سبحان الله .. من الأول أقرأ العنوان وظننت أنه عنوان رمزي لقصة ذات مغزى .. طلع الموضوع جد!

الحمدلله أنكم عثرتم عليه .. والله يسامح اخوج .. وش له بهالثعبان المفزع؟




وانتي يا بنت الحكمي .. الاول تلعبين بالمسدس مع زوجج والحين تطاردين ثعبان مع اخوج!!

اثرج مجرمة وانا ما ادري





الغالية سوسنا .. حمداً لله على سلامتكِ عزيزتي.

__________________


اللهم طِيبَ الأثر .. وحُسْنَ الرحيل.

ههههههههههههههههههههه
وش فيك عليه يا أم سلطان ترى لازم إن المرأة تتحلى بقليل من القوة والشجاعه علشان لو قدر الله عليها بمكروه وصار معاها شئ تقدر تدافع عن نفسها العويل والصراخ ماراح ينفع المرأة وقت الظروف لازم تكون محنكه وتعرف كيف تتصرف بذكاء و تخرج نفسها من المآزق .
بعدين تعالي أنتي وينك هاليومين ماعاد شفتك في المنتدى أشتقت لك ياشيخه لايكون تتوحمي وحنا ماد رينا
ترى البنات أحب زووجي ونونو
شكلهم في إنتظار خبر حملك على أهبة الإستعداد كلن بتنشر الخبر وأنا جالسه مراقبه توقيعك
أبغى أشوف صورة قطار الحمل متى يبين إن شاء الله ربنا يرزقك بالحمل السليم الطيب المعافى عن قريب أنتي وكل حالمات الأمومه يارب ترزقهم وتبارك لهم يارب ياسميع الدعاء .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

تشتاق لج العافية يا ربي .. سبحان الله اليوم الصبح زوجي يسألني: هااا ما حد فقدج في المنتدى؟ .. قلت له: اصبر شوي اكيد حد بيسألني وين غطستي هالفترة

يا ستي الكيبل مال اتصالات كان خربان والنت والتلفون كانوا مقطوعين طول هالاسبوع .. وأمس بس صلحوه

يعني مب وحم .. ولا تخافين انا الحمدلله وحامي بالعادة خفيف ومحتمل .. واحب الناس بزيادة وانا حامل

على كل حال .. بدينا المشوار بالفوليك أسيد .. وإن شاء الله شهر والا شهرين بالكثير ونبدا المحاولات الجادة .

ولا تراقبين فديتج ولا تتعنين .. انا من نفسي باحط لكم البشارة يوم يكرمني رب العالمين ويرزقني بالحمل .. وتراني سويتها قبل وحطيت بشارة حملي في مهرة فديتها .. انتي بس ادعي لي بالتيسير وان الله يرزقني ببنوتة ثانية


الله يرضى عليج يا أم سلطان دنيا وآخرة.

__________________


اللهم طِيبَ الأثر .. وحُسْنَ الرحيل.