و الله يا اختي مرت علينا ايام اصعب بكتيير من الي انتي عايشة في و يا رب ما توصلي لهيك مراحل
و الله يا اختي كنا في بيت اجار و ما معنا ندفع و سجن والدي تقريبا خمس شهور و والدتي كانت معلمة قبل الزواج لكن بعده استقالت و طبعا كلنا فتافيت سكر يعني كنا كتيير صغار و اعمارنا متقاربة و عددنا كبير و لا احد سأل عنا و المشكلة الاكبر انا كنا قبلها في عز يعني الفقر علينا مستجد مش متمرسين فيه و مش اي شي بيعجبنا بس شوفي ربك كريم لانو عندي ام لو وجدت في كوكب مخروب لوحدها لكانت عمرته , المرأه اساس كل شي و اذا وضعت شيئ برأسها لازم تحققو
امي باعت ذهبها و اشترت ارض و اخذت قرض على الارض و عمرت و اجرت البيت و اصبحنا ندفع منو اجار بيتنا و نسد القرض و بعد السداد سكنا في بيتنا و عمرت دكان صغير و جابت بضاعة بالدين و اصبحت تسد من بيعها
و الله هاي الدكان صرفت على اربعة بالجامعات و على بيت كبير و اسرة كبيرة لانو الله بارك فيها و احنا كبرنا مع بعض و اشتغلنا و الحمد لله الان نعوض امي و نذكر تلك الايام بفخر
حاولي تفكري و اكيد ربنا رح يهديكي لحل و اهم شيئ تكوني صبورة و واثقة بالله