حياالله صابره وحمدالله على السلامة وش فيك يا أختي شابه نار على الرجل كل ذا علشان جالس يتفصفص وأنتي جالسه تاكلين نفسك بنفسك الحين أنتي طالعه تغيرين جو وتتمشي وإلا رايحه لنكد والتعاسه الحين أنتي وش كان بيأثر فيك وقت زوجك جاك قبل السفر معصب ويصايح إذ ا هديتيه شوي وإبتسمتي بوجهه إبتسامه حلوه وكان سكتي ليش تسألينه وش فيك معصب وهو معصب أكيد بيرد عليك رد مو زين لأنه إحتمال صار معاه موقف قبل مايجيك البيت ضايقه ونرفزه وخلاه يعصب وأنتي بسؤالك له ذكرتيه بالسبب إللي خلاه يطلع عن طوره وقام صب جام غضبه عليك وأنتي فسرتيها بعقلك إن زوجك ناوي على الشر وناوي على المشاكل
وقمتي زعلتي وعصبتي عليه وفي الطريق وش يدريك إن زوجك باله معاك يا أختي إحتمال زوجك صاير معاه ظرف أو مشكله شاغلته وجالس يفكر لها بحل وأنتي حسبتيه قاصدك بسكوته وتطنيشه الحين أنتي قرأتي أفكاره إنه قاصدك وقاصد يفتح معاك مشكله أنا عارفه إنك أنتي أول مامسكتوا الخط كان نفسك يعتذر أو يقول لك كلمه طيبه يرضي بها خاطرك ويسليك أو أقل شئ يسولف معاك لاكن زوجك ماسوى شئ من هاذا كله طيب أنتي بنفسك ليش ماحولتي تعرفي وش إللي مضايقه بأسلوب سلس ليش ماحاولتي تطلعينه من صمته كان جبتي له سالفه من عندك عن أي شئ في المجتمع أو أي حدث من الأحداث إللي صايره هاليومين في العالم وكان بدأتي بالسالفه وتناقشيه فيها حتى تتاكدي إن زوجك صار باله رايق وصار ياخذ ويعطي معاك بالسوالف حينها تقدري تفتحي معاه مواضيع خاصه في حياتكم بكل هدوء وإذا شفتيه
تأفف أو تضايق غيري السالفه
بصراحه من جد أنتي حساسه ياصابره الرجل مسافر معاك يبغى يغير جو و ينبسط وأنتي تقولي له نزلني بصيح وأصرخ وش صار فيك يا صبوره وش جرى لك الرجل يحب يشوف زوجته بعقلها وثقالتها وحكمتها
ويشوف الجانب الإيجابي منها وأنتي دائما حريصه على إظهار الجانب السلبي من شخصيتك عند زوجك ياصابره ياعمري أتعلمي ضبط أعصابك وتعلمي كيف تلجمي غضبك وقت المشكله أ كظمي غيضك تحملي إصبري جاهدي نفسك إذا جاء زوجك وهو معصب ومتنرفز إصحك تناقشينه وش فيك وش صاير معاك لا أسكتي أهدي حتى لوقال كلام ماعجبك إبلعيه وأسكتي لاتردين يمكن زوجك عنده ضغوط خارجيه يمكن من عمله أو بيته الثاني أو من أهله يمكن أحد قايل له شئ ومخليه يعصب كذا لاتقولي وأنا وش دخلني يحط حرته فيني لا حبيبتي أحيانا الرجل يكون مليان فل كامل واصلن حده لما يدخل بيته ويحصل زوجته قدامه وتحاصره بالأسئله وين كنت وش فيك إيش صاير هو على طول بوووووووووم عليها ينفجر ليش لأنها هيه صارت بوجه المدفع ماقدامها إلا تصبر وتسكت ولاترادده ولا تقاطعه أبد لأنها هي جنت على نفسها براقش وإلاإنها تسحب نفسها