يا خوي بصراحه أنا أنقهرت من تصرفك لأنك بديت ضعيف جدا قدامها

هذا ماهو حب أبدا

أسمع نصيحتي ياخوي وسيبك منها

اتصل عليها وخليك حازم معاها وقول لها هي كلمتين وما حأرجع فيها

اذا تبيني وتبغين تعيشين معايا ارجعي بيتك وإذا ما تبغي انا بطلقك وبتزوج وحده ثانيه والله يستر عليكي

بين لها انك تعبت من الامر وتبغى تنهيه ومو من يوم تقلك اعطيني فلوس ارجعلك تقول طيب

لا تعطيها ولا قرش

طلقها واعطيها النفقه ترى كلها الف او الفين يعني ما تفرق معاك ما شاء الله عليك والله يزيدك ويبارك في فلوسك

والاولاد ما عندك مشكله معاهم لانك مشغول في عملك ودراستك يعني تبغى تقلي انك حتقعد معاهم كل دقيقه وكل ساعه ؟؟؟؟؟

خلهم عند أمهم وزورهم كل اسبوع مره او مرتين وجبلهم العاب وخرجهم للحدايق والمنتزهات ولعبهم وبس لا اكثر

واهتم بزوجتك الثانيه وان شاء الله تعوض عليك الي عانيته مع زوجتك

ولا تنسى تقلها الكلمه دي

خل أهلك ينفعونك وانتي مطلقه

نصيحه ياخوي انت طيب وبتحبها وما تبغى تطلقها وثاني شي ما عندك مشكلة في الفلوس تعطي على طول

هاذي أسباب ضعفك أتخلص منها وخلك حازم وشوف كيف تتغير الأوضاع

على فكرة وقت ما قالتلك حتى لو تكتب الفيلا بإسمي ما حأرجع هي تبغاك تكتبها باسمها وحتقلك انا أتنازلت المره دي

وعلى فكره لو رجعت المشاكل ما حتوقف أبدا ولا تحلم

نصيحتي لك اتركها وطلقها وتزوج وحده ثانيه

من قلت البنات في الدنيا

شوف الدنيا حولك وشوف البنات حولينك كلهم يتمنونك حتى ولو بالاحلام

البنت ما تحبك ولو تحبك كان ما عملت كل هذا فيك

هاذي تبي فلوسك بس

الحق عمرك انت لسه شباب والعمرقدامك والف بنت تتمناك

ما احب الطلاق لكن الاستغلال واضح جدا والطمع والجشع واضحين جدا

الواحد يقول اخطب اهل البنت قبل لا تخطب البنت

شفلك ناس طيبين وعلى نياتهم وتزوج البنت الي تحطك فوق راسها وتتمناك مبسوط

فكر زين وسيبك كلام الحب وما الحب

هذا الي حيضيعك

وسيبك تصرف الذل والمسكنه اللي بتظهره لها وخلك عزيز نفس قوي شخصية

واكرر كلامي

والله هذا ماهو حب والله هذا ماهو حب

الحب الي اذا قلت لزوجتك تراني زعلان تحاول تراضيك بشتى الوسائل وما تحب تشوفك ذليل او منكسر أبدا

أقول ياخوي لا يلعبون عليك

اللي ما يبغاك أرميه بالجزمه العفنه

أولادك في الصون والحفظ يتربون عند أمهم ومستحيل تضرهم والنفقه سهله جدا بالنسبه لك وريح بالك وعيش عمرك ياخوي بلا هم وبلا وجع راس