اشكر كل من تواصل و رد على موضوعي
فعلا الدنيا لسا بخير و لا تتخيلون كم انا سعيده جدا باهتمامكم بموضوعي و ردودكم
الله يجزاكم خير و يفرح قلوبكم و يسعدكم و يكتب لكم الاجر على كل حرف كتبتوه
حابه اوضح بعض الامور
للأخوان اللي قالوا لازم ما اربط بين البعثه و الخطبه
يا اخوان انا ما اخذ الامور من ظاهرها انا الموضوع فكرت فيه و تأكدت منه قبل اكتبه
الخاطب الي خطبني مو انسان صدفه شفته لا هو من اقاربي و يعرف ان موجوده و عايشه بالكره الارضيه أكل أشرب اتنفس و كان متوظف وظيفه مرموقه و كان يدور عروسه و خطب كم بنت و بوقتها كنت انا مو قد المقام ولا فكر حتى فيني للحظه و الدليل اخته كانت تكلم اختي تسألها عن رائيها في بعض البنات ولا حتى جابت سيرتي و هم يشوفوني و يعرفوني من زمان
وردي على الاخوه و الاخوات الي قالوا انتبه لتعليمك و معجب بطموحك البنات الي خطبهم قبل و فضلهم علي معهم شهادة متوسط فقط
ثانيا لما مرت سنين و فقد وظيفته لظروف ما جلس عاطل يبحث عن وظيفه لسنين ولكن للاسف ما وجد
وعلى فكره لما جاء يخطب كان يقول ندرس سوا و يركز على هالموضوع
وبالنسبه للاخت رومنسية الوحده كلامك صحيح و انا ما قلت يحبني قبل الزواج عارفه الحب الحقيقي بعد الزواج أنا قلت يختارني لذاتي لذاتي يختارني و فيه فرق بين يحبني و بين يختارني
بالنسبه للجمال يا اختي في الله انا مو شينه ولا قبيحه انا مقبوله جدا و فيني صفات حلوه ولكني بين بنات اقربائي اعتبر غير جميله لان نسبة الجمال عندنا مرتفعه و يهتمون بالجمال
بالنسبه للاخوات الي قالوا انشري خبر انك الغيتي البعثه .هو عاطل وين بيصرف علي و يفتح بيت. هو ناوي على دراسه هناك و استلام راتب مبتعث نعيش منه فاهميني يعني بدون بعثه ما راح حتى يفكر يطق الباب
أنا مجروحه مجروحه من داخل تعبااااانه لما جاتني البعثه قلت خلاص ليش ما اركز انتباهي بشئ ينفعني و العواطف الله بيرزقني بكرمه بوقت هو مقدره ولما بدأت انشغل فيها و ارتب اموري و احاول اطرد كل فكره عاطفيه عن بالي جاء هو و موضوع الخطبه بشكل أنا ابدا ما اتمنيته ياليت البعثه ما جات ولا سجلت فيها من اصله ياليت
انتوا مو حاسين بشعوري من داخل انا لو اختارني لشخصيتي لسمعتي الطيبه لانه معجب فيني كان البعثه و ابو البعثه و كلي أنا فدوه له بس الموضوع ابدا مو كذا
انا لو اتبع مصلحتي كان قلت اتزوجه علشان اضمن البعثه و اضمن شخص استفيد منه يخلص اموري هناك لان البعثه الى الان ما اضمن اكملها او نرجع قبل اكمالها لان ما فيه شخص متفرغ تماما لي
المشكله محد فاهمني او انا غريبه و تفكيري غريب ما ادري والله
الي اعرفه اني تعبت يا ربي تعبت
سبحان الله الانسان الي يتمنى الحب الحقيقي و الوفاء ويكره الماديات ما القى بحياته الا الماديات
الله المستعان
ادعو لي ارجوكم
يا حي يا قيوم برحمتك استغيث برحمتك استغيث برحمتك استغيث اصلح لي شأني كله ولا تكلني الى نفسي طرفة عين ولا أقل من ذلك
06-02-2011, 06:40 PM
ضوابط المشاركة
العرض الشجري