المشاركة الأصلية كتبت بواسطة مهره

يا سلام عليج يا أم حارب .. عيبني وايد انج متفاهمة مع شريجتج .. ما شاء الله تبارك الرحمن الله لا يغير عليكم.


يعني السالفة طلعت تنظيم إداري داخلي

السموحة منج يا الغالية .. وترا كله من بو حارب ما وضح الصورة كاملة.

لالا ام حارب مب هينه تقدر تقنع الكل حتى انا والظاهر اقتعتج وصدقتيها
وانت يا بو حارب .. ما دام السالفة جذي فصراحة ما لك حق تشتكي على بنت الناس.

بس تبا الصدق .. كان ممكن نسوي لك واسطة ونرمس أم حارب ونحنن قلبها عليك ونطلب منها تكون مرنة شوي يوم تييها في يوم شريجتها .. بس انت اللي يبته لنفسك ما دامك نظامي وما تحب الواسطة

المشاركة الأصلية كتبت بواسطة بو حارب

النظام نظام صحيح لكن المدير العام له إستثناءات خاصة
وام حارب مب طايعه تفهم وترى ام سيف مسيكينه وحليلها
التخطيط كله من راس ام حارب

المشاركة الأصلية كتبت بواسطة مهره

مب مهم تخطيط منو .. المهم ان عندكم نظام محدد ولازم يمشي على الجميع .. والا انت تبا ام حارب وام سيف يطيحن في بعض؟؟

ترا الاستثناءات اذا تكررت النظام كله بيخترب .. وبيبدا الزعل الصجي.

خلهن متفاهمات يا ولد الناس ولا تييب لعمرك صدعة الراس .. ترا اذا ضاع التفاهم بينهن بتطيح في راسك انت وبتيينا تشتكي وتقول: ليتني تحملت فنيان القهوة الماصخ


الله يسعدكم جميع ولا يغير عليكم يا رب.