شكرا لكم اخواني واخواتي على ردودكم الله يجزاكم الف خير ماقصرتوا معايا انا الموقع اللي دخلتوا مو من المواقع التجاريه لا ابدا هو موقع محترم واي شخص يتلاعب يلغوه ,اختي نسيم اهلي هما كدا قاطعينا من الناس وقاطعين الناس مننا مانروح ولانطلع الا كل ست شهور تقريبا ولناس قريبين مره مو اجتماعات كبيره وبعد الحاح وبكاء مني وازا صارت عزومة حريم وجيت اروح قالوا لا ايش يوديكي كل اللي جليين متزوجين وانتي راح يكون شكلك غلط وانتي بنت اجلسي في البيت احسن وعلاقاتنا في الناس شبه مقطوعه وماعندنا اقارب كتير واقاربنا القريبين مره متزوجين او علاقتهم مع اهلي مو كويسه يعني مسالة ان احد يشوفني في مناسبه اوزواج مافي امل ابدا والخطابات قد حصل لي مع وحده منهم سابقه كرهتني فيهم كلهم مدحت الرجال لحد ماتقولوا هزا كامل والكامل وجه الله ومدحت اهله وكانت يمكن صادقه في شي اوشيئين والباقي كدب في كدب وفشلتني مع اهلي حسبي الله عليها ونعم الوكيل