ابدئي حبيبتي بالوقت القليل المقتطع لك من حياته ... المهم النوعية وليس الكمية ... يعني تقدري النص ساعة تخليها أجمل نص ساعة تمر عليه باليوم كله .... وقتها راح يسعى هو لان يكون وقته معاكي أكبر ..وهكذا ..شوي بشوي ..
واستغلي وسائل الاتصال الحديثة حتى تكوني بحياته بوقت تواجده خارج البيت ...مسجات ..ايميلات .. اتصال سريع ..

عجبتني فكرة حلوة عملتها بنت كانت تحاول تصيد زوجي ... بعد ما طلع من المكتب على طول أرسلت له تقول اشتقت لك .... وانتي تقدري ترسلي له أول ما يطلع من البيت ... جهزي المسج ووخزنيها بالجهاز وأرسليها اول ما يقفل الباب ...
اتصلي عليه وهو بالعمل ... بوقت انتي تعرفي انه ما يكون مشغول فيه كثير .. مثلا وقت انتهاء الدوام لكنه متأخر يخلص شغل .. وقولي له أعرف انك مشغول وربي يعطيك العافية بس ودي اقولك اني أحبك .

__________________

على فكرة ... وقتكم مع بعض بالبيت مو شرط يكون رومانسي ... انتي زوجته وتعرفيه وتعرفي اللي يحبه ... ممكن يحب انك تكلميه بمشاكله حتى يخفف عن نفسه ... ممكن يحب نكت وقصص مفرحة تنسيه همه ..ممكن يحب كلام غرام ... ما أعرف لكن أكيد انتي تعرفي
ولا تنسي الأكل والشرب ... حاولي تعملي الأكل والشرب اللي يحبه ...

وما يحتاج أشرح عن ترتيبك لنفسك ..متأكدة أنك مهتمة بهذا الجانب ...

ابنكم احسبي حساب يكون بذاك الوقت نايم أو مع الشغالة ... نص ساعة ما راح تأثر على تربيته .

__________________