إللي تبغى منكم إجازه تخلي زوجها يعرس بالثانية علشان يوم عندها إجازه ويوم لا
ههههههههههههه أمز ح معكم لاتقومون عليه عاد وتصدقون والله يا أخواتي العزيزات الحياة هيه كذا مشقه وتعب وهاذي مسؤليتنا في الحياة أنا شخصيا يوم الخميس يكون إجازتي الحمدالله أبو عيالي رجل متفهم ويقدر الوضع بس إجازه طبعا فيها عمل خفيف فيما يختص بالأطفال بس أما طبخ وتنظيف وغسل مواعين والله زوجي مايقصر في يوم الخميس أحيانا مايصحيني إلا والسفره جاهزه وحتى القهوه والشاي هو يجهزها في هاذا اليوم الحمدالله مايقصر معي حتى أحيانا في أيام الأسبوع إذا طبخت الغداء هو يجهز العشاء
وكمان لوشافني في المطبخ مشغوله يجي يساعدني يحرك الأكل أو يقطع الخضار أوالسلطه
أو يغسل المواعين ونجلس نسولف حتى نخلص شغل بعدين يساعدني بالتحضير مايقصر أبد بالذات لو أنا حامل أحيانا مع الوحم ما أقدر أشم ريحة الزيت والبصل والله أنه يجي من دوامه ويضبط الغداء
وأذكر مرة ولدت وطولت في قسم التنويم جلست أسبوع بالمستشفى كنت تعبانه بعد الولاده من الضغط كان مرتفع
وكان عندي ولد صغير عمره سنة وشهرو لأني حملت بعده مباشره ولماطولت بالتنويم عندي ثلاثة أولاد بالبيت صغار ولاأهلي بمنطقتنا ولاأهله وكان عندي جيران طيبين بس زوجي مايرتاح يخلي عياله عند أحد كان هو يطبخ لهم ويوكلهم ويلبسهم ويغير لهم الحفاظ وكان لما يجيني زياره كان ممنوع دخول الأطفال كان يحطهم بحديقة المستشفى يلعبون فيها حتى يجي ياخذهم وكان يقول ليه إبنك الصغير دائما يبلل الحفاظ بسرعه مدري ليش دايم أغير له كل ساعه أو ساعتين كان يسوي كذا من أول قلت له يمكن تكثر له سوائل عصير وحليب قال يمكن ولما طلعت من المستشفى وروحت البيت وجاء إبني الصغير وسخ وجيت بغير له الحفاظ ولما شلت السروال من عليه أبغى أشيل الحفاظ وجيت أدور اللصقه حقت الحفاظ لقيتها ملزقه عند ظهر الولد من وراء ناديت زوجي وقلت له تعال أنت ملبس الولد كذا قال إيه أنا ملبسه كذا فيها شئ أسبوع وإبني لابس حفاظته مقلوبه وبعدها عرفت سر البلل إللي في ملابس الولد
تصور ا الحفاظه ملزقه للخلف وإلا الملابس ملبس كل واحد فنيله شكل وسروال شكل ثاني يوم سألته ليش قال ليه ماهي ساترته قلت له ساترته بس هاذي مو طقم واحد قال ماعليك أهم شئ يلبس نظيف وبس بس الحين صرت قبل موعد الولاده أعطيه تعليمات خاصه بكيفية الإهتمام في الأطفال ومايقصر بصراحه كل ولادتي أولد ماعندي إلا الله سبحانه وتعالى ثم زوجي والحمدالله أزمه وتعدي بس زوجي أحس إنه مل من الحمل والولاده حتى نفسيته إنسدت من العيال رغم حبه لهم لاكنه يقول مسؤلية وتعب التربية ياالله نربي هاذولي معانا بس ماأدري هي قناعه من عنده وإلا من الكرف إللي شافه في أوقات غيابي عن البيت بالمستشفى رغم إنا لو طلعنا البر أو البحر ونجلس أحيانا ثلاثة أيام أو أربعة أيام يطبخ هو الأكل سوى على حطب أو غاز دافور وكمان يجهز الشاي والقهوه على الفحم ولاعمري بطلعه من طلعاتنا طبخت شئ كل شئ عليه آخرتها الأسبوع إللي فات رحنا ثلاثه أيام نتمشى البحروكل شئ هو يجهزه خاص بالطبخ والنفخ أنا مهمتي محصوره في لبس عيالي وتنظيفهم وترتيب أغراضهم بس الباقي عليه هوه
وحتى لو رحنا للبر مع جماعه نتمشى الحريم إللي أزواجهم يطلعون معنا يقولون أزواجهم خلوا الحريم يطبخن الأكل بس زوجي يرفض ويعترض ويقول
لهم ليش هما طالعين يتمشون ويشمون هوى وأنتم تبغونا نطلعهم حتى بالبر يطبخون حرام عليكم ويشب النار ويجهز القدور ويجهز الأسياخ لشوي ويوزع المهام بينهم وأحيانا زوجي يقوم بكل شئ عنهم يشوي ويضبط الكبسه ويقطع السلطه والرجال الباقين يايلعبون كوره أو يلعبون بلوت وإلا سدحي على الفرشات والله حتى بعض النساء إللي نطلع معاهم يقولون لي مانرتاح بطلعتنا إلا إذا طلعنا معاكم نحس بطعم لطلعات البر وأنتم معانا بالرغم إنا نادرا مانطلع جماعه أكثر طلعاتنا لحالنا أنا وزوجي ومرة من المرات والله إن فيه حرمه كانت تطلع معناللبر قالت لي ياحظك ياأم سلطان زوجك يعرف يطبخ مو مثل إللي عندي حتى إبريق الشاي مايعرف يحطه على النار بس الحمدالله أنا محصنة نفسي وزوجي وعيالي دائما بفضل الله .
تدرون متى حنا تكون إجازتنا إذا الزوج تقاعد والأبناء كبروا وتزوجوا وماتبقى إلا عجوز وشايبها شوية هريس بر أو دقيق ولا شوربه شوفان تفي بالغرض وتنظف البيت وترتبه يجلس أسبوع على نظافته أهم شئ النظارة تكون قريبه وجنبها طقم الأسنان والعكازه علشان مانتعب وحنا ندور وكمان مثل ماقالت وحده هنا من الأخوات كيس الأدويه بيدها علشان مايضيع وياالله حسن الخاتمه
الأخت الغاليه صاحبة الموضوع
مشكوره على هالطرح الرائع بصراحه موضوع شيق وحلو سلمت أناملك أخيتي وجزيت خيرا على إهتمامك في أخواتك النساء وطرح معاناتهم بالشكل الرائع والمفيد .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ااااه جبتيها على الوتر الحساس
اقسم بالله اني اوقات من كثر الضغط اللي فيني اجلس ابكي في الليل يوم ينامون ابكي الين ماتعب بعدين انام مع ان اطفالي بس اثنين
ماودي اتكلم كثير الله يعين

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

ممكن اقولك بعض النساء اذا قولتي لها استريحي تقولك ترفض هذا الشي بشكل قاطع

انا غير متزوج بس الي ذكرتية كاملاَ ينطبق على أمي الله يحفظها وعندما اقول لها ارتاحي تقول لك لا

انا استغرب احياناَ تشتكي لكنها تكابر

متى تكون اجازة الزوجة ؟؟
في قبرها ... ههههههههه
ترتاح من كل شي في الدنيا ويبدا حساب الاخرة...

ابشرك اكثر اهل النار النساء

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى

يقول الله عز وجل في كتابه ( لقد خلقنا الإنسان في كبد )
طبيعي التعب والجهد والمسؤليه .. والحياه مستمره ..
فيه ازواج يتفهم هذا الامر ويخفف عن زوجته ..
والبعض قد لايهتم ..
عن نفسي مرات اذا مالي نفس ااطبخ ..
اتصل عليه واقوله وش رايك اليوم نتغدى برا ..؟
ولو كنت حاسه انه بيرفض .. اقوله اليوم انا عازمتك ..
استخدموا ذكائكم ياحريم ..

يا ساتر وين بترتاح وسلة الأدوية معاها
الحمد لله على الصحة والعافية
صحيح نتعب لكن بصحتنا
شكرا لمرورك
سبحان الله هذه فطرة فطرنا الله عليها
وصحيح نشعر بالمتعة ونعطي بكل الحب لكن لا يمنع من أننا نغتاظ جدا لمثل المواقف التي ذكرتها وغيرها الكثير
هذه من الأسباب التي تجعلني لا أفكر بخادمة تشاركنا البيت وحياتنا
أنا أم مهما غضبت وصرخت وربما تطاولت يدي بعض الأحيان على صغاري لكني أبقى أمهم ولن أفتك بهم
أما الخادمة فلا يربطها شيء بهم وقد يصل بها الأمر إلى إيذائهم وقتلهم
كأني أدخلت موضوعا آخر

وصحيح كما تفضلت لكل مهمته في الحياة وهذا يستفيد من ذاك والآخر يستفيد من الأول
يعني علاقات منافع تبادلية
لكن لا ينفي احتياج المرء للمساعدة وإن كانت معنوية
شكرا لمرورك

وبحثت عن الآية التي ذكرت فلم أجد إلا التالي:

" أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُم بَعْضًا سُخْرِيًّا وَرَحْمَتُ رَبِّكَ خَيْرٌ مِّمَّا يَجْمَعُونَ (32) " سورة الزخرف


إحنا لو يصير يوم في كل ستة شهور راضيين
يعني نطبخ والصغير يصيح يبغاك تشيلينه
ولا الثاني ينادي يا ماما تعالى شوفي رسمتي
وكل شيء مع بعض نحلق ايش ولا ايش
الله لا يحرمنا الأجر

على طول اسمع الجملة من ماما واختى الا عندها اطفال
صارت كل فترة تجيب اولادها تجي تبات يوم تغير جو وتريح بس نعذبها احيانا تسويلنا شي نحبوا
كانت من كم اسبوع عندنا وجلست تشتكى انها زي الالة من الفجر لليل ابتداء بتحضير الفطور وقت الفجر وايقاظ الاطفال وبعد كده البيت والشغل والغداء ومذاكرة وووو وعلى قولتلكم يارايت عاجب


بالنسبة لامى اخليها تاخد اجازة يومين نهاية الاسبوع اريحها من الاعباء شوية


<<<<كده راح نخاف


بس سمعت من كثير متزوجات جملة واحده كل التعب يهون لانك في بيت لوحدك وانتى الحاكمة تسوي الا تبي >>دي الجمله حلوة


وفي الاخر اعانكم الله والحياة دار تعب والحمدلله انكم مشغولين في شي بس حاولوا تغيروا اجواء ( رحة اخر الاسبوع - طلب مساعدة الزوج - غيروا يومين عند اهلكم وبالتوفيق للجميع )

__________________
ياررب ارح قلبي وعوضني خير

ما شاء الله عليكم
إحنا المتعارف عندنا الزوجة تخدم في بيت زوجها
وتطبخ له وتنظف ثيابه وتسوي كلش
كنت سابقا أعتقد أنه تفضل منها تفاجئت انه من واجبها
صحيح زوجي ما يقصر في المشاركة المعنوية ومرات الأكل من بره لكن يبقى أكثر الضغط داخل البيت علينا
شكلي بزوج بنتي إذا كبرت إن شاء الله رجل صالح من عندكم



تصدقين عاد مرات من القهر أقوله روح تزوج وحده ثانيه عشان أرتاح تجيب منها عيال وأنا يكفوني الاثنين اللي عندي
بعدين أهون أقوله ولا خلاص تزوجها وأخليها خدامة عندي
يقولي مجنونة مع سبق الاصرار والترصد

ما شاء الله على زوجك الله يخليه لك ويخليك له ويخلي لكم عيالكم ولا يحرمكم بعض
وقت الحمل والحق يقال ما أسوي شيء أشهر الوحام ما أقدر أشم ريحة الطبخ
وأنا لا حولي أهلي ولا أهل زوجي
فيضطر يجب الأكل جاهز ويصير يكوي ثيابه بره
لين أتحسن شوي وأرجع أطبخ وأسوي أعمالي المعتادة لكن يحرص علي ما أجهد نفسي وكل شيء على خفيف

أما الأيام العادية ودي بعض المرات لين أكون طفاشة لو يجي المطبخ مع لاب توبه بس يكون قاعد عندي
يقول ما أتحمل رنة العيال وإزعاجهم
وبالنسبة للطبخ بره والشوي والحطب المفروض انه الرجال والظاهر من قديم الزمان كانو يطبخون
لكن الحين لازم الحريم الله يكون في عونهم
والشكر لك عزيزتي على مرورك ومشاركتك الحلوه
لا عدمناك


لازم حالات البكي أجل يبدو الوضع طبيعي عندي وعندك خير
وليته يبان شيء مرات أقول والله لو يدق أحد الجرس بدون موعد لا يتروع
هو داخل بيت ناس ولا ايش
شكرا لمرورك

لأنها تحس انه هذا عملها ولو ما قامت به لن يقوم به أحد غيرها
وبيتراكم عليها
خلاص تعودت تسويه
مرات يقولي زوجي ارتاحي واقعدي وأقوله وبعدين الشغل مين بيسويه
وإحنا نركض وراه يتراكم شلون لو خليناه
بس ليت يوم كذا يبقى كل شيء على حاله وما يتوسخ شيء ونرتاح من كل الشغل
الله يحفظ الوالده ويطول بعمرها
شكرا لك



الله يرزقنا حسن الخاتمة ويرحمنا برحمته
ويدخلنا الجنة ولا يحرمنا أجر التعب


خرج رسول الله صلى الله عليه وسلم في أضحى أو فطر إلى المصلى ، ثم انصرف ، فوعظ الناس وأمرهم بالصدقة ، فقال : أيها الناس ، تصدقوا . فمر على النساء فقال : يا معشر النساء تصدقن ، فإني رأيتكن أكثر أهل النار . فقلن : وبم ذلك يا رسول الله ؟ قال تكثرن اللعن ، وتكفرن العشير ، ما رأيت من ناقصات عقل ودين ، أذهب للب الرجل الحازم ، من إحداكن ، يا معشر النساء . ثم انصرف ، فلما صار إلى منزله ، جاءت زينب ، امرأة ابن مسعود ، تستأذن عليه ، فقيل : يا رسول الله ، هذه زينب ، فقال : أي الزيانب . فقيل : امرأة ابن مسعود ، قال : نعم ، ائذنوا لها . فإذن لها ، قالت : يا نبي الله ، إنك أمرت اليوم بالصدقة ، وكان عندي حلي لي ، فأردت أن أتصدق به ، فزعم ابن مسعود : أنه وولده أحق من تصدقت به عليهم ، فقال النبي صلى الله عليه وسلم : صدق ابن مسعود ، زوجك وولدك أحق من تصدقت به عليهم .
الراوي: أبو سعيد الخدري المحدث: البخاري - المصدر: صحيح البخاري - الصفحة أو الرقم: 1462
خلاصة حكم المحدث: [صحيح]


فيه أزواج ما شاء الله عليهم ما يقصرون عادي لو اتصلتي وقلتي لهم الغداء من بره
لكن ما يقدر الواحد يقولهم كل يوم ومرات كثيرة ينحرج منهم
لكن باقي الشغل وين يروح موجود سواء أكلتي من بره أو لا

يعني في المرات اللي أقول لزوجي إذا سمحت مافيني أطبخ اليوم يجيب من بره
بس أنا ما أقعد كذا أروح أكمل كوي
ولا أرتب الغرف
هذا بغض النظر عن الأزواج اللي ما عليهم منك صاحية مريضة تعابنة تتوحمين مالك مزاج
فيك فيك تطبخين

ومو كل وحده تقدر تعزم زوجها
مشكورة على تعقيبك