*أولا شكر الله لك جهدك وسعيك لإصلاح بيتك ونولك ثمرة هذا الجهد في الديا والآخرة
*بالنسبة لربطك بين العمر والروح المرحة طبعا خاطيء ولعلك أدركت ذلك
وهذا شيء مشاهد ماله أي علاقة بالسن
ولكن اللي متأكدة منه وملاحظ أن هالشيء يكتسب
بمعنى زوجتك محتاجة وسط فرفوش وأعتقد جو أهلها مايساعد خصوصا في ظل وفاة أختها الله يرحمها وأكيد هالشيء برضو مأثر عليها لأنها شافت أختها اللي شاطرتها الحياة والأحلام انتهت فجأة فهي صار كل شيء عندها ماله قيمه وممكن ينتهي فجأه
فغير الجو كمان محتاجة تفهم أن الحياة رحلة صحيح غير معلومة النهاية بس مايمنع نقضيها بأنس وهل النكد وضيقة الصدر بتطول الأعمار ولما الوحد يروح مطعم يختار أي كلام بح جة أنه بيطلع منه
عطها الكلمات الايجابية اللي تشجعها تطلع من هالجو مثل الحياة لوحة تستحق أفضل الألوان مثل من نعمة الدين أنه حتى اللعب بين الزوجين عليه أجر وغيرها
*في معلومة بسيطة أحب أعطيك إياها عن المرأة
أنها لما تعشق من زوجها تتغير نبرة صوتها وهذا طبعا كلام علمي
لكن اللي أشوفه وأحسه من اللي حولي أنه مو بس نبرة الصوت كل التصرفات تبان
سبحان الله لما نجتمع مع قريباتي أعرف اللي زوجها يبين حبه لها واللي لا
تكون دلوعة-مع أنها ماكانت كذا-وواثقة من نفسها ونصف سوالفها يدخل اسمه
على عكس الثانية تكون جادة ومالها نفس وبس تفكر-وهذا بس طرأ عليها بعد الزواج-
طبعا كلامي هذا بسنوات الزواج الأولى
فإظهارك محبتك لها مع الوقت تجبرها تتغير
تعرف سالفة الريح هذي أتوقع أنها دمرتها ومتأكدة أنها كارهة نفسها وتحس أنها محرجة جدا منك وأن هالسالفة سببت لها خوف من العلاقة
لأنه مثل ما أنت عارف مستحيل هالشيء صار بإرادتها أكيد تعاني من القولون والغازات تعذب والله عندنا موظفة المسكينة أحيانا بيننا يصير هالشي لحد ماتعالجت وصارت تاخذ علاج يريح أمعاءها
فكر فيها شوي لو صار العكس كيف بتحس مع العلم أن المرأة أكثر حساسية ناحية هالموضوع
أقترح عليك تجيب يانسون للبيت وتطلب منها تسويه لكم هو حلو طعمه ومفيد للقولون
ولاتنسى ترجع لها الثقة بنفسها هي محتاجة أحد يفجر أنوثتها ولكل أنثى مفتاح وأعتقد زوجتك محتاجة قربك منها وثقتها بحبك اللي واضح لنا من سطورك والآمان لأنها لو عندها هالشيء ماقالت لك ليه ما أخذت غيري هي تحب تسمع منك مافيه أحد مثلك
وبالنسبة لمسألة العمر أنا أتوقع كل وحدة أيا كان عمرها بداخلها طفلة لاتتوقع جديتها ويأسها نابع من داخلها متأكدة أنها تبكي محتاجة قبول ومحتاجة حب حقيقي ومحتاجة حنان وأمان
ليش تشوف الثلاثين نهاية العالم
الذرية كم بخاطرك تجيب لو كل ثلاث سنوات طفل بتملى عليك البيت وهي متفرغة لك
أنت علقت كل المصايب على العمر مع أنه ولاشيء له دخل اللهم الانجاب مع أني أشفها لسى الله ير زقكم يارب
قر ر من الآن خطواتك الآتية بعد ماتتخلص تماما من شماعة العمر
دور لها صحبة حلوة
أطلع انت وياها ولو رفضت لبسها العباية وقلها مشتاق أطلع مع زوجتي خلك شوي جاد بالبداية لاتستهبل لحد ماتطلعها من جوها
لعاد تسألها تبين شيء جرب أدخل بيدك شيء وخلها تحدي أنها تعرفه ولما تطلعه قل فلان قالت له زوجته مشتهية كذا قلت أكيد فلانة تشتهيه وش ينقصها<<حرك غيرتها
النظافة الشخصية مالها حل ألا التثقيف وبرضو حس سها بالفرق لما تلمس منها تقدم علشان تتحفز

صدقني زوجتك محتاجة منك أمان وحنان وحب وتقبل ظاهر
ولو جلست معها جلسة مصارحة أنك محتاح أنها تكون أكثر مرونة ومحتاج أنها تهتم بنفسها مثل أول الزواج-علشان ماتحس انك تطلب منها مستحيل بل شيء هي سبق ونفذته-وبعدها قرب منها أكثر راح تحب هالتغير وبإذن الله بتكونرأفضل

بالنسبة للي تهجم على الأخ انه هو السبب
هو بالعكس حاول وأجتهد وسلك أكثر من طريقة بس أكثرها طرق عملية حسيها كما يعامل الرجل الآخر
وأجتهاده يشكر عليه
لكن المرأة تشوف هالطرق بصورة مغايرة
مثلا سالفة العلاج بتشوف أنه علشان يجيه ذرية مو لسواد عيونها-تفكير نسائي- مع أنه لو مايحبها ماحاول تكون له ذرية منها وتركها تحوس بعمرها مثل بعض الأزواج وهد دها بالزواج
أيضا نقطة إهداء مجموعات الاستحمام بتشوفه أنه كارهها ومنغسل دماغه منها وآخذ عنها فكرة أنها وسخة بينما هة كرجل هذا يعتبر حل وهو سبب لها إحباط