لاتكبريها من عندك وتلومي حالك كتير..
كل هالامور كان لازم يعرفها، ولو انها كانت بوقت انت كنت معصبة فيه لكن بهالرسالة انت قلت كل يلي مدايقك منه
وبهيك بتكوني انت نفسك ارتحت نفسيا (فضفضت يلي بقلبك) وبنفس الوقت هو كمان عرف شو يلي بقلبك
وانك اذا طلبت الطلاق فبسببه هو وبسبب شغلات مضايقتك منه.. وانت بالرساله اكدتي انك بتحبيه..
هلا الدور عليه هو.. دوره يحسن النقاط يلي ذكرتيها اذا كان فعلا بدو ياك ومهتم لرضاك وحاس فيك..
اعطيه مجال يحاول يصلح من اخطاءه، يمكن هو من كثر حبه مو عارف كيف يعبر، وهاي هي طريقة تعبيره
وفجأة لقي حاله بدل ما يحسسك بحبه عم يخنقك ويخليك تهربي منه، وتطلبي الطلاق وانك ماعدت قادرة تتحملي اكتر..
هلا انت ماعليك الا انك تطولي بالك شوي، وتحكمي عقلك قبل قلبك، واعطيه فرصة يحسن من نفسه ويغير تعامله معك..
لاتبرري ولا تدافعي ولا تعلقي اي شي على الرسالة، ولاحتى تعتذري لانك ماغلطت..
والله يوفقك ويهنيك يارب