بنت الحكمي جزاك الله خير على الرد
قرأت مشاركتك فيها اللي صح وفيها اللي خطأ واللي نسيت اذكره وهو اهم شي ان زوجي محافظ ع الصلاه وكثير اوقات مايفوته الفجر في المسجد.. والحرام لااعتقد والحمد لله انه يقربه .. ولكن خيانته كانت مكالمات ومقابلات واللي عرفته بعدين انه مجاراه لاصدقاء السوء وخبال بس
كل اللي قلتيه سويته ياغاليه من اهتمام وتغيير (عاد انا احب التغيير وكل فتره بلوك جديد ومهتمه بجسمي كثير )وحب ووناسه في البيت واهم شي اني ثقفت نفسي كثيييييير في العلاقه وبالعكس من الناحيه هذي صرت كويسه كثير معاه وحذقت الخجل من عندي واحيان انا اطلبه بطريقه هو يفهمها
يعني اقولك باختصار صرنا كويسين في حياتنا ولا في الحمد لله مشاكل ولكن للاسف مازال على طبعه
مدري احيان نكون مرررره قريبين من بعض واحيان احس ان يجمعنا بس بيت واحد والارواح بعيده
احيان يجيب لي الاشياء اللي احبها ويجيب لي ورد ويعاملني بحب واحيان احسه انسان غيييييييير
والاكيد ان بيننا فجوه من المشاكل السابقه..
فيه مشكله يعاني منها هو في العلاقه يمكن يعاني منها كثير من المتزوجين وهي اللي يمكن مخليتنا ماحنا منسجمين..
مااخبي عليك ان اللي فيني ماكان برود لان كأي انثى كنت ولا زلت لدي الرغبه بل ربما سني الان في بداية الثلاثين اصبحت اكثر رغبة بزوجي ولكن احترت .. احيان اقول ان مشكلتنا من الحسد لان بداية زواجي كان هناك مشاكل من اخوه وزوجته الله يسامحهم بس لما كانو يعرفون عن علاقتنا ( فترة الملكه كان يرسل لي رسائل حب بالبريد العادي لان قبل كذا ماكان النت منتشر ولا الجوال ) ولكن ارجع واقول ان السبب فعلا عدم انسجامنا من البدايه
اشياء كثير مرت في سنين وتفاصيل لايمكن اختصارها ولكن من لديه سؤال انا حاضره

أنت ماشاء الله عليك تداركتي اخطائك وحاولتي تصلحين نفسك , بااقي تحااولين تصلحين زوجك لاتيأسين إلجأي إلى الله هو القادر يغير حااله .
الله يثبتك على ماأنت عليه , أنا أعرف وحدة تقول لمايأست من زوجها تقول خلاص يلعب بيديه ورجليه , ربه اللي يحاسبه لكن يعاملنا معااملة زينة يعاملنا كبشر, هي وصلت لنفس ماوصلتي له الآن من البرود لكن زوجك أفضل من زوجها من حيث المعااملة والحناان هو قااسي وشكاك وظالم, والفرق بينك وبينها أنها كاانت تهتم به يعني مااقصرت أبدا , لكن ضعف الإيماان والخياانة في دم بعض المخلوقين .
الله يصلح حاله وأكثري من الدعاء وذكريه بالله , الرجاال مايحبون أسلوب النصح المباشر , شوفي الأسلوب الي يأثر فيه وأتبعيه , الله يعينك على ماأنت فيه ويستر عليك وعلى بنااتك .

__________________

الله يجزاك خير
هذا هو نهجي الان الصبر الجميل وأمل من الله وهو املي ان يكتبني من الصابرين لاني احيان اشعر ان هذا ابتلاء من الله
ايضا الدعاء دائما لي وله بالابتعاد عن الحرام والله اني كل يوم استودعه الله واستودع نفسي من كل حرام
والله ان الشيطان يزين لي اشياء لكني والله لن افعل فما عند الله خير

جزاك الله خير
انا بعد ياغاليه احبه واهتم فيه .. انا لم اصل للبرود والله انني اتألم من خيانته .. احساس مؤلم ان تحبي اي شخص وتهبيه قلبك وخاصة زوجك ثم تفاجأي انه وهب قلبه ومشاعره لشخص اخر .. اصعب شي في الحياه ان تصطنعي الضحك وداخلك يتألم .. ان تبكين في فراشك ولا احد يشعر بك وفي الصباح تبدأي يومك بالابتسامه المصطنعه .. انا هنا قررت ان اعيش واضحك واسعد نفسي واولادي فالحياه مازالت حلوه وخاصة بالقرب من الله ..

حياك الله أختي العزيزه والعذر والسموحه على كلامي الخاطئ في حق زوجك وأنا فهمت معنى خيانة زوجك بشكل خاطئ لأنه ما وضح لي لأي مدى وصل في هاذي الطريق فتوقعت إن زوجك أرتكب شئ كبير في خيانته بالذات لما قلتي حصل لك مثل ماحصل مع دلوعة مودي وأ كثر
فتوقعت إن خيانة زوجك كبيره وأنتي ماوضحتي طريقة خيانته لك وأنا أعتبر الخيانة معناها إرتكاب الزنا والعياذ بالله أما المكالمات فتعتبر معاكسات فأنا لا أسميها خيانة طبعا هاذا في مفهومي أنا شخصيا ما أدري عن آراء الآخرين في معنى الخيانة لديهم ولاكن الحمدالله إن زوجك إنسان يصلي ويخاف ربه ويتقيه ولم يصل الأمر إلى الأسوأ وهاذا من فضل الله عز وجل عليك وبسبب صبرك وحنكتك ومحاولتك لإصلاح الأمور بينكم وأنت الآن على الطريق الصحيح فإستمري على هاذا النهج والأسلوب وعليك بالصبر والمجاهده والدعاء لزوجك بالصلاح والهداية وبالنسبه لمكالماته لنساء يا أختي هاذا إبتلاء ومحنة وعليك بالصبر على زوجك ومدام إن رفاقه سيئين وأصحاب مكالمات فلا تتوقعين إن زوجك بيترك المكالمات هاذي إلا أن يريد الله هدايته هناك بعض الرفقاء السيئين عندهم مفاخره بهاذي العلاقات فيما بينهم فكل واحد منهم يتفاخر بعدد الصديقات إللي يكلمونه وعدد الحبيبات الاتي أوقعهن في غرامه و من هاذي الناحية ما عندك غير إنك تدعين الله عز وجل أن يصرفه عن هاؤلائي الرفقة السيئة وأن يبعد شرهم ومكرهم عن زوجك وأن يهدي زوجك لطريق الحق والصواب وعليك مناصحة زوجك من الناحية الدينية بطرق غير مباشره إذا كان من محبي القراءة أحضري له مطويات وكتيبات مختصره عن المعاكسات وآثارها وعقابها وضعيها في متناول يده في أي مكان يحب الجلوس فيه وإذا كان يحب الإستماع للأشرطه المحاضرات جيبي له أشرطه وهناك أشرطه حلوه تتكلم عن المعاكسات لمشائخ ودعاة خيرين نحسبهم كذلك والله حسيبهم لعلا وعسى أن تقع كلمة من أفواه هاؤلاي المشائخ والدعاة في مسامعه وتكون سببا في هدايته و صلاحه وتوبته و عليك الإستمرار
في إلشئ إللي تسوينه وبإذن الله تعالى ستتحسن حياتك مع زوجك وسيعود إلى رشده يوما ما مدام إن عنده زوجه مثلك تسوى ثقلها ذهب إنسانه صبوره ومحتسبه ومكافحه وعندك أمل وعزم وإصرار على إصلاح زوجك أنتي الآن مسكتي طرف الخيط فلا تدعيه يفلت منك خليك معاه صريحه بكل شئ وأي مشكله تحدث تناقشي فيها معاه بهدوء وروية وإتزان بعيدا عن العواطف وبعيدا عن تدخلات الغيروحلوها في وقتها وإنسوها بعد حلها للأبد بالنسبه لتدخلات أخوه أتوقع إن أخوه هاذا أ كبر منة بالعمر وشكل زوجك إذا ماخاب ظني كان عن حدوث أي مشكله بينكم يروح يشكي له ويدور عنده الحل وأخوه يملي عليه الحلول بدون مراعاة لحياتكم أوالإنصاف في تقديم الحلول وزوجك ياخذ بكلام أخوه ويعتبره الصح عنده بحكم إنه أ كبر منه ويحب مصلحته وحلوله ناجحه فزوجك غلطان إذا كان هو ينقل المشكلة الحاصلة بينكم لأخوه والمشاكل الزوجية يجب أن لاتغادر بيت الزوجيه وأن لاتطلع منه إلا لضرورة القصوى
لاسمح الله أنتم دمر حياتكم في السابق عدم تقبلك لزوجك وتدخلات أخيه بينكم وهاذا الشئ سبب لكم ترسبات في علاقتكم الزوجية وكل ما أحد فيكم ذكر الماضي أحس بمرارته تجاه الآخر والحين الشئ إللي لازمكم تسونه هو إنك تفتحي صفحه جديده في حياتك وتنسين الماضي أنت وزوجك وصدقيني يا أختي إنه إذا كان عندك نية وعزيمه وإصرار في تغير مجرى حياتكم
للأفضل والأحسن فبإذن الله ستنجحين في حياتك وتحضين بالفوز بالمعركة هاذي أهم شئ إن زوجك يفهمك ويستمع لك زين كل ماعليك أستمري على ما أنتي عليه وربنا يعينك ويسهل عليك إن شاءالله ربنا يهدي زوجك وأن يبعده عن الفتن ماظهر منها وما بطن وأن يرية الحق حقا ويرزقة إتباعه
وأن يريه الباطل باطلا ويرزقه إجتنابه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ونسيت أن أقول لك إن المشكله إللي يعاني منها زوجك في العلاقه الخاصه أفضل شئ إنه يروح لدكتور مختص ويشرح له حالته وبإذن الله يعطيه العلاج الملائم لحالته وأنت أهتمي بأكله زين وكثري له الوجبات
الغنية بالحديد والفيتامينات والبروتينات وأهم شئ الخضروات والفواكه الغنية بالجديد والفسفوريك ويحاول يفحص نفسه من مرض السكر والضغط لأن هاذي المرضين بالذات عدوة العلاقه الخاصه إذا ماعولجت بالشكل الصحيح
وهناك الضغط النفسي والعصبي لها دور كبير جدا في الضعف والبرود عند الرجل والإجهاد والتعب والسهر تاخذ من جهد وقوة الرجل فكل هاذي الأشياء لها دور في المشاكل في العلاقه الخاصه
فيجب أخذها بعين الإعتبار. وأسعدك الله ويسر أمورك كلها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بوجود الاطفال...محد يقدر يقول ابعدي واطلبي الطلاق.على الرغم من خطورة الموضوع وفعلا يستدعي الانفصال اخخخخ بس من القهر..غلطك استمريتي في الانجاب وانتي عارفه طبعه

لكن ابقي على ماانتي عليع من اجل اطفالك اذا كانوا متعلقين في ابوهم..ولو تقدرين ماتخلينه يقرب منك ابد افضل لك.ووضحيله الاسباب و.الخوف من نقل الامراض.

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

زوجك أعتقد مدمن لهرمون العشق
فلما يكون أفرازه من جهتك تكونون تمام ولما ينزل يدور علاقة جديدة ترفعة وأتوقع أن مايدوم بالعلاقات كثير
فترة ويغير وعلى هالحال
إذا كان كذا استشري طبيب نفسي لأن أعتقد له علاج مثل الأدمان

وأقول للأعضاء لاتعلقوا الخيانة بشماعة التقصير
يعني الزوج عمره ماقصر وليه هي مابدلته بالخيانة
والله تعالى شرع مخرج للي زوجته ماتعفه
بس الخيانة ذنب سببها عدم الخوف من الله وبس
فيه ناس ذابحة عمرها وزوجها يخون
وفيه ناس العكس مقصرة بس فيه خوف من الله

انتي تحبينه بعقلك مو بقلبك
والدليل انك مبسطة الامور وفكرتي بمصلحتة اطفالك وعايشة الدنيا بطولها وعرضها على قولك
وهذا حب علاقني
اما الحب القلبي فهو جنون فو الله لو تحبينه بحرقة لما قدرتي ان تسامحيه او تغفري له خيانته ومن اول مرة
تساهل طبعك معه هو فعلا من عطاه الضوء الاخصر للاستمرار بالخيانة وجعله يتمادى اكثر
ومع هذا فانتي امراة ذكية
اقل مايمكنك فعله الان هو اذا فعلا تشكين انه له علاقات بالحرام امتنعي عن الفراش لاجل سلامة نفسك
واذا متاكدة انه فعلا اذا تزوج عليك عادي ويمكن هذا مايشكل على حياتك خطر اقنعيه بالزواج من ثانية
زوجك لو يعرف مامعنى انه ينتهك حرمات الله لما فعل مايفعله الان
لكن زوجك يحتاج من يذكره ويخوفه بالله وبشكل دائم ..قولي له انت تنتهك اعراض الناس الا تخاف على اطفالك؟
والله انه عايش بغفلة ومسكين وظالم لنفسك ثم لزوجته واولاده
اتمنى لو مسكتي عليه هالمرة خيانة قوية تكون لك ردة فعل وقوية بعد لانه سكوتك كذا وتسامحك مو معقول!
اتركي له البيت واحرميه من لذة الاستقرار معك ولو لفترة خليه يحس ببعد عياله عنه عشان يصحى من الي هو فيه
تحركي...

__________________

شكرا لكم جميعا ولي عودة للردود
وللتوضيح اقصد من خيانته هي المكالمات واتمنى من اخواني الاعضاء المشاركه بأرائهم