بسكوت وهدوء أول مايدخل البيت عندها ولاتناقشه ولا تسأله وشغلة الإستخبارات المركزيه والإستجواب الطارئ تبتعد عنها نهائيا لأنه إحتمال يردعليها رد يجرحها ويزعلها وحينها تضطر لدفاع عن نفسها وكلمه منه وكلمه منها حتى تكبر المشكله وتستشري فيما بينهم ويصعب حلها أو إنها تنحل لاكن تبقى هناك بعض الشوائب في الأنفس فأنا يا صابرة نصيحتي لك أنتي أعرف بطبع زوجك وأسلوبه إن كنتي تعرفي بأن وقت مايكون متضايق يتحمل منك الكلام والملاطفه وتهدئته بلكلمه الطيبه والحلوه فأنتي إعملي معاه بهذا الأسلوب أو إنك تعرفي إنه وقت مايكون متضايق مايتحمل أحد يتكلم معاه ولايبغى أي أحد يناقشه لابكلام طيب ولاغيره ويفضل الصمت والجلوس لحاله بدون نقاش فأنتي أتركيه لحاله ولاتتكلمي معاه إلا إذا هو أبتدى يسولف معاك سولفي معاه على حسب سوالفه وحاولي تطلعينه من حالته إللي هو فيها
بطريقتك الخاصه وأسلوبك في الكلام يعني إشغلي تفكيره بشئ يحبه و يونسه و يشرح صدره وبعدها صدقيني إنه هو لحاله راح يشكي لك همه والشئ إللي مضايقه الحين يوم جاك البيت وهو يصارخ ليش ما أحتويتيه وقلتي له حبيبي ماله داعي تصارخ الزعل مو زين لصحتك ولو أنت تحس نفسك تعبان خلاص ياعمري بلاش منها هالسفره أهم شئ أنت معي و طيب ومرتاح هاذا كل إللي يهمني كل شئ يهون عندي إلا زعلك يانظر عيني لاتضايق نفسك ولاشئ أنا مبسوطه لوشفتك أنت مبسوط ومرتاح
صدقيني إنه رايح يهدأ و ينبسط ويرتاح من كلامك وتسافرون وأنتم مبسوطين وبالكم رايق بعدين أنا بقول لك شئ بعد ترى سالفة الفصفص أنا كمان وزوجي لما نسافر مسافه طويله زوجي يحبه هو والفستق يحبه جنان أجلس أنا أسولف عليه مثل الراديو وزوجي ماعنده غير طراق طراق أيوه أيوه كملي السالفه هاه أيوه ويهز راسه ايوه أسمعك قولي أ كره نفسي وأعصب أتعب وأنا أقرقر عيالي ينامون بالسياره وأنا أطلع من سالفه وأدخل بالثانيه وزوجي من شافه يهز راسه بالسيارة يقول هندي لوتعبت من السوالف شغلت المسجل وحطيت حامد الضبعان وسرى وبعدين حنا نسافر 2000 كيلو تقطع القلب مسافه بس ما أزعل أحيانا أعصب وأزعل وأرجع أسولف معاه لأني أطفش ومثل ماقالو القط يحب خناقه وش أسوي إذا زوجي مايحس بطعم الفصفص ونكهته إلا إذا أ كله وهو ساكت
يعني يمكن زوجك يستمتع بأكل الفصفص وهو ساكت مايسولف وأنتي قلبتيها سالفه وبالنسبه لضياع جوالك ترى الرجل هاذا طبعه يحب يحاسب المرأة ومايحب المرأة تحاسبه
أنا إذا ولدي أو بنتي طاحت من عندي وتعورت زوجي يجلس يناظرني بنص عين ويقول ليه ما مسكتيها قبل ماتوقع ودائما كذا بس أنا ما أهتم بللي يقوله وأبلعهاو لأني عارفه إنها ردة فعل بس أجلس أراقبه حتى يقع بنفس الخطأ أو شبيه بخطئي بعدين أعرف آخذ حقي منه وأزيد زياده شوي وحده بوحده والبادي أظلم حتى حينها مايقدر يدافع عن نفسه لأنه عارف إنه مذنب فيضطر لسكوت بس أختك في الله ماتمسخها عاد بالمرة لأن الشئ لو زاد عن حده إنقلب ضده وبالنسبه لسالفة المصري بصراحه ضحكتيني مره ياصابره تصدقين تصلحين تتوظفين بالهيئه لو فيه قسم نسوي وأحمدي ربك الحرمه مانشبت بحلقك ذاك الساع وسوت لك مشكله بالسوق وإنتبهي موكل مرة تسلم الجره بعض البنات من هاذي الأشكال قليلات أدب وحشمه أذكر مرة قالت لي وحده من صديقاتي كنا بأحد الأسواق فيه مجموعه بنات من هاذي الأشكال جالسين يهايطون بالسوق وراحت حرمة تنصحهم والله لايوريك إللي سحبت غطوتها وإللي سحبت عبايتها قدام المتسوقين وتدخلوا الناس وفكوا بينهم بعض البنات الصايعات ملاقيف ماتنفع معاهم إلا الهيئه تهزئهم تهزيئ
إنتبهي لنفسك زين اليوم ماعاد أحد صار يسمع النصح إلا مارحم الله لونصحت أحد قال لك وأنت وش دخلك فيني حتى طفل بالشارع لو نصحته قال وش دخلك لايكون حسبالك أنت أبوي وأنا ما أدري وبالنسبه لزيارة ضرتك وتفاهمك معاها ومراسلتها ترى هاذا شئ طيب وبادره حلوه منك ياصابره وأنتي حاولي تعاملينها مثل أختك إنسي لماتزورينها إنها ضرتك وإظهري لها طيبتك وحسن أخلاقك أنتي داخلك كنز ثمين من الطيبه والأخلاق الحسنة بس مشكلتك الشك والغيره مسوية غشاء على هاذا الكنز وأنتي لازم منك إنك تقطعين هالغشاء وترمينه بعيد عن طريق حياتك وتتخلصي منه
علشان ترتاحي ولاتنسي ياصابره إن هاذي إنسانة مثلك مثلها لها أحاسيس ومشاعر أنتي حطي نفسك بدالها عيشي بخيالك حياتها وشوفي هل تستطيعين تحمل جرح زوجها لها بزواجه من أخرى لا طبعا لن تستطيعي أنت تعاملي معاها بالحسنى والطيب وتذكري إن الإنسان يدخل الجنة بعمله الطيب خليك إنسانه عادية حتى وإن تطرقت لشئ أزعجك أو ضايقك لاتزعلين أو تسألين زوجك عنه أو تناقشين زوجك فيه خليك عاقله وأي شئ بين نسوان خليه بين النسوان تعرفي على شخصيتها وطريقة تفكيرها وأسلوبها تقربي منها وأ كسبيها وأ كسبي عياله بأسلوبك وطيبتك لوقالت لك شئ زوجته الأولى سايريها
ووافقيها برأيها إذا كان في مواضيع غير خاصه في حياتك مثلا قالت لك شوفي أنا سويت كذا أو عملت كذا إيش رأيك قولي لها ياه ياأم فلان ماشاء الله عليك ذوقك حلو ولوتطرقت لموضوع خاص في زوجكم حاولي ماتتعمقي معاها فيه وحاولي تغيري الموضوع لمسلك آخر علشان تبتعدي عن الحساسية وما تجلسي تفكري بينك و بين نفسك بأي سالفة خاصة بزوجك قالتها قدامك .
وشوفي أنا بربرة واجد معاك بس راجعه لك بس لحتى ترجعي من زيارتك الميمونة
أستودعك الله .






‏ ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله