله على الخلق

صاحب الموضوع اغلب النساء كذا التعدد عندهم مشكلة
الله يعينك يارب موبس زوجتك

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

ردود الاخوات هنا تخلي اللي مش ناوي يعدد , يعدد ( بس عناد)

الموحد لله
بورك فيك ونفع الله بك الإسلام والمسلمين،
ملاحظة :
أغلب المعارضات هنا متزوجات
عايشين الدور و لا عدم ثقة في أنفسهن
ولا ماذا ؟!

أفا والله وأنا بنت أبوي ماتخوفني إمرأه مثلي وإذا زوجي حب يتزوج الله يستر عليه
ويكون بعلمك قسم بالله العظيم إني عرضت عليه الزواج
من أرمله ومطلقه وعانس ولاكنه رفض رفضا باتا وقال بالحرف الواحد أنت تكفيني وأنا كنت أبغاه يتزوج علشان أنا وهو حاملين جين مرض وراثي وعندي إثنين من عيالي بنت وولد مصابين بالمرض والحمدالله على كل حال زوجي قال هاذا نصيبنا ومكتوبنا وحنا راضين بقضاء الله وقدره ولاكن أنا بصراحه شفت وعايشت حياة معددين بصراحه مو معددين وبس إلا مجرمين وظالمين ظلم واستبداد لدرجة حتى أولاده من زوجاته سوى أولى أو ثانيه ماعاد أعترف فيهم إذا كان ولده الكبير يروح لأبوه يقوله يابوي أنا بلغت سن الرشد أبغاك تروح معي الأحوال تطلع لي البطاقه
يقوله أنقلع من وجهي منت ولدي ولا أعترف فيك روح حق أمك خلها تنفعك وبناته كل ماجا وحده منهم عريس طرده مع الباب ماعندنا بنات لزواج وهاذا كوم وهجرانه لزوجته وعياله كوم وبصراحه العدل بين الزوجات صار قليل جدا إلا مارحم الله وحتى الواحد لو عدل وأعطى يعطي من فوق خشمه وكأنه مغصوب والفرق واضح بين عياله وزوجاته أحيانا يفضل زوجه عن الأخرى ولو عطاها شئ قال لها لوشافته فلانه يقصد الزوجه الأخرى قولي لها هديه من عند أهلي يخص عليك رجال إيش هالنذاله
والله أنا متأكده لوالنساء واثقين في أخلاق أزواجهم وتعاملهم معهم بعد التعدد كان الواحده لتروح هي برجليها تخطب له بس كل وحده عارفه وش ينتظرها عقب التعدد أنا أذكر حضرت زواج واحد معدد وكان زواجه بالثالثه وأنا ما أحب أحضر زواج المعددين بس وش أسوي زوجته الأولى صديقتي وأصرت عليه إلا أحضر زواجه وحضرت ولما دخلت القصر طبعا زوجته الأولى واقفه تستقبل و ترحب وتهلي بالناس
وزوجته الثانيه ماحضرت الزواج كانت عند أهلها زعلانه والثالثه متربعه فوق على الكوشه ولوتشوفون فرحة زوجته الأولى بزواجه الضحكه شاقه وجهها ورقصت رقص بغى يغمى عليها وجلست ترمي الورود على المعازيم من السله إللي بيدها وتزغرد زغاريد ولعت بالقاعه وأقسم بالله إنه كأنه ولدها المعرس مو بزوجها وجالسه توزع الورود وتتلقى التبريكات والتهاني وآخر شئ زفت العروس إلين باب السياره عند باب القصر وفي عرس إبنها ماسوت حتى النص من إللي سوته بعرس زوجها والله إني روحت البيت وأنا مو مستوعبه إللي شفته مره وجلست أفكر في شكلها يوم تزوج عليهازوجها زرتها وكانت كئيبه وحزينه وكانت تقول لي شوفي
عقب تضحياتي وعشرتي معاه شوفي وش سوى معاي تزوج عليه وجلست تبكي وتقول لي ماتوقعت بيوم من الأيام إن أبو فلان يتخلى عني ويدور على غيري طبعا صبرتها بكلمتين وسولفت معها وروحت بيتي عقبها وتذكرت هاذا الموقف يوم زواج زوجهابالثالثه ولحد الآن محتاره في سالفة فرحتها بزواج زوجها بالثالثه هل هو فرح من جد ومن قلبها أو كأنها شفت غليلها من زوجته الثانيه وبرقصها وفرحتها كأنها تقول لزوجته الثانيه ذوقي ماذقته أنا أشربي من نفس الكأس إللي شربته أنا قبلك ونفسي أسألها بس على لقافتي وفضولي كلها ماسألتها لأني أخاف أنصدم بالإجابه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي
بورك فيك أنت امرأة فريدة من نوعها ..
أنا أتحدث عن غالب النساء ما أن يرين
مواضيع التعدد حتى يبدأن بالهجوم
و كأن الموضوع يحث زوجها على الزواج عليها !

