أنا زوجي يدري عني إني مشتركه بالمنتدى ويعرف إسم معرفي وشئ عادي بس زوجي موحق منتديات وحتى مايعرف للجهاز من وين يشغلونه بس أحسه لوجيت أقوله سوالف وقصص من المنتدى أحسه ينسجم ويناقش فيها ومستمع زين وحتى عن سالفة أختنا دلوعة مودي الله يرفع عنهاوعن زوجها يارب قلت له عنها وأحسه متأثر فيها واجد وكل ماجلسنا مع بعض عليم الله إنه يسألني دائما عنها يقول وش آخر أخبار صديقتكم إللي بالمنتدى وآخر تحاليلهم طلعت ولا باقي والله إني متأثر من سالفتهم واجد وإني والله أتذكرهاهي وزوجها وأنا بالمسجد الله يعلم إني أدعي لهم إن ربي يحفظهم ويعافيهم لعيالهم وأجلس أفكر في عيالهم وحالتهم الحزينه أسأل الله أن يفرج همهم .
وأحسن شئ إن كل واحد يكون كتاب مفتوح للآخر وليش لوعندي مشكله ما أطرحها له هو أول شئ ونحاول نحلها ولو ماقدرنا عليها نحولها للمنتدى وأخليه شريكي في سماع الحلول ونطبق منها مايكون أفضل لنا ولحياتنا بس الحمدالله لحد الآن ماكتبت أي موضوع غير واحد بقسم السيارات والثاني بقسم التقنيه وإذا قدر الله وأحتجتكم بموضوع خاص إخواني وأخواتي في هاذا المنتدى فيهم الخير والبركه ماراح يقصروا حفظهم الله من كل سؤ .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله