حبيبتي هذا شي نفسي
اذا الشخص شاف اندفاع من الطرف الآخر طبيعي انه ينفر منه .. خاصه انه مافيه بينكم اساس متين
اي شخص بمكانك بيحس نفس الاحساس لانه ماخلى لك وقت تفهمينه تتقبلينه وبعدين تبدين تحبينه وتتجاوبين معه
شخصية المرأة غيير الرجل, المرأة تأسرها المواقف والعشرة والحب اللي ينبني حبة حبة
لكن الرجل ممكن يحب باندفاع من اول نظرة

مبدئيا ابيك تطمنين نفسك انه اللي تحسينه شي طبيعي وان حبك لزوجك مو شي مستحيل و بتحسين فيه قريبا بس لازم تدربين نفسك ..
انا اقترح تاخذين فترة اجازه من زوجك وتبتعدين وتطلبين منه انه مايتصل
بعدها قولي له خلني اتعرف عليك بهدوء و حبة حبة
سولفوا بمواضيع عامة وقولي له عاملني كصديق لفترة
لاتقولين له ان حبك ينفرني لانه ممكن يوقف عن هالشي للابد وصدقيني بيجي اليوم اللي تتمنين فيه هالاشياء
هو يمكن قلقان شايفك وحاس فيك انك ماتحبينه فيحاول يرضيك بس بالطريقة اللي جالسة تنفرين منها

اقنعيه بطريقتك ان علاقتكم تبدونها من جديد وكأنكم شخصين لاول مرة يتعرفون على بعض
بهداوة وروقان يجي الحب .. استني .. المشاعر شي بسيط وعفوي والنفس مجبولة على حب من احسن اليها
الله يسخرك له ويسخره لك