يا حبيبتي

أنا ما قلت ( بحكمته ورجاحة عقله؟؟؟؟ )

أنا قلت ( معنى كلمة إني فقدت الثقة في الإنسان = يعني فقدت الثقة في حكمته و رجاحة عقله )
قصدت معنى كلمة فقدت الثقة بالشخص = مو معناها إنه الإنسان - يخوّنك - )

أنا ما جبت سيرة زوجك و لا قلت عنه حكيم و لا عقله راجح

أنا قلت من قبل بإنه ( أناني ) و مازلت عند رأيي


و عن نفسي ..
ما أفتكر إني مرة قلت لك تروحي تبادري بالصلح معه ؟؟؟


صابرة ..
مو معنى ردي إني ضدك ..


االلي بيعمله زوجك من ( تجاهل ) غلط و مافي أي وحدة ترضاه على نفسها

بس طريقتك في معالجة الأمور .. أيضا غلط

شوفيني بأنتقد ( طريقتك ) .. مو ( صابرة بدنيتي )

و زوجك رأيي فيه مثل ماهو ( رجل أناني و ما يستاهل الحب اللي إنت عطيتيه )
بس الشئ هذا ما راح يغير من مشكلتك أي شئ


إلا إذا تعلمتي منه ( كيف تحبي نفسك أكثر من محبتك له )

روح وحياة كل حرف كتبتيه لي من يوم جيت هالمنتدى لحد الان لا احبك نفسي
وهنا بتعرفي اني انا طبقت النصايح ولا لا
وعدم مبادرتي الان هي عشاني حبيت نفسي وحسيت اني اهنتها كثير
الي عطيته الفرصة عشان يقولي هاه لا تذلي نفسك خلك بكرامتك وروحي لاهلك
صح اني اتلفظ ويطلع مني كلام زي الزفت لكن والله انه خلال 400 كيلو وهو قاعد ياكل فصفص وساكت
ياني انحرقت
وكان اخر وكند لي بالسعودية وابا استمتع معك واستفيد من كل ثانية معه
لمن صمت زيه جا وقت الصلاة وضيعت جوالي
الجوال فيه صور بس عليه كود ومايقدر احد يستعمله الا اذا فرمته
قال ليه تنسين الجوال
قلت له تراك ضغطتني اشوى اني مانسيت نفسي
محلمني مسؤولية ضياع الجوال
وقتها حسيت اني لازم اصرخ صرخة قوية عشان افجر البركان الي بقلبي
حسيت انها صرخة المووت لاني اعترف ان صمته ينهيني
تخيلي قبل لا انزل من السيارة استاذنته وقلت اسمحلي بنزل اصرخ ماحد سمعني اصلا كنا فوق الجبل
يوم رجعت قال روحي لاهلك صاحية قبل لا تنجنين
يعني اي ردة فعل لي لازم اعاقب عليها بالطلاق
مو من حقي ابد انه يكون لي ردة فعل يا اصمت زيه واكل تبن يا اذا خرجت عن طوري اتعاقب بالطلاق
قال شوفي هذاني من الان اقولك لا تهيني نفسك خلاص كلن بطريقه
قلت ياخي حرام عليك
برضو رجعت وحسيت اني فعلا غلطانة لانه يتحجج باني اتلفظ واقول كلام مو زين
معه حق بذي لا انكر
يعني لو صمت واحترمت نفسي كان ماوصل اللي وصلت له
بس انا اقوووووووووول ليه اصمت وايامي معه معدودة انا احتاج له واحتاج لللفرحة معه
اقسم بالله لم اطلع بتجربة من خلال هالزواج الا انه فعلا الانسان يحب نفسه قبل لا يحب اي احد
وخاصا انا عمري ماحبيت نفسي
وكان عندي امل يحببني بنفسي اكثر بمعاملته ووده لي...... تاكدي اني اخذت بنصيحتك وخاصا هالمرة مافي شى يروح خسارة ياروح

__________________