27-03-2011, 02:24 AM
|
المشاركة الأصلية كتبت بواسطة همس 2009
ماضييييييييييييييييييييك انسيه لتعيشي مع زوجك بسلالالام ...!
بجد ..... الاول اعتبريه مات ...يعني اذا تطلقتي بيجيلك بيلعب كم سنه ويفاجئك بتزوج ..!! حبيبتي ارجعي بيتك وقبل تفاهمي مع زوجك بخصوص متااااعبك وقولي له يزيد ع غرفتكم مطبخ ...... خلي هذا مطلبك ليكون لك مطبخ الخاص بك وبزوجك ويكون لغرفتك مفتاح ويكون معه هو المفتاح لاجل اذا رحتوا من البيت مايحوسون الاطفال بلغرفه . لاتشكين من امه ولا اخته احس هلشيء بيغير نظرته فيك ....وبلاخص وانتي ببيت اهلك ...! يعني زوجك مو براضي ببعدك عنه !وتجين تشكيييييييييين من اهله مابيصدق وبيقول وش مسكتك ؟؟؟ فااتمنى تقولي هلشرطين وتعيشي بسلام ..... وتقولي ماتحبي زوجك ....ليه ؟ هو طيب وحنون .....واتحداك من حنانه وحبه تعيشي من دونه اكيد ع الاقل انك تودينه ... كيف اجل جبتي بنتك وانتي قلتي ارحمه واقول وش ذنبه ؟؟؟ حبيبتي انسي الماضي تعيشي براحه وسلام وقولي الشرطين اللي قلتها وبصرحه ما اخفيك صعبه انه يبتعد عن امه وهو ولدهم الوحيد صح امه مستغنيه بااخوته المتوظفات ولكن امه ومعها ولدددددددددددد وحيد ويبتعد ! احسها بينجرح قلبها ع الاقل يبني شقه لك بلدور ال2 .... او كما قلت يزيد كم غرفه ومطبخ ع الاقل ...وبلاخص المططبخ لاجل ماتتعبي بلطبخ لهم وانتي عندك جامعه . هاه وش رايك ؟ |
27-03-2011, 02:54 AM
27-03-2011, 08:18 AM
27-03-2011, 08:23 PM
|
المشاركة الأصلية كتبت بواسطة للحياة ألوان
اختي الكريمه ..
حطي في بالك .. حبيبك الأول ماراح يرجع لك ابد انسسسسسسي يرجع .. ماتزوجك وانتي بنت فما راح يتزوجك وانتي مطلقة ومعاكي كمان بنت !... يعني الأول اعتبريه مات .. وتلاقينيه بعد تزوج وعايش مع زوجته وماجاب ذكراك في باله .. فلا تخربين بيتك علشان خيالتك الورديه معاه وتقارنين زوجك فيه بمقارنه ظالمة ... وكمان لو تزوجتي واحد غير زوجك ممكن يكون سيء يضرب او شرس او او ..الخ و كمان فكري في بنتك .. و وضعها لو تطلقتي ... مادام زوجك كويس .. تعوذي من الشيطان وشيلي حبيبك من مخك وبتحبينه .. ومشكلتك مع اهله ..مادام اخلاقهم سيئه كذا .... لا ترجعين تعيشين معاااهم ابداً لو يطير زوجك .. حطي له خيارات يختار منها .. يطلع ويستأجر قريب من اهله او يقسم من بيت اخواته لك شقه منفصله بمدخل منفصل .. وانتي لك مدخلك الخاص و مطبخك وكل شيء يعني كأنهم جيرانك .. و يستأجره منهم علشان ما يرفضون والبيت بيتهم .. ويقنعهم لو بعدين فتحها ربي على زوجك واشترى بيت ملك تكون هذي الشقه مصدر دخل لهم .. تعيشين معاهم لا... علشان تتعدل العلاقات بينكم ... غيره لا ترجعين للمرمطه والإهانات .. .. اريح لك واريح لهم .. |
27-03-2011, 08:39 PM
|
المشاركة الأصلية كتبت بواسطة الوزن الثقيل
اولا السلام عليكم
حاب اعلق واتمنى ان لا يكون تعليق اشوي ثقيل البيت الي تكوون قواعده مزيفه مستحيل انه يطوول ويعمر والي تاسس بالبااطل فهو بااطل والحمدالله انك ماتزوجتيه لانه ماارايح يثق فيك ولا رايح انتي ترتااحين معه وكل مااشاافك تتكلمين جوال بيشك فيك نحن في ايام مانقول الله يرحمنا برحمته الناااس صارت ماعنده ذرة خوووف على نفسه ولا على اهله والذئااب البشريه تنتظر الطاايح علشاان تلقطه ولو انه يحبك بجد كااان مااقال انه متعرف عليك من طريق جواااال كان قااال اعرف ابوها ولا اعرف اخوها هو هنا كذب عليك وفضح سرك الله يستر علينا اجمعين صحيح انتي يمكن صاادقه معه ومع نفسك بحبه لاكن نحن في مجتمع محااافظ والله يديم هذا الحفااظ ويستر على بناتنا وبنات المسلمين اجمعين لاكن انا اقوولك هذا الشخص كرهيه كره العدووو لانه حاول على تدمير حياااتك لا تقووولين حب الحب الحقيقي يبدا بعد الزواج مااهو من طريق جوال او نت هذي كلها تسليااات بعد زواجك من رجل اخرى عرف كيف ياااتي البيوت والرجاال ياتي بيوت الرجاجيل من ابوابها ليس من الاحلااام التي لا تتحقق انتي هنا تخوونين رجلك فكريا وتخونينه معنويا انتي تخيل نفسك في هذا المووقف ماذا سوف يحصلك خلينا بعيد عن خياانة زوجك بالحرااام تخيلي لو زوجك قال بتزوج باامراااه اخرى وهذا حق من حقوقه ولا احد يستطيع يقوله ليش ماذا سوفى يحل بك سوووفى تستجنين صح ؟ وانتي كيف تفكرين في غيره بالحرااام وهو اب لابنائك ارجعي لله ياااختي وهذا حراااام وخيااانه ليس لها غفران من الزوج لو علم اما المغفره لله فهي مفتووحه اختي لا تخربي بيتك من اجل انسااان حقير وتاافه ولا هو الا ذائب يلعب بمشااعر الناااس ويبحث عن هتك عرض بناات الناس واهل زووجك ممكن لما يلحقووك بالاذى من البدااايه يمكن انتي الي بديتي لانك انتي ماتقبلتي زووجك فكيف تقوولين هم لا يتقبلوونك انتي يمكن الي بديتي معهم لكون عقلك ليس معهم انتي تستطعين ان تكسبي حب اهل زوجك لو تريدين وانتي تستطعين حب زوجك لو تريدين لاكن انتي اخترتي ناااس وحبيتي نااس لا يريدوونك وهم اهل هذاك الذئب المتووحش والله يااختي ان اهلي انهم يحبووون زوجتي وزوجتي تحبهم حب لا يعلم الا الله وانا في مشااكل مع زوجتي صاارو اهلي معها ضدي انتي يااختي تستطعين ان تكسبي اهل زوجك لا تقوولي لا استطيع اختي عووودي وفكري قليلا مع نفسك وفكري في بنتك هل توافقينها الراائي لو كبرت وكلمت شخص بالجوال وتقوول انها تحبها صحيح ان من واجبك الشرعي هو الاستقرار بشقه مستقله لاكن لماذا لا تشرطي بالعقد ليكون المسلمون على شروطهم اسف على الاطاله واتمنى لك حياااه سعيده |
|
واهل زووجك ممكن لما يلحقووك بالاذى من البدااايه يمكن انتي الي بديتي لانك انتي ماتقبلتي زووجك فكيف تقوولين هم لا يتقبلوونك انتي يمكن الي بديتي معهم لكون عقلك ليس معهم انتي تستطعين ان تكسبي حب اهل زوجك لو تريدين وانتي تستطعين حب زوجك لو تريدين لاكن انتي اخترتي ناااس وحبيتي نااس لا يريدوونك وهم اهل هذاك الذئب المتووحش |
|
والله يااختي ان اهلي انهم يحبووون زوجتي وزوجتي تحبهم حب لا يعلم الا الله وانا في مشااكل مع زوجتي صاارو اهلي معها ضدي انتي يااختي تستطعين ان تكسبي اهل زوجك لا تقوولي لا استطيع |
27-03-2011, 08:44 PM
|
المشاركة الأصلية كتبت بواسطة موهبة الكويت
الله يعينج ويصبرج
الحل بسيط لا تحكين في اهله وايد يعني مو لازم كل يوم تنزلين لهم مرة بالاسبوع كافية وان تكلموا فانتي خلج اذن من طين واذن من عجين والله ييسر امرج ياربي |
27-03-2011, 08:57 PM
|
المشاركة الأصلية كتبت بواسطة رجل الرجال
الأخت لصمتي رواية
لديكِ قلب وعقل فالقلب أختار وفشل لأنه كان في غير طاعة الله وعقلك اختار ونجح 1- زوج حبوب يسعى جاهداً لرضاك رغم ظروفه وارتباطه بوالدته وأخواته علاقتك بهذا الزوج ووجود ابنتك يجعل من هذه الأسرة مكسبك من الحياة ويوجب عليك خوض أشد العارك مهما كانت للحفاظ على تماسكها والوصول بها إلى بر الأمان. 2- سيستقر زوجك في قلبك بإذن الله وينسيكي من باعك فأنتي لا تحبين الأول بل تحبين حبك له وهنا فرق كبير فلو كنتي تحبينه لفضلت البقاء على ذكراه على الارتباط بغيره ومهما فعل بك لأنه لن يدخل قلبك غيره ولكن كانت حركات مراهقة ودوران على الأنا ولو كان يحبك لضغط على والدته من أجلك لأن الأم تتنازل لضناها والإبن لا يتنازل ولكن لاقيمة لك عنده. 3- كون والدة زوجك مطلقه فتصرفاتها حيال زوجة ابنها كائناً من كانت لا تستغرب فلا زوج لديها وترى إبنها يفضل زوجته أمامها ويمكن معالجتها بعدم اقثارة لئلا تجد وقوداً لغضبها وتسلطها. 3- ذكر الله سبحانه وتعالى أنه جعل بين الزوجين مودة ورحمة ولم يقل عشقاً وغراماً فإذا وجدتي في قلبك لزوجك مودة أو رحمة أو هما معاً فاستمري معه وحافظي على مملكتك فالنجاح بيدك والهروب إلى الطلاق جبن منك في هذه المعركة. 4- إذا وجدتي أن طلاقك منه وضياع ابنتك بين أبوين مطلقين أو زوج أم أو زوجة أب أوزواجك الثاني أو بقائك بدون زوج أهون عليك من البقاء مع زوجك فطلبك الانفصال مبرر فالإسلام لا يجبر المرأة على البقاء مع من لا تحب. 5- تأكدي أن الأيام ستجعلك تحمدين الله لوجودك مع هذا الزوج فوالدة الأول فرضت عليه رأيها في الارتباط بك فكيف بغيره. أسأل الله أن يبعد عنك وعن بنات المسلمين شياطين الجن والإنس وأن يجمعكم مع أزواجكم على خير. المستشار / رجل الرجال |
27-03-2011, 08:59 PM
|
المشاركة الأصلية كتبت بواسطة روح المساء
ياعمري عليك بجد تأثرت بقصتك صدقيني لو هو يحبك مستحيل يتخلى عنك بس كذاااب ويلعب عليك ويبي يخرب حياتك إنسيييييييييييييييييييييه أمحيه من حياتك هذا ماضي فقط بالنسبه لأهل زوجك ماقول غير الله يعينك صدقيني مو إنتي بس تعاني أغلبيه الحريم كذا للأسف يرضون الذل والقهر لزوجة ولدهم أما بناتهم يبون لهم العز والكرامه حسبي الله ونعم الوكيل على كل أهل زوج ظالمين بنات الناس وياهم إنتي عليك الإستغفار والصبر عزيزتي والدعاء بجوف الليل أهم شي زوجك يحبك صدقيني حاول وأقنعي نفسك إنك تحبيه إجلسي مع نفسك وتخيلي إنك عايشه بدونه وشوفي الفرق والله يعينك ويصبرك حبوبه |
27-03-2011, 09:03 PM
27-03-2011, 09:03 PM
|
المشاركة الأصلية كتبت بواسطة زوج الصخرة
صدقيني اللي خلاك تفرطين بسنوات عمرك الأولى واللي تسمينه حبيبك هذا كذاااااااب ....
اطوي صفحته وان تذكرتيها فلا تتذكريها إلا بالحقد عليه لأنه كذااااااب ... طبعاً ماراح تصدقي كلامي هذا كعادة الواهمات اللي يعتبرون قصتهم أطهر قصة بالعالم وان النصاب حقهم يختلف عن الاخرين .. رغم أنه يكلّم مع الوحدة خمس أخريات أو أكثر أو أقل .... ثانياً المعذرة ياأختي حظك حلو جداً وليس كما قلتي ولكن المشكلة فيك ... وأكبر دليل على حسن حظك هو وجود هالزوج الطيب بحياتك .. بس المشكلة فيك انت وفي قراراتك .. مثلاً أنت اشترطتي بيت مستقل ومع ذلك صمتتي عن الشرط وتغاضيتي ... على العموم وللاختصار أقول اقتراحي وهو / إذا كان شرط البيت المستقل مسجل بالعقد فعاودي المطالبة له لأنه كما تقولين أمه من النوع (الغثيث) ومستغنية عن بقاؤه معها ... فالمطلوب منك الان مطالبته للالتزام بشرطكم السابق بشتى الاساليب الممكنة ... ثم إذا لم يتجاوب عودي عند أهلك وطالبيه بذلك إلى أن يلتزم بشرطكم ... وإذا ماوافق أخبريه أنه بإمكانك اللجوء للمحكمة ومن هالكلام ... بس لابد يكون النطق بكلمة (المحكمة) في آآآآآخر شيء إذا لم يتجاوب مررررة .. فلا تقفزي لطرح فكرة المحكمة قبل كل الأساليب .... أختي الطاهرة .. زوجك الطيب هو سيرتك الحقيقة وبيتك وأمانك وذريتك هي رأس مالك ، حافظي على هالنعمة يأختي وانسي القصص السابقة ... ولو افترضنا صدقها فهي قصة ابتدت بشكل خاطئ كما اعترفتي وانتهت بمكالمات .. والمكالمات أغلبها وهم ومراهقة تخلو من الواقع ياأختي الطيبة والله وهم ، فلا تؤثر هذه الذكرى على حياتك ويكفي اللي راح من عمرك بسببها ... اجعلي تركيزك على زوجك وذريتك وحاولي مع زوجك بالبيت المستقل ، أما الانفصال فأتمنى تحرقي الفكرة وتحذفيها من رأسك لأنه لايوجد سبب مقنع إطلاقاً... الناس صبروا على اللي أكبر من كذا .. تمنياتي ودعواتي بالتيسير لك ... وبالتوفيييييييييييييييييق .... |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
