يعني لو الزوجة أهتمت بزوجها ودلعته.. يروح يتزوج عليها؟
ولو مااهتمت برضو يروح يتزوج عليها ولا يخونها ؟؟؟ وكله هيا السبب.!
حبيبتي ..
انتي سويتي الي عليكي وماقصرتي ..لا تعذبي نفسك وتضغطي على قلبك..
يمكن صحيح هذي فترة وتعدي.. بس مو معناته انك تحطي اللوم على نفسك..
المفروض ماتفتحي باب النقاش في هذه المواضيع مع زوجك أبدا..

يعني لو وحده زوجها متعها ودلعها .. حتحس انها تبغى واحد تاني.؟؟
ماني قادره استوعب وجهة نظره صراحه.. احسه يستغل طيبتك وحبك ليه..
انتي بينك وبين نفسك.. حترضي انه يتزوج عليكي..؟ تقدري تستحملي مشاركة امرأه اخرى فيه.. تقدري تتحملي احساس الغيره
الزواج مو بس متعة في الفراش يا ناااااس..
ممكن تنوعي في اللبس في تسريحات الشعر.. في المكان والزمان ..

الله يفرج همك ويهدي زوجك ويقر عينه بيكيِ

__________________

>> لا إله إلا أنت سبحانك إني كنت من الظالمين <<

حبيبتي مو مهم انه امرأة أخرى تشاركني فيه

المهم إنها تكون عون له لطاعة الله مو عون عليه وبهذا أخسر هدفي الأساسي

لذا أشارت علي إحدى الأخوات إن أردت أن (استشيخ) يعني أكون شيخة مؤنث شيخ

أشارت علي أن أخطب له بنفسي من ارتضي دينها وخلقها

صدقيني ياقلب حنون ، إذا كان تفكيرنا إنه هذه الدنيا فانية ومافيها سعادة ماراح يتعبنا موضوع التعدد كثير

وصدقيني الحياة فيها أشياء أهم من الزوج ، ومن إرهاق القلب والعقل في التفكير فيه

المهم أقوم بواجباتي نحوه وأحاول قد ما أقدر إني أكون سبب عفافه

عارفة اللي تاعبني ايش؟

إني خايفة أكون سبب في تفكيره هذا ، أنا ابغى اكون عون له ، واخاف اني عون عليه ، فهمتوني؟

انا أكبر مؤثر في حياة زوجي ، أنا عارفة قيمتي عنده وأدري إني روحه اللي يعيش فيها ، عشان كذا لازم اكووون قد المسؤلية ، وخايفة إنه أسلوبي معاه غلط مو صح

هو اذا شافني قوية صار قوي ، اذا شافني ضعيفة مايقدر يقويني ، تلاقيه يضطرب ويهتز ولا يعرف يتصرف

هو محملني مسؤلية فوق طاقتي لازم اكون توووب دايما عشان لا اجره لشي غلط

اضطراباتي النفسية لازم مايدري عنها عشان لا يتأثر فيها

لكني أحاول من وقت للثاني افضفض له وابكي في حضنه عشان يحس برجولته واني احتاجه وانه قادر على انه يسعدني

بس وقتها اداوي نفسي بنفسي ما استناه يداويني

اللي تعيش مع زوجي لازم تكون قووووووية من داخل نفسها ولا ماراح تعيش معاه زوجي واعرفه