<< مس بلوو وليس مستر بلوو يعني إمرأة = حٌرمه = أٌنثى يعني أختي وليس أخي

.. عموما .. توقعتك تكتب رد كله قنابل نوويه وصواريخ سكود << صواريخ سكود هذه عرفتها وقت حرب الخليج

عاد ما اعرف شنو هي , بس أسمعها كنت صغيره ما دري شنو صاير

.. المهم

.. أولا في دورات ( تطوير الذات ) .. وأنت تحتاج مثل هذه الدورات .. علشان تعرف شلون تتحكم بعصبيتك ..

وتعرف شلون تتكلم مع الطرف الآخر , وشلون توصل له وجهه نظرك .. وووو

.. ثانيا .. إذا خطيبتك فعلا هي الا تتصل لك من الرقم الغريب .. فتأكد انها _ مشتاقه لك _

.. وتحبك وتموت فيك بعد .. بس ما تقدر تتخطى قانون ( والدتك الله يخليها لكم ) ..

.. حرام عليك البنت ولهانه عليك , ومو عارفه شلون تتواصل معاك ..

تعوذ من ابليس , وروح زورها في البيت وقدم لها ( الهديه الا انت سبق واشتريتها لها ) ..

.. وتفاهم معاها بكل الا انت تبيه منها , وأسمعها زين , وأفهم شنو هي تبي منك ..

عطها مساحه تقول الا في قلبها .. وتفاهمو .. وأياني وياك تتكلم بصوت مرتفع ..

.. او تعصب .. او تخربط بكلامك .. حط في بالك انك قاعد تتكلم مع ( أٌنثى ) ..

.. ونصيحة : لا تدخل أحد بينكم , لا أختك ولا الوالدة ولا اخوك ولا غيرهم ..

تبي نصيحه تبي شيء تعال المنتدى .. وأسئل والاخوة والاخوات ما ارح يقصرون معاك ..

.. يلااا ما نبي نشوفك الا ومعك خبر حلوو ..

يلااا قوم زور خطيبتك .. وتفاهم معاها .. وحط حدود لمكالماك معاها .. خليها مرتين بالاسبوع

من غير ما تحدد اي يوم .. وزورها كل فتره وفتره .. ومافي مانع انك ترسل لها دبدوب ومعه كلام حلوو

وتكون جالسه مع اهلها ,, ويجيها الدبدوب هديه مٌفاجئه ..

.. فتره الملكه حلووة .. ليش تقضونها بهواش وزعل ..

.. تمنياتي لك بالتوفيق ..

__________________

الله يسعدك ويفرح قلبك بحبابك ويبعد الهم والكدر عنك ويجزيك الف خير يا اختي الكريمه

كلامك ســليم وطيب ويشرح الصدر ... صدقتي يمكن متقيده بكلام امي


انا أن شاء لله بدق ع امها اليوم وبسلم على امها وبطمن عليها بطريقه غير مباشره من امها

لان امها اكيد بتقولها فلان اتصل علي اليوم وسلم علي يحليله هههه

طيب لاتقصرين معاي بقتراحاتك وفكارك الله يعطيج العافيه

الله يسعدك ويبارك بعمرك ويبعد عنك الهم والحزن وعسا عمرك افراح بفراح يا اختي

طال عمرج منكم نستفيد فن التعامل

وانا بحاول اني اكلم امها بس اروح صعبه لانهم اليوم طالعين اكيد مايجلسون بالبيت الجمعه والخميس والسبت مخيمات وتغير روتين بس بتصل وسلم ع امها وطمن عليها من امها وبشوف شنو يصير

اما الهديه بخليها بوقت رايق ممكن ارسل دبدوب ورده وذا في نخله برسل لها نخله وبدال الدبدوب (( بحط لها بصندق كبير حيه هيهيهيهي ورده ))

أن شاء الله يقدرني عليها

ومشكوره اختي الكريم .. وانا اسف لما اخطيت والسبب مثل ماقلت لج احيانا الواحد يصير فيه عما الوان لما يعصب السموحه

ومره ثانيه مشكووورين ع الكلام الطيب

الله يعين,,

اولا انصحك بالتقرب اكثر الى الله ملازمة الإستغفار وقيام الليل ولو بركعه واحده..تحري اوقات استجابة الدعاء..
بأن يبعد الله عنكم المشاكل وشياطين الجن والإنس

سبحان الله جميع المشاكل من رأس [ ابليس لعنة الله عليه ]

--
نجي للموضوع..
بالنسبه لموضوع خطيبتك
الواضح ماشاءالله تبارك الله انها تحبك وتحبها فعلا..
لكن المشكله هي [ التدقيق والإنفعال ]
مثال يوم قالت اتصل عليك بعد خمس دقايق..وماترجع تتصل الا بعد ساعه
سبحان الله صارت كلمة [ بعد خمس دقايق ] متداوله كثير كثير..اكلمك بعد 5 دقايق - امرك بعد 5 دقايق - 5 دقاق وانا جاي - 5 دقايق وطلعي - 5 دقايق وبنحط الأكل

مافي حديث يخلو من هالكلمة

هي فعلا كانت بتكلمك بعد 5 دقايق..لكن الله اعلم صار لها ظرف طارئ مثلا امها ارسلتها او اي ظرف كان..


حاول قد ماتقدر - قد ماتقدر انك ماتدقق على الاشياء الصغيره لأن فعلا [ النار من مستصغر الشرر ] بما انك ديمقراطي فعلا.
---


الآن اللي فات فات وعليك بالآتي:

1- في ايام الملكه يحبذ ان تكون العلاقه نوعا ما بها شيئ من الرسميه ولو بنسبة 10 % .

2- حل المشاكل بنفسك قدر المستطاع لأنها ستؤثر عليكم في المستقبل [ من خلال تجربة احد اقاربي ]
لاتحكي مشاكلك مع زوجتك لـ[الأب - الأم - الأخت]او تطلب الحل منهم
لأنه في المستقبل سيكون بينهم وبينها بعض الشحنات
حاول ان تجملها بعيونهم قدر المستطاع لأنك ستنتفع مستقبلا وسيحترمونها لما يرونه من قلة المشاكل

3 - الصبر وكظم الغيظ والتغاضي عن بعض التصرفات اللاشعوريه .


4 - عدم الإفراط في الدلال لأن ذلك يورث التسلط في قلب المخطوبه وحب التملك مستقبلا [من قصص واقعيه فعلا]


5- ان تكون لين حازم بنفس الوقت - مبتسم صارم بعض الشيئ.

6- المصارحه .. جميل ان تصارحها بإسلوب هادئ عن مايضايقك منها..واخبرها ان تصارحك مباشره عن مايضايقها منك.

7 - عند الحديث ابتعد عن الأساليب الآمره

8 - اشعرها انك ليس زوج فقط تأمر وتنهي وتنتظر..بل الأب الحنون والأخ العزيز والزوج الصالح والحبيب المحب.


9 - تمتع بالغموض ولو بشيئ قليل..يعني لاتجعل قلبك عنوان لـنفسك..ستراها تترقبك وتركز وتهتم كثيرا لأمرك


----

لا تنسى ان تصارحها بكل هدوء عن مايضايقك منها
اما موضوع طلب السياره فأنا لا الومك بغضبك وقهرك..لأن هذا ليس وقت طلب سياره ابد
اسكت عن هذا الموضوع وغلقه نهائيا وهي ستعرف ذلك [فاللبيب بالإشارة يفهم ]




(((___سلسلسة مملكة الحب___)))

فضيلة الشيخ :
(((( عبد الرحمن منصور ))))
حفظهُ الله ورعاه


________

... أتصلت على أمها وسئلت عنها ؟؟

..

هذه فرصتك تكون في التخييم ومع اهلها ..

روح هناك .. ومعاك الدبدوب ..

.. وعطيه الى اي احد ثقه .. يوصله لها ..

..

__________________

الله يعطيج العافيه ويسعدك في احبابك وحياتك ويرزقك بدنيا والاخرى

مشكووور على النصائح الطيبه

صدقتي صغار ذنوب تولد الاكبر والاستهتار

الحمدالله على كل حال اختي

لكن ما انت مكاني ماذا تفعلين ؟

اولا مشكور على تفاعلك معاي

ثانيا يا اختي انا اتصلت على امها وسلمت وتطمنت بس الظاهر الام تعرف كل شي

والدليل صوتها تكلمني من طرف خشمها

وسألتها بطريقه غير مباشره عمى احس انك تعبانه من صوتك

وضحكت رقعت تقول لا مافي شي بس البرد بالمخيم والخ..

وعمتي ما امون عليها صعب اقولها اجي ولالا هشي بيني وبين البنت بس

شوفاتنه والخ هذي تكون بيني وبينها مانعلم احد عشان ماننزف فاهمه علي

ومادري والله بكرا عيد ميلادي بشوف تدق تدز مسج شي ماشيات او تمشي على القاعده الترقيعيه حرام وماحرام ع العيد الميلاد وللعلم انا مودي لها هديه بعيد ميلادها ومبارك لها اكثر من مره

والله اعلم ؟
وجزاك الله الف خير

مساء الخيرات اخووي

شكله فاتتني وايد أشيا
المعذرة بس باجر عندي امتحان وكلش الوقت مو سايعني الله يستر

المهم إنت الحين كلمت أمها
وقلت إنها ما كلمتك عدل كلمتك من طرف خشمها
مو مشكلة يالطيب
مشيييييييييها
حاول بعد ما تتصلح المشكلة إن شاء الله تقوي علاقتك بعمتك أكثر
ترى لما تموون عليها وتمووون عليك بتفيدك جداااااااا

خطيبتك الحلوة تحبك بس تتثيقل
ويمكن تبي تحسسك بالخطا
وعلشان ما يتكرر
وكل محاولة إنت تحاولها لها
صدقني تترك عندها أثر
وتحسسها إنك فعلا شاريها وتحبها وتبيها
بس هي يمكن فعلا تبي تخليك تحس بهالشي
علشان تتفادى تتكراره

قبل لا انسى
كل عام وإنت بخير
باقي ساعة على عيد ميلادك
العمر كله إن شاءالله
وباجر تسمعنا الأخبار الحلوووة


صدقني مسألة ووووقت
وكل شي بيرجع مثل ما كان وأحسن

وبالنسبة للهدية انطر بعد جم يوووم
و اشتر لها أول شي بووكي ورد حلوو
حطه على سيارتها من الصبح
شوف النتيجة !
إن شاء الله تكون دفعة حلووة
تعووويض عن مافعلته بالساااابق



والهدية الثانية خلها بعد شووي
ليما نشوف ردة فعلها
و صدقني هي تحبك وااااااايد
ربي يحفظكم لبعض ويبعد عنكم كل سوء ويهديكم لبعض طووول العمر


ماقدر أهذر أكثر
بروح أكمل مذاكرة
دعواتك ودعوات جميع من يقرأ الموضووع
بالتووفيق باجر في إمتحاااااااااااااااني

لي عوووووودة بإذن الله


ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

يا ساتر أستر يا رب !!!
كل هالبلاوي قبل الزواج ؟؟
اجل اذا تزوجتم وش بيصير ؟؟ بتقوم حرب داحس والغبرا
استهدوا بالله وحلوا الأمور بكثييير من التفاهم ، بدل ما يجي الزواج ويكون له ترسبات سابقة من الخطوبه وما يمر عليكم إلا فترة بسيطه فقط وتقوم حرب جديده ـ حلو التفاهم من البداية ـ تفاهموا والله يكتب لكم الخير ، ولازم تقعد معها وتتفاهمون على كل شي لا تقلبون كل قعده مشكله ـ الله يهدي النفوس ويكتب لكم الخير ويوفقكم .

__________________

شصار عليك ؟