.......... كلام صاحب الموضوع ولوكان غير كلمة إن شاء الله تحبط أعمالهم أنا والله بصراحه أول ما قرأتها حسيتها دعوه على الحريم إللي رافضين التعدد وأنا قلت في أول رد لي للأخ صاحب الموضوع إن هاذي الكلمه مالها داعي أبد وعن سالفة الغيره بين الزوجات أنا أعرف إن الغيره تورث الكراهيه حتى بين الأطفال وهم إخوان كيف تغار وما تكره يا إخواني الرجال المرأة إحساسها عظيم وقهرها وجرحها يصعب علاجه وبعض النساء ماتحتمل وماتصبروتتهور ماتقدر تسيطر على أعصابها وكلنا نذكر سالفة الحرمه إللي أحرقت الخيمه في عرس طليقها وهاذا وهو طليقها وش كانت بتسوي لوكان باقي متزوجها وحنا عندنا بديرتنافيه حرمة تزوج عليها زوجها وفي ليلة عرسه أحرقت سيارته جديده مالها أسبوع مطلعها من الوكاله قيمتها فوف مئة وستين ألف ريال أحرقتها خلتها هيكل خلاص وقام طلقها وقالت له بعد زين إنك طلقت وإلا كان اليلة الثانيه أنت وعروستك أخليكم رماد تندفن مع سيارتك أنت وياها وهي عندها سبعه عيال يعني فيه نساء مثل العواصف العاتيات خلاص تنسى حلال حرام الشرع خلاص تجتاحها نوبة غضب شديده وماعاد تحتمل ولاتصبر وتأدي بالضرر أولا لنفسها وثانيا لأولادها وبيتها.
إخواني أخواتي خلوا النجره ودوروا للأخ حل الرجال الظاهر مله وطلع وحنا جالسين نشد الحبل بين بعضنا والرجل ما أستفاد شئ وأنا بقول له حلول الحين وإن شاء الله تفيده
أولا خلها ولاتطلقها
ثانيا أصبر وتحملها هي مازالت مجروحه من طلاقك لها
ثالثا لاتستفزها بشئ ولاتذكرها
بالماضي وتقول لها أنت لو كان طاوعتيني وكان وكان ماصار إللي صار
رابعا أنتبه تقارن في مابين زوجاتك يعني لاتجي عند هاذي وتقول هاذيك سوت وهاذيك فعلت ليش أنتي مومثلها لأن هنا النفسيات والأساليب تختلف عن بعض
خامسا سكن كل واحده منهم في منزل لوحدها حتى تتفادى الصدام والمشاكل في ما بينهم سادسا عيش عند كل واحده منهم يومها وحسسها إنك تحبها هي الأكثر ومشها وفسحها وعيش يومك عندها وكأن لاتوجدلك زوجه سواها وإذا حصل وجابت لك واحده منهن
طاري الزوجه الأخرى قول لها أنا عندك الآن وليس لي دخل فيها ولا أريد شئ يذكرني فيها فخلينا نعيش يومنا بلامنغصات وأعتذرها بأسلوب لبق
سابعا وأخيرا تذكر أخي إن الخيل من خيالها والمرأة من رجالها وأنت إذا مسكت العصا من النصف وتحكمت فيها فإن حياتك بإذن الله ستكون ناجحه بشرط أن تكون عادلا بمايرضي الله بين زوجاتك ويتسم تعاملك معاهم بالأمانه والإخلاص لرضاء الله تعالى
أسأل الله أن يصلح لك زوجاتك وأن يجعلهم قرة عين لك ويحفظك لهم ولأولاك ويجعلك خير رجل لزوجاتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ماكان الرفق في شئ إلا زانه وما نزع من شئ إلا شانه..


أخي تامل في اسلوبك في الكتابة هنا..

وستعرف حقاً لما طلبت منك زوجتك الطلاق..

هناك وقفات في سردك للموضوع..

فلعلي أمر من هنا وأبين لك شيئاً منها..

ردك الله للصواب..

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..

الاخوه و الاخوات استطردوا في موضوع التعدد _ و ما حد لمح و لو بكلمة تساعد في اتخاذ قرار ..
اللي يسأل عن اسلوبي انا انسان عادي 5 فروض مع الجماعة في المسجد و من البيت للعمل
الصفه السائده اني بيتوتي اقضي معظم وقتي مع عيالي و زوجتي لعب و اكل و تلفزيون هذا انا..
وجميع طلباتهم ملباه من غير مبالغة.
وقت قصير نسبياً للانترنت لأن عملي 8 ساعات كله عالنت
بس ردك هذا يا ديمي يحتاج منك توضح
القصة في بداية الطرح مختصرة جداً لعملك تحملت العيشه سنتين عزابي و زوجتي الاولى ما رضيت تجي معي للشرقية حتى في الصيف اجازة المدارس تروح مع اهلها أبها تتسدح في البراد!
قرار الزوجه الثانية كان احسن شي في هذي الحياة لأن الله عوضني نعم العوض.
اللي يقول اني بردها بس عشان عيالها تراه ما غلط __ صحيح عشان العيال هذي واحد و عشان ما اظلمها و عشان زوجتين زيادة الخير خييرين في كل النواحي الصلح من صالحي!
لكن الله يهديها............

عزيزي.

انت ما غلطت ووضعك بالسليم. ومصيرها ترجع وتتعدل

لان الحياة ماتتوقف على واحدة