أسأل الله بقدرته أن يجعل لكم من كل هما فرجاومن كل ضيق مخرجا الصبر الصبرالله يصبر قلبك ويرحم ضعفك وكل ماضاقت إن شاء الله ستفرج بإذن الله وحده والله إني حاسه فيك وحاسه بحالتك وعارفه إن أكثر شئ شاغل بالك هو أطفالك الصغاروتحسين نفسك جسد بلا روح وتوهان وتفكير مستمر وتجلسي ماتحسي بللي حولك وتسرحي عنهم بعيد ولاعاد تذوقي لذة النوم ولا لذة الأكل وحتى الماء تشربه ماتحس إنك شربت شئ وأرق في النوم ماتقدر تنام ولو نمت ساعتين تصحى مفزوع أنا قد صار لي مثل كذا بس كان إشتباهم بمرض السرطان عندي بالكبد وراحت التحاليل وطولت وعشت في دوامة تفكير
أنا مؤمنه بقضاء الله وقدره بس جلست أفكر في عيالي من بعدي كان أصغرهم عمره تسعه شهور وكنت أتخيل كيف عيشتهم من بعدي وسبحان الله الشيطان يوسوس لإبن آدم في كل لحظه أقسم بالله حتى الصلاة كنت ما أدري وش قرأت من صور في الركعات ومجرد ما أجلس لتشهد تجيني الشيطاين من كل حدب وصوت
أعوذ بالله هاذ يقول لي ليش تصلين وأنت بتموتين وهاذ يقول شوفي عيالك من بعدك بيتشردون وهاذا يقول أنت وش تتوقعين بيكون نتيجة تحاليك إلا بتطلع أعوذ بالله ضعف ضعف لدرجة زوجي بيروح يصلي بالمسجد وأنا أقوله روح أنت تطلع وأنا بموت وعيالي يضيعون بالشوارع وينحرق عليهم البيت يقولي وحدي الله ياحرمه ماخبرتك ضعيفه لهاذي الدرجه أنت طيبه ومافيك إلا العافيه وإن شاء الله تحاليلك سليمه مافيها شئ روحي توضي وصلي على ما أرجع كان يروح يصلي ويرجع يبغى يرقيني لأنه كان عقت كل صلاة يرجع يقرأ عليه الرقيه بس كان يرجع وأنا باقي في دورة المياه أكرمكم الله ويطلعني ويوديني المغسله وأتوضأ واجلس أصلي وأحيانا يراقبني وأحيانا يغفل عني مع العيال ولو خلصت يقرأ الرقيه عليه وسبحان الله ما جت التحاليل على قولة زوجي إلا وأنا أبغى طبيب نفسي لما وصلت له من تدهور في حالتي النفسيه وجلست حول السنه معتقده إني مصابه بالمرض رغم إن التحاليل ولله الحمد والشكر أثبتت إني سليمه منه بس الوهم والتخيلات تجلس تطاردك بشكل فضيع أنا عارفه معاناتك وتعبك النفسي لاكن علقي أملك بالله عزوجل وحده أمرك عند رب العالمين وربنا هو العالم بحالك فنسأ ل الله أن يلبسك أنت وزوجك ثياب الصحه والعافيه وإن شاء الله وبإذن الله تعالى وبحوله وقوته وقدرته أن تكون تحاليلكم كلها سليمه ومافيها شئ إن شاء الله أنت وكلي أمرك لله عز وجل وربنا أرحم وألطف بكم من كل شئ حولكم الله يشفيكم ويعافيكم من كل داء ومن كل مرض ونسأل الله أن يدخل الفرحه والبهجه إلى قلوبكم بنتائج التحاليل وعسى الله يحفظكم لعيالكم ويخليكم لهم وتفرحون فيهم إن شاء الله تعالى.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله