حياك الله يانوره ومشكوره على زيادتك في موضوعي وصدقتي حنا عندنا أكثر الفل والمشموم يستوردونه من اليمن يجيبونه من عندكم ويبيعونه بالسوق أحيانا سعرالفل عندنا يكون غالي العقد الواحد يبلغ من 70إلى 100 ريال وفي وقت الأعراس والمناسبات يطيرون فيه وأحيانا تروح السوق يقولون لك خلص
وأنتم ماشاء الله عندكم الفل والحناوالبن اليمني بكثره أنا كل ماأروح الجنوب ما أسافر إلين أروح السوق وأشتري بن يمني وحناء يمنيه ومشموم أخذها هدايا لصاحباتي وبالنسبه للفل أشتري بس يخصاره يذبل قبل ما أوصل لمنطقة سفرنا وبالنسبه للمجموع إللي أنت قلتيه
أنا شفت علب زجاجيه عند حرمه تبيعه بس والله ماسألتها كيف تضبطه لأني شميت ريحته حلوه وأعجبني شريته هو شكله مثل العطر ولما ترشينه مع المشموم تصير ريحته حلوه بالحيل وكمان شفت في زيارتي الأخيره لديرتي عندهم عقود منضمينها من طيب المحلب الحبيبات ينقعونها بالماء حتى تلين وبعدين يجيبوا إبره وخيط ويرصونها مثل العقد ويحطون بينها مسافات تفصل بعضها ببعض حبات خرز متوسطه ملونه وبعد مايخلصون والعقد يكتمل ينقعونه بين مجموعة عطور في علبه لمدة يومين ثلاث حتى يتشرب رائحة العطر وبعدين يطلعونه ينشف برى وتكون ريحة العطر ماسكه فيه وتقدري ترشي عليه عطر بأي وقت بعدها ويضبطو
كمان مسكه على الشعر من ورى تشبه الطوق بنفس طيب المحلب بس يطرزونه طرز على أشكال ورود وقلوب على قطعة قماش صغيره وكمان يضيفو لها في الطرز بعض حبوب الهيل والقرنفل لأنها تعطي ريحه حلوه وتميز في اللون والشكل وترشينها بأي عطر أنتي تفضلينه وتلبسينها في أي وقت تبغين الريحه تبقى ماسكه فيها أنا مابغيت أ شرح بزياده ولا كنت أبغى أنزل موضوع بهاذا الشأن بس الغاليه والحبيبه أختنا رو ح الطير طلبت إستفسار عن العطور الطبيعيه وأنا رديت عليها
وتعرفين زودت عليهادردشه فكان مصير ردي الحذف بس ماقصرت الأخت ماريا الله يجزاها خير نقلت هنا وخليته موضوع في الحقيقه الشكر موصول لمشرفتنا للغاليه ماريا
الله يحفظها وأنتي بعد ألف شكر لك ولوعندك إضافات بعد نزليها أنا أتشرف بمشاركتك معي في هاذا الموضوع ياغاليتي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله