الفرق يعتمد علي كيفيه حياتك قبل الزواج اذا انتي كسلانه ما تعرفيش تطبخين بس تعملين اوردر من كنتاكي والا بيتزا هوت ولا تهتمين بنظافه بيت اهلك ولا تتحملين جزء من المسؤليه ولا تطيعين والديك او تهتمين بسمعه اهلك ولا تهتمين بنفسك اكيد بتواجهين فرق كبير لان كل هذه الامور مطلوبه بعد الزواج مع زوجك طبعا سؤالك صعب للمتزوجين لان اكيد مش كل انسان يريد ان يكشف اسراره ايش تريديه يقول كنت قبل الزواج احب خطيبتي بعد الزواج اكتشفت انها غير. الزواج عفه وحياه حلوه وتفاهم وانسجام بس اهم شي كل واحد يقوم بدوره

جزاك الله خير على المشاركة كلامك صح والحمدلله اني مو النوع الكسول بالعكس تحملت مسؤليات
وطرحت الموضوع للمتزوجين لان عندهم خليفة وخبرة ونصايح مو انهم يكشفوا اسرارهم يعني بصفة عامة وليس بالتفصيل
نبغا الاعضاء ينورونا بمشاركاتهم >>>>>>> ومنكم نستفيد

__________________

..يَا إِلهَ الْعَالَمِينَ بِكَ أُنْزِلُ حَاجَتي وَأَنْتَ أَعْلَمُ بِهَا فَاقْضِهَا..

الأخت الغاليه ‏soul‏ حياك الله في قسم المتزوجين السعيدين والتعيسين في هاذا القسم هناك شاكي همه وهناك من يحاكي سعادته شوفي ياحبيبتي أنا لو أجلس أحكي لك إلين بكره ماراح أخلص بس باخذ قسمي وقسم الأعضاء الباقين علشان أشوف فطاحلة قسم المتزوجين ماشاركوا والمشاركات أشوفها قليله شوي
فعلشان ما تتعقدي وتقولى ليش ماردوا عليه المتزوجين
وتظني إن الحياة بعد الزواج تعيسه وإنها هم وغم لا لا ياعمري الحياة بعد الزواج نعيم وجنة الدنيا وسعاده لاتوصف أبد أول شئ إستقلاليه وإنفراد بحريتك في بيتك وراحه نفسيه وكلمتك مسموعه وطلباتك مجابه ولك شخصيه وعندك زوجك حبيبك كل ماقلتي فلان قال سمي ياعمري آمري وتدللي ياعيون فلان وبتعيشين في سعاده وحياة هنيه بس بشروط أول شئ الحب والتفاهم ثاني شئ الصراحه في مابينكم كل واحد يشرح لثاني وش يحب وإيش يكره ثالث شئ الإحترام والتقدير كل واحد فيكم يراعي شعور الآخر
رابع شئ الموده والرحمه في مابينكم كل واحد يقدر ظروف الثاني إذا مرض أو أحتاجه في شئ خامس شئ ترك الغيره الزايده والعصبيه والإنفعال الزايد وإذا أحد غلط الثاني يتحمل ويعذره ويعاتبه بلطف على إللي صار في وقت يكون رايق سادسا الإهتمام كل واحد يهتم بالثاني مثلا هو يهتم فيك وفي طلباتك وإهتمامه بك كلجلوس معك ويطلعك زيارات لأهلك ولأي مكان ترغبين فيه ويدلعك وأنت تهتمي في بيته وأكله وشربه ولبسه وسعادته وتكوني خير زوجه لزوجها وأهم شئ إغلاق الإذنان من كل جانب أهله وأهلك وعيشوا حياتكم بدون تدخلات الأهالي حتى لو فرضا صارت بينكم مشكله لاتطلع خارج نطاق التغطيه أحصريها أنت وزوجك وحلوها على رواق بينكم وأسراركم قفلوا عليها بحجرة النوم لاتطلع للخارج أبد وفيه أشياء واجد بعد بس أخاف أطول عليك طبعا المسؤ ليه الكبيره تجي مع العيال أكثر شئ لأنهم يحتاجوا إهتمام وتربية فياخذوا كل الوقت منك وتحسي إنك كثرت مسؤلياتك وأشغالك بس لما تشوفي عيالك قدامك طيبين ومبسوطين رايحه تنبسطي وتفرحي فيهم لأنهم زينة الحياة الدنيا ووجود الأطفال في حياتك سيمدك ببذل المزيد من العطاء في حياتك وينسيك كل آلام التعب والمشقه في رعايتهم وتربيتهم بإذن الله تعالى شوفي أنت تزوجتي وأنت بنت ناضجه وفاهمه الحياة عدل لاكن أنا يوم تزوجت كان عمري أربعة عشر عام فقط وزوجي في العشرينات وكانت حياتي كلها لعب وجنان وطفوله ما أعرف إيش معنى الزواج والمسؤليه أتذكر أول طبخه طبختها لزوجي بعد ثلاث سنوات من زواجنا وأذكرها للآن كبسة رز ولحم وجبت الرز له هريسه كيف هريسه عجينه وزياده مالح ما أعرف شئ أبد أول شئ كنت عند أهلي وماشاء الله الوالده وأختي الكبيره كل شغل البيت عليهم وأنا حتى إبريق الشاي ما ألمسه جلسه ومتابعة التلفزيون الكراتين المدبلجه بداية بلينا وعدنان ونهاية بسالي والكابتن ماجد وقرانديزر كنا نتضارب أنا وإخواني من يجلس أقرب واحد عند التلفزيون ولعب أونو مسكين زوجي قد شحططه شحططه وأحيانا أخليه يتابع معي وإلا يحل لي واجبات المدرسه ولوخلص واجباتي أخليه يحل واجبات أختي إللي أصغر مني وأنا ألعب معاها أونو
وهو يحل في الواجبات حقتنا بس بصراحه الله يخليه ويحفظه كان ماخذني على قد عقلي ويسايرني وكأنه مولدين أنا وهو مع بعض كان يلعب معي الطش ولعبة حاكم ومستشار ولص وجلاد وسجان
ويلعب معي أنا وإخواني كوره
ويتمرجح بالمراجيح معنا وبصراحه كان مبدع وهاذا إللي حببني فيه بزياده كان أبوي الله يرحمه يعصب عليه ويصارخ ويهزئني ويقول أنت كبرتي خلاص عندك زوج لازم تهتمين فيه وأنت عايشه كأنك طفله وكنت أزعل وأتضايق ومن زود
الدلاخه وكبر عقلي كنت أقول لأبوي طيب أنا أعلم فلان قصدي زوجي أخليه يتفاهم معاك قال لي خليه يجي والله غير أخلي سلك الكهرباء ينرسم بظهرك أنت وياه وزوجي ولد عمي أخو أبوي كان يقول لي أبوي كله من زوجك حسبته يعقلك إلا زادك هبال على هبال زوجك هو اللي يبغى له تربيه من أول وجديد وكنت مسوية نفسي فاهمه أشيل ملابس زوجي وأغسلها بصابون تايد كلوركس وما أشطفها من الصابون أشوفها نظفت خلاص أحطها بالنشافه وعلى طول أنشرها على الحبل بالحوش ما أحط لها مويه صافيه وأغسلها مرة ثانيه أشطفها من الصابون لا ما يصير
وزوجي مسكين أكلته الحساسيه بجسمه وكان يهرش حكه في جسمه ليل ونهار وماأحد عرف وش سببها إلا مرة جت عندي أختي إللي أكبر مني بتغسل ملابس إخواني وجلست تسولف معي على بيل ما أخلص غسيل وشافت طريقة غسيلي لملابس زوجي وإنها تصيح عليه لا موكذا تسوين لازم تشطفينها بمويه ثانيه وثالثه حتى تنظف من الصابون والكلوركس قالت لي مسكين زوجك ماينلام قالت أمي إن جسمه كله حساسيه أكيد من طريقتك هاذي وبعدها جلست تقول لي كيف أغسل الملابس وطريقت شطفها وطبعا أخذت منها تعهدإنها ماتفضحني عند أمي وإخواني وبصراحة أقولك حياتي كلها مقالب ونكت والحين متزوجه لي حول واحد وعشرين سنه بس ولله الحمد عايشه في راحه وسعاده لاتوصف وعندي خمسه عيال وزوجي مازال في نفس فرفشته وسعة باله وطيبة قلبه وحبه وإخلاصه ووفائه لي الله يحفظه ويخليه لي ولعيالي ولايحرمني منه يارب فالزاو ج حلو والحياة بعد الزواج راحة نفسيه وسعاده وإستقرارأهم شئ أنت تكون إنسان متفائل بالحياة وعازم على النجاح ومصمم على التفوق في مستقبلك وعالمك الجديد أختي أتمنا إني أفدتك ولو بالقليل ولو إني أطلت عليك بس شفتك تسألين أنت والبنات قلت خلني أرد عليهم إن شاء الله يستفيدوا أسأل الله أن يتمم لكم أنت وزوجك ويجمعكم على خير وسعاده إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

وعليكم السلام ورحمة الله وبركاته

حياتي قبل الزواج له طعم خااص لأني كنت أصغر خواتي وكانت أمي مدلعتني كان همي أكون متفوقة في درااستي حياتي كاي بنت عادية .

لما تزوجت كنت صغيرة مخلصة أول ثانوي , مدري ليه مستعجلة , فجأة لقيت نفسي مسؤولة عن نفسي وعن زوجي مسؤولية كااملة , كنت أخااف من الإنتقادات وخايفة أغلط أو أقصر لأني كنت عايشة مع أهل زوجي وأنتقلت من منطقة لمنطقة , فترة كنت صعبة وحلوة .

أكيد تغيرت شخصيتي أول همي درااستي وتفوقي وبعدها صاار همي زوجي وتفوقه ونجااحه ونسيت نفسي أصلا وبعدها الأولاد صار همي الزوج والأولاد والمسؤولية تكبر .

قبل الزواج فيه وقت فراغ بإعتبار أن البيت فيه أكثر من بنت ونتقاسم شغل البيت وقت الفراغ أكيد نمارس هواية نحبها وأنا كنت أحب القراءة , بعد الزواج أنت المسؤولة عن كل شي فصار مافيه وقت كاافي لهواية,غيرها إلا نادر.

قبل الزواج الأم ممكن تعذر في التقصير , الزوج أحيانا مع التقصير يقلب عاليها واطيها .

قبل الزواج مافيه مسؤولية عن مصاريف أو ميزانية الخ...., وبعد الزواج مراعاة لظروف الزوج ونصرف حسب الأمكانيات.

قبل الزواج كانت هنااك أمنياات وأماني , وبعد الزواج أختلفت الأمنيات وبعض الأمااني صارت مجرد ذكريات .

حياة بعد الزواج أفضل طبعا خاصة إذا كان هنااك أنسجام وتفااهم وحب مشترك ,وأحلام وحدة وهموم وحدة .

بعد إذنك soul , بنت الحكمي والله أني أحبك في الله واحب عفويتك وببساطتك من جد ضحكت عليك وعلى زوجك , الله لايغير عليكم , ويبارك لك في زوجك وعيالك .

مشكورة أختي صاحبة الموضوع .