لكل مكان ايجابياته و سلبياته ..
في الدول الاسلامية ... يكفي انه الطفل يكبر على صوت الاذان ..
يعيش بين اهله و قرايبه فا يتعلم صلة الرحم .. و تتقوى علاقاتهم فيه
تتقوى علاقتهم بوطنهم
لكن بالغربة ..ومهما سافرت لارض الوطن .. بتلاقي انتماءه ملخبط مابين البلدين و كثير منهم بالوقت الحالي
يفضل الغربة و يرفض الرجوع لوطنه لانه خلاااص اتعود على الغربة و طريقة العيش فيها
يقل تواصله مع اهله .. بالتالي بعد وفاة ابويه ما تستغرب اذا قطع صلته فيهم تماما لانه مافي روابط بينهم
و حتى الاقارب و الاهل ينسوه لانهم ماعاشو معاه و البعيد عن العين بعييد عن القلب ..
بالبلاد الاسلامية ... تقدر تتحكم بالطفل من ناحية ايش يشوف و يتفرج ..
لكن بالغربة ... افتحي التلفزيون تشوفوا دعايا فاضحة .. تطلع الشارع تلاقي اثنين يبوسو بعض
تقعد بالباص .. تلاقي اللي قدامك يعملوا اشياء تستحي تتفرج عليهم ... بالتالي هذه الاشياء اكيييد
تزيد من غرائزهم و تفتح عيونهم على اشياء ثانية .. و مستحيل تقول بمنعهم من التلفاز و من الطلعة
بالنهاية هم اطفال و لهم الحق في الترفيه .. و اذا منعهتم الحين بعد سنتين 3 .. بيتعلموا من اصحابهم
و يكفي انهم هنا يوزعوا موانع الحمل على المدارس .. و تلاقي صديقات بناتك حوامل من عمر ال 14 و ال 15
و لا مصاحبة و اكيد تقعد تحكي لهم عن مغامراتها معاه .. يعني بالله ما بتتاثر البنت المسلمة؟؟؟
بالدول العربية .. و لاسلامية .. ممكن تعود ابنك او بنتك على لبس معين و لنقول العباية مثلا ..
و تظرا لانها منتشرة فا بتشوف البنت نفسها منبوذة مثلا .. بينما في الغربة ... تتاثر بزميلاتها
و تحب تلبس على الموضة .. و الله يعين الام و الاب على المشاكل
في البلاد الاسلامية اذا غلط تعاقبه ....بيتا ... الضرب مو دايما غلط و يكفي انه الرسول الكريم صلوات الله و سلامه عليه اعطاه كاوسيلة تربية.. اكييد ما راح نضرب الطفل عالطالع و النازل .. بس في اغلاط تستاهل الضرب و العقاب
و من امن العقاب اساء الادب .. علاقة الاهل مع ابناءهم لازم تكون مزيج من حب و احترام و خوف كمان ..
بالبلاد الاسسلامية اذا جت بنتك يوم و عاملة عملة منيلة بنيلة 
مثلا طلعت مع شاب .. بتنصحها اول مرة و ثاني مرة و ثالث مرة ..ز بتحبسها . اخر شي ممكن تلجأ للضرب ... حتى لو مالجأت .. اتخيل انها في دولة غربية و قلت لها ممنوع تصادقي شباب ... و شديت عليها ... ايش راح يصير ؟؟ كثثير من البنات اما يهربوا مع اصدقاءهم
او يطلبوا الشرطة .. لا تروحو بعيد ابن جارتي عمره 7 سنوات مادري ايش سوى .. المهم ابوه ضربه
ضرب عادي على مؤخرته .. تعرفي ايش قال الولد .. لفت لعند ابوه و قال له والله لو تضربني مرة ثانية بكلم
ال child services معاي رقمهم؟؟؟؟؟؟؟ ابوه انصصدم ؟؟ يعني حتى التربية العادية صارت صعبة
بلادنا الاسلامية فيها فسااد صح ... بس فساد على الاقل مبطن .. بمعنى ماحد يجاهر بمعصيته
ماحد يجاهر بالزنا مثلا او بالعلاقات الشادة
بالتالي يكبر الطفل وهو عنده فطرة سليمة .. يعرف يميز و ايضا تفسيا يشمئز من هذه العلاقات ..
لكن هنا .. من كثر من صاروا الاطفال يشوفوا المثليين بكل مكان و المجتمع يعاملهم عادي و لهم حقوق
وليل نهار كلام عنهم في التي في .. صار كثير منهم نظرتهم لهم عادية ..
مثال .. سالت بعض صحبات خواتي ايش رايكم بالمثلييين؟؟؟؟ تعرفي ايش ردوا .. بعضهم طبعا استنكروهم
و البعض الاخر .. قالوا عادي حرية شخصية .. مو ذنبهم ربي خلقهم كدا ؟؟
و للاسف بدا تاثير الاعلام يظهر من هذه الناحية على عقول الكثير من الاطفال و المراهقين
لذا طبعا افضل العيش في بلاد اسلامية .. لكن طبعا كل واحد ظروفه تحكمه ولو كان الواحد عايش مرتاح
ببلده ما كان اتغرب .. و هنا ما اقصد الراحة المادية .. فالستر يكفينا ... لكن من ناحية الامن ..
من ناحية الصحة و العلاج و التعليم و باقي اساسيات الحياة ... فالغربة برضو لها ايجابيات
على الاطفال . تقوي من ثقتهم بانفسهم ... تعلمهم تحمل المسؤلية .. في مواضع كثيرة تقوي علاقة الابن بابويه
فالام مالها الا بيتها و اولادها و بالتالي تبذل كل شي لاجلهم .. علاقة الزوجين تكون اقوى لانه مالهم الا بعض
حقوق المرأة محفوظة و هذه نقطة مهمة جدا .. ماهي مضطرة تتحمل قسوة الزوج و ظلمه و تعجرفه فقط لانه ماعندها
مصدر مادي ... بالعكس .. اذا انهانت منه تطلقت و عاشت مرتاحة مع اطفالها ....
اخيرا .. ما نقدر نعمم و نقول الغربة كلها مفاسد .. او انه الي بيعيش بدولة اسلامية اطفاله بيطلعوا ملتزمين و خلوقين
فابعتقادي البيئة تؤثر بنسبة 50 بالمية على الطفل .. و تربيته 50 بالمية .... طريقة تربية الاهل سواء في الدولة الاسلامية او في الغربة تلعب دور مهم ...
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله
07-01-2011, 02:35 PM
ضوابط المشاركة
العرض الشجري