أختي الحبيبة
بس عندي لج سؤال يا ريت تجاوبيني عليه:
شنو هل شي اللي راح تشاركين هل انسان و يكون لاول مرة بالنسبه له هو (مو بالنسبه لج)؟؟!!
زاوج و معرس من قبل
كوشة و قاعد فيه من قبل
ليلة الدخله: الاوليه كانت اول معاشرة
اول حب؟ اول قبله؟ اول حضن؟
اول انسانه يقول لها : أحبج؟
اول طفل؟ مجرب مع الاوليه من قبل (و ماشالله بدل الواحد 7)
اول شهر عسل؟
اول تجهيز لبيت الزوجيه؟
أنتي في شنو راح تكونين "أول وحده"؟؟؟
*****
عزيزتي
أنتي كانسانة شابه في مقتبل العمر (26 سنه) لج الحق انج تتزوجين انسان تقبلينه و تحبينه بعد
انسان تحسين انه هو مشتاق يجرب كل شئ معاج لاول مرة
انسان انتي بالنسبه له:
اول وحده يتزوجها
اول وحده يعاشرها
اول وحده يبني معاها بيت الزوجيه
و اول وحدة تعطيه احساس الابوة
******
يالغالية
ساعات حن نكون في لحظة ضعف و الخوف من المستقبل تخلينا ناخذ قرار راح نندم عليه وايد
أنتي غاليه و لازم تحبين نفسج أكثر
نصيحتي لج:
حطي نفسج بدل الزوجة الاولي و عقب احكمي : هل ترضين عقب 15 سنة زواج و عقب ما جبتي له العيال و عطيتيه احلي ايام حياتج و شبابج يجي و يقول ابي اتزوج عليج؟ لان طبعا الشرع يرضي ب 3 و 4 بعد ... و اللي اتزوج ثنتين عادي ياخذ الثالثة بعد... ساعتها بترضين؟
أكيد لا يا حبيبتي ... لانج تعرفين احساس الانثي و تدرين كيف صعبة تشارك اعز ما عندها: زوجها و بو عيالها مع وحدة ثانية
****
ملاحظه: انا مو ضد تعدد الزوجات في حالة وجود سبب مقنع (عشان باجر الاخوان ما يهجمون علي تعليقي)
07-03-2011, 02:39 PM
ضوابط المشاركة
العرض الشجري