والله ما أدري بس انا عندي قناعة انه مايكون الزوج هو محور حياتي كلها..
الزوج جزء من حياتي..
وغلط مني اني الغي كل اللي احبه عشان الاحق زوجي..
أوكي أهتم فيه البي طلباته ..وبنفس الوقت ما أنسى نفسي.. لكن ما اطلب منه هو اللي يونسني..
أنا اطلب منه يطلعني.. ما انتظر هو يقولي يلا نطلع..
ارتبط باهلي أرتبط بأهله.. ارتبط مع صديقاتي.. أرتب طلعة لنا مع اهلي..
فلما الوحدة تشغل نفسها طول النهار..ماتصدق يجي الليل عشان تسكن لزوجها وتسولف عليه شنو صار لها طول النهار..
راح تجيه وهي كلها شوووووق للراحة مع زوجها ولا راح تفتح عليه اسطوانة انت مهملني انت مطنشني أنا اخر اهتماماتك.. ووو الخ..
حتى هو راح يصير ينتظر يجي الليل عشان يسمع سوالف زوجته.. مو يسمع حنة ورنة ويكره قعدة البيت..
لكن نقطة الصديقات هذي لا معليش كل شي إلا حدود الله.. ماأسمح له يتعداها.. أوقفه عند حده.. واخيره بين الحياة معاي بإستقرار..
أو مع السلامة الباب يفوت جمل..
لايمكن أتساهل حتى لو المسألة ماتتعدى المكالمات 
.
مو أقول لا أصبر ويمكن الله يهديه وهذا الشي بينه وبين ربه موأنا اللي أحاسبه!!!!
لا - اتخذ معاه موقف من البداية..عشان ما تتطور الامور.
يا يرجع لصوابه ..او الانفصال..
وعندي قناعة أنه الزوجة أو الزوج اللي يحفض نفسه ويصونها ربي يحفظ له الطرف الثاني.
ويحفظ له ذريته..
واللي يلعب بذيلة أكيد مليون بالميه زوجته مثله.. ربي مايظلم أحد.. مايجمع بين عفيفة شريفه بزوج منحط..
أو زوج كريم عفيف طاهر بزوجه سافلة..
(الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ).
وإذا الوحدة اتقت الله في زوجها وارضته وأسعدته وحسسته بالحنان والاستقرار عمره الزوج ماراح يفرط فيها أو يهملها..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))
31-12-2010, 01:54 PM
ضوابط المشاركة
العرض الشجري