يابعض الأعضاء أتقوا الله في بعض مشاركاتكم زوجها خان وهيه زوجه أصيله وسامحته ومن عفى وأصلح فأجره على الله والحرمه سامحت فلاداعي لتذكيرها بما فعله زوجها الوحده تكتب مشاركتها هنا بدون ماتلقي لها بال وتبات اليل متوسده ذراع زوجها ونايمة بحضنه وبسبب نصيحتها بينهدم بيت أسره مسلمه بالله في ذمتكم إذا زوجها طلبها حقه وصدته وطلبها وصدته وصارت مشكله بينه و بينها بسبب صدودها له وطلقها وإلا دور غيرها بحلال ولا حرام ماعادت تفرق معاه أهم شئ يقضي حاجته ذاك الساع في ذمة من بيكون شتات هاذي الأسره مو حنا يالناصحين لهاذي الزوجه وياما زوجات خانوهم أزواجهم
في بيوتهم و داخل غرف نومهم
وسامحوهم وصبروا علشان الحياة الزوجية تسير وتمشي يا أخواتي ترى زوجها خان لاكن مو أول رجل بأمة محمد عليه الصلاة والسلام يخون وترى زوجها تاب لله سبحانه وتعالى وربنايعلم بما في نفسه من زوجته ومن الخلق أجمع وزوجها يوم ماكانت تتقرب منه وتتوسل له وهو صادها كان إنسان مريض وهي قالتها بنفسها كان موسوس وشكاك بمرضه والبيت كله أدويه كيف هاذا الشخص بيستوعب إللي حوله أو يحس بوجودهم الحين زوجها إبتدى وضعه يتحسن وابتدى يطلع من حالته النفسيه ومن الإكتئاب إللي صابه وصار مستوعب إن وراه أسره وزوجه وبيت ولاتنسون إن هناك بعض الرجال يراضي زوجته ويرجع المياه لمجاريها بالعلاقه الخاصه يضن الواحد إنه لوعاشر زوجته إنه خلاص طاح الحطب و تصافت القلوب يا أخواتي أختنا في الله تطلب مشورتنا لأنها تثق بكلامنا ونحن يجب علينا أن ننصحها بالكلام السليم وإللي فيه خير لها ولبيتها ولاتنسون الحرمه عندها عيال وهاذي عشرة بينهم فكونوا مفاتيح خير و مغاليق لشر ولاتكونون معاول لهدم بيوت الناس فإنا والله الذي نفسي بيده لمسؤلون عن كل حرف خططناه هنا وجزاكم الله ألف خير .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله