عطوني رأيكم في مهزلتي الزوجية وانتحار حبنا (مستجدات 327)

22-03-2011, 08:15 PM

#11

a7bha

قلم وفي

تاريخ التسجيل: Feb 2009

المشاركات: 287

اقتباس:

المشاركة الأصلية كتبت بواسطة مــدري؟؟

صعب نحكم على حياتك لان استحاله انك ذكرت كل التفاصيل

انا مع ابوك

بالله ايش تحب فيهااا وحده ذلتك واهانتك و خلتك تقسى على اهلك وتهمل حقوقهم عليك

وجهة نظري روح المحكمه ولا تتنازل عن المهر
طول عمرها تزعل وانت تراضيها بالهدايه وليتها عطر ورده الا اطقم و فلوس
انت اللي دلعتها وخليتهاا تستقوي
عرفت انو ماراح تتخلى عنهااا

وساعتها شوف هي اللي بتقول تعال خذني
اهلها ماا راح يعيشونها نفس العيشة اللي انت معيشهااا من دلع و وحب وحياة رفاهيه

اما انك ترسل مصروف لهااا

لا لالالا
مو تبي الطلاق اللي عليك ترسل 200 بس لأولادك كل شهر
خليهم يعرفون انك خلاص عفتهااا وبايعههاا

وشوف ايش يصير
واكيد هم مايبغو طلاق بس شكلهم يبون مبلغ جامد يرضيهم
استغلت حبك لهاا ..
ترا المره بدالها مره ثانيه

روح المحكمة وتابع القضية والبنت كلها سنه وبتكون تحت وصايتك
ودور على بنت الحلال اللي تسعدك وتكون انسانه صالحه لك و حنونه على ابناءك

عزيزي : 90% من الأمور اللي صعبت المشكلة وعقدتها صارت بعد خروجها من البيت والسبب تدخل شياطين الجن والإنس0
بعد مرور شهر من خروجها البيت مر الوالد على ابوها وجلسوا 4 ساعات ضحك وسوالف ولا في الخاطر شي وقتها كانوا اولادي عندي وتكلموا عن مشكلتنا وقال ابوها لوالدي فلان وفلانة مالهم فكة من بعض لكن لازم يتعدلون وبلغني الوالد بهالكلام واعتبرته ايجابي حتى ان زوجتي دخلت على الوالد وسلمت عليه وسألت عن أولادها(الحقيقة ادركت فيما بعد ان هذي غلطة من أغلاطي اني تركت الوالد يروح المفروض انا اللي تعاملت بنفسي مع الموضوع لكن اللي منعني عدة أسباب منها ان الرجل يتعامل معي بفوقية وجلافة واستهتار كذلك ارتباطي بالعمل والدراسة في منطقة أخرى) بعد زيارة الوالد طلب مني احضار الاولاد ووداهم الى عند امهم0
بعدها بأسبوع اتصل الوالد عليه يسأله عن الاخبار واحوال الصغار فأجابه ثم ذكر له بأن ابنته لا تريد الصلح وترغب بالطلاق(ليش غير كلامه الله أعلم يعني معقولة شهر بنته عندهم وتوه يتكلم معاها عن الموضوع؟؟؟) بعدها انا اتصلت عليه وتفاهمت معه هاتفيا وكنت هادئ جدا مع انه اعطاني كلام يسم البدن انت ما تقدر العشرة انت انت انت المهم قلت له يا عمي انا شاريك وشاري زوجتي وارغب في الصلح وش رايك اجيك يوم الخميس قال انا مسافر قلت متى تجي قال الجمعة بالليل قلت أجيك وحجزت طيران ورحت على الموعد واتصل 3 مرات على جواله وطناااش فأتصل عليه الوالد ورد على طول وقال حياكم الله وصلنا الى بيته فتكلم الوالد وتكلمت وقلت انا راغب باعادة زوجتي وارضاءها بما تريد وكذلك ارضاءك ان كان بخاطرك شي وارغب بالجلوس معها والتفاهم فرفض وقال مستحيل فطلب الوالد مقابلتها وجلس معها ومع ابوها وكاد يقنعها وكانت تبكي وابوها يقول لاتضغط عليها وعرض عليها 15000فقال ابوها ما يهم الفلوس فزعل الوالد من تدخلاته وقال مشينا الموضوع منتهي والله يعوض عليك وحلف بالله ما يتدخل في الموضوع مرة ثانية0
شوفوا كيف تغير الموقف بين الجلسة الاولى والأخيرة؟؟
طبعا كانت تبي تسلم على الوالد قبل خروجه فتجاهلها وهذي الحركة زعلتها هي واهلها ووصلني كلام منهم ان الوالد خرب الموضوع بعصبيته ومن هذا الكلام عموماً سبحان الله كنت احس الامور تتعقد يوم ورى يوم الين وصلت الامور للمحاكم الله المستعان لعل في ذلك حكمة ولا حول ولا قوة الا بالله0

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه