إيه والله صدقتي يا أحلاهم كلامك دورر وحكم فعلا الرجل تحطينه كل حياتك ينحاش لاكن تحطينه جزء منها يجري وراك بصراحه عجبتني هلكلمتين يا أحلاهم بارك الله فيك وأنا مجربه هالشي وعشرة عمر مع زوجي ألاحظ لما أهتم فيه بزياده أحسه ماعاد يفكر تجاهي مثل قبل بس مجرد ما أبتدي أتساهل في إهتمامي فيه يلاحظ ذلك
و يدور عليه و ينك ما أشوفك حريصه عليه مثل أول وش فيك تغيرتي زعلتك بشئ ضايقتك بشئ فيه شئ موعاجبك فيه أو في البيت العيال أزعجوك في حاجه ويجلس يحن ويقرقني آخر شئ أجيب عذر من راسي وأصرفه
حتى لوصار خلاف بيننا بسيط والحمدالله أنا وزوجي إختلافنا دائما في تربية عيالنا لأني أنا أحسه مو حازم في تربية عياله
وأنا أشد عليهم وأبوهم يرخي لهم وماعمره حاسب طفل على غلط وعذره دائما طفل باقي صغير ما يستوعب ووقت ما أزعل من طريقة تصرفه وأطنشه وأرو ح غرفه ثانيه يجي الغرفه إللي أنا فيها بحجة إنه يدور شئ طايح منه وأشوفه يقرب صوبي و يقول وينه وينه حصلته و يمسك راسي ويبوسه و يتعذر وبعدها أضطر إني أقبل عذره وأسامحه لأنه ماعمره طلع من البيت وخاطري زعلان عليه في شئ
وأحس إن مهما سويت له في حقه قليل بس هاذا في قلبي
من الداخل وأعطيه منه بتقسيط
أخاف أطلع له كل إهتمامي فيه ويطير الرجل عني لاكن أ سدد وأقارب أفضل حل لأن فعلا أحيانا التطنيش يجيب نتائج ويخلي زوجك يراكض وراك مثل النحله بس التطنيش ماينطبق على كل الرجال بعضهم ماتفرق معاه طنشت
قربت باعدت منه زوجته كله شئ واحد بالنسبه له أهم شئ عنده يشوفها جالسة عنده بالبيت بين عيالها وبس وأنا كنت في السابق أسوي لزوجي مساج ليليا ومهتمه فيه لآخر
د رجه في البدايه كان يشكرني ويمدح طريقة تدليكي له وبعدها صار ساكت لامدح ولاحتى شكرا وأنا ليليا أسخن زيت ويالله تدليك بإستمرار يديني تورمت وأنا أدلك وأتفنن بالحركات والله لوبغيتوا الجدار ينطق كان نطق ما أشيل يدي عنه إلا وشخيره واصلن الباب نايم لاوبعد يصحى الصباح يسألني البارح سويتي لي مساج
ولا نسيتي أقوله طيب أنا أوريك يعني يديني ورمت وأنا أدلك فيك وآخرشئ تقول لي نسيت طيب بسيطه هين وأختصرت المساج وصرت أسويه له في الأسبوع ثلاث مرات أو أربع بس إنما إيش مدح وثناء وكلام حلو
وإذا المساج وافق نهاية الأسبوع أيام الخميس والجمعه
أصحى ألاقي الغداء جاهز أو يصحيني هو يقول قومي الغداء جاهز وزوجي ماشاء الله عليه شيف في فنون الطبخ ويضبط القهوه والشاي ويرتب البيت طبعا بمساعدة السريه حقته
عياله مايقصرون معاه كل واحد يعطيه مهمه يقوم فيها
وذاك اليوم أجلس كأني ضيفه عندهم هو و عياله وأحيانا لما يكون فيه خلاف ويشتد بيننا النقاش وأشوفه يناقش بصوت فيه زعل أخليه وأقوم من عنده وبعد شوي أقسم بالله أشوفه جاي يعتذر و يتأسف ليه من نفسه وزوجي الحمدالله هاذا طبعه وأذكر قبل فتره من الوقت وحده من صديقاتي المقربات كنا مجتمعين مع حريم نعرفهم قالت لي يا أختي نفسي أعرف الخلطه السريه إللي مسويتها لزوجك
أنت وزوجك بينكم عيال وعشرة عمر طويله و مازلتم تعاملون بعضكم مثل العرسان
وأ كثر وماعمري سمعت هناك خلاف بينكم وش مسوية لزوجك أبغى السر فنحرجت من الحاضرين وقلت لها أول شئ قولي ماشاء الله تبارك الله ثاني شئ هاذا توفيق من ربنا عزوجل .
وعقبها بطلت من السهرات و التجمعات مع الحريم
إلا في الضرورة فقط .
أختي صاحبة المو ضوع
مشكوره علآ طرحك الرائع وجزاك الله الف خير . ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله