07-02-2011, 07:24 PM
|
المشاركة الأصلية كتبت بواسطة Beta2
تذكريني بأختي ...ما ينفع معها الا تكون القصة كاملة التفاصيل  شوفي يا ستي ... قبل فجر اليوم بحوالي ربع ساعة جت بنتي عندنا البيت لانه متفقين أنها تمر تاخذني معها لما يحين الوقت ...انتظرنا اذان الفجر وصلينا وانطلقنا <<< حلوه انطلقنا وصلنا المستشفى .. بعد أقل من نص ساعة من دخولنا المستشفى طلبنا أبرة التخدير اللي يعطونها بالظهر لكن الطبيبة فاجأتنا انه الوقت فات وانه البنت على وشك ولادة .. بعد شوي طلبوا انه زوجها يعمل ادخال ومعاملات وظلت بنتي وحدها . أعطتها الممرضة مسكن والظاهر انه أثر على قدرتها على التركيز وصارت كل شوي تحاول تنزل عن السرير . وبعد شوي قررت الطبيبة نقلها لغرفة الولادة وهناك ممنوع مرافقين نهائيا ...وقفنا أنا وزوجها على الباب ننتظر . وشعرت بزوجها محروق من ألمه على زوجته .. لاحظتنا عاملة نظافة وصارت كل شوي تدخل عندهم الى أن تمت الولادة وطلعت بسرعة تبشرنا ارتحنا طبعا أعطيتها المقسوم . قلت لنسيبي مبروك وهنا لاحظت الدمعة تنزل من عينه ... ربي يبارك له بولده ويسعده يا رب .بعد نص ساعة طمنتنا الطبيبة عن حالهم وبعدها بكمان ساعة طلعنا غرفتها وطمنونا انه طبيب الاطفال فحص الولد وانه كل شيء مطمئن الحمد لله .هنا شعرت بالدوخة وتعب النهار كله ... رجعت البيت وكتبت لكم ونمت ... قمت سويت الغدا وسمعت زوجي يقول انه ناوي يزور بنتنا ... رحت معاه ... طلب مني أسبقه على غرفتها وقعدت معاها فترة وبعد تأخير حضر زوجي وما جلس معنا دقيقة .. بدون مبالغة ما كمل الدقيقة ... سألتني بنتي عن ابوها ... خافت يكون تعبان ... وحسيتها تضايقت لانه ما جلس .. ما أدري عن شعور زوجي ... يمكن يفكر انه الحفيد ابن الابن غير عن ابن البنت .. الشعور الوحيد اللي متأكده منه انه مرتاح انها بخير وانه الولد طبيعي لكن ماني قادرة أشوف مشاعر ثانية . وبس |
يلى!
أخوكم
